Wikipedia:Padoman untuak artikel nan kontroversial

Artikel kontroversial, sasuai jo sifaiknyo, paralu pananganan nan jauah labiah barati-ati unatuak mangasiakan suduik pandang netral.

Jalehan kontroversi

Suatu artikel takaik urang atau kalompok nan kontroversial musti sacaro akuraik manjalehan pandangannyo, jo indak mampadulian pandapaik Sanak tantang kasalahan atau kakurangan pandapaik tasabuik. Kanalah untuak mangajuan patanyoan, "Baa caro nan paliang elok manjalehan kontroversi ko?" Bukanlah tugeh awak untuak manyuntiang Wikipedia sainggo marefleksikan pandangan pribadi awak jo mampatahankannyo ka bakeh sado urang; adolah karajo awak untuak adil kapado sadoalah pihak dalam suatu kontroversi.

Arok dipahami baso kabijakan netralitas Wikipedia samo sakali indak manyatokan baso awak musti maagiah bobot nan samo kapado pandangan minoritas dalam suatu kontroversi.

Caliak juo: Wikipedia:Suduik pandang nan indak mamihak.

Elok-eloklah jo rujuakan

Kok manulih suatu artikel pado kabanyakan topik di Wikipedia, panyatoan fakta jo opini nan ditarimo acok indak paralu disaratokan rujuakan; tantu sajo hal ko taraso bedo untuak surang panulih jo tangguang jawek untuak manyadiokan bukti dokumenter untuak satiok panyatoan.

Walaupun baitu, kok takaik jo topik nan kontroversial, sarupo dalam bidang agamo atau masalah-masalah aktual, diparaluan untuak labiah elok-elok. Samakin manyimpang suatu panyatoan dari pandangan nan ditarimo umum, samakin banyak rujuakan nan musti diagiahan. Paratikan hal-hal barikuik:

Kato-kato basayok

Istilah "kato basayok" (weasel words) marujuak pado suatu panyatoan umpamo "diklaim", "dipikia", "dianggap". Walaupun kato-kato tu mungkin marupokan sarana retorika nan sah, kato-kato itu musti elok-elok dipalajari untuak mayakinkan basonyo indak digunokan untuak manyalekan bias nan tasuruak, karano diklaim bararti baso klaim tu mungkin indak batua jo ado alasan untuak maragukannyo. Subagai contoh:

...sacaro laweh dianggap sabagai karya dari... (baiak)
...nan mangklaim baso inyo dipaso kalua dari rumahnyo... (buruak--Amaik mungkin baso urang-urang tu memang dipaso kalua dari rumahnyo.

Rujuakan fakta

Wakatu manjalehan kajadian atau aksi, rujuakan musti diagiahn dari sumber tapicayo. Idealnyo, sumber-sumber ko barasa dari karya akademik independen, tapi masalahnyo, kabanyakan dari awak indak punyo akses ka sumber bahan cando ko. Bagi sabagian banyak kajadian sajak 1995, dan kadang sabalunnyo, laporan barito babasis web dapek dikutip untuak maagiah fakta-fakta dasa. Sumber-sumber ko musti barasa dari media utamo (KOMPAS, MetroTV, CNN, BBC, dll.) atau organisasi independen sarupo PBB, jo tatok mampatimbangkan baso inyo mampunyoi biasnyo surang.

Rujuakan panyatoan

Katiko manggambarkan urang, kajadian, atau aksi, suatu kajadian musti dari suatu sumber nan dapek ditarimo. Suatu carito reguler dari suatu organisasi media utamo amaik rancak digunokan, tapi ijan bagantuang pado para jurnalis untuak malaporkan sacaro akuraik bias nan didapek dari sumbernyo. Alternatifnyo, rujuak pulo panyatoan dari media atau kalompok konservatif atau liberal lain, jo syaraik baso sumber tu sacaro akuraik diagiah label jo terminologi nan netral. Contohnyo,

Kalompok gareja konservatif Amerika...
Kalompok liberal anti-parang...
Kalompok advokasi sayok-kanan pro-Israel...
Kalompok Islam radikal...
Gerakan pambarontakan panduduak asali...

Identifikasikan kamungkinan bias dari sumber, tamasuak nan ado hubuangan organisasi, finansial, atau personal jo pihak nan bakapantiangan. Kok status sumber itu surang dipatantangkan, sabaiaknyo hindari panggambaran tu samo sakali; sabaliaknyo, gunokan suatu pautan ka artikel pado sumber nan mandiskusikan sadoalah konflik suduik pandang tu (kok mamungkinkan). Salah satu contoh, di antaro banyak contoh-contoh lain, adolah padebatan antaro panggunoan istilah teroris jo pajuang kamardekaan. Pado kondisi baso indak ado suatu suduik pandang utamo, labiah disarankan untuak maagiah panyatoan-panyatoan dari baragam perspektif.

Prosedur panyuntiangan

Kok Sanak bakontribusi pado suatu artikel kontroversial, sarancaknyo dipilah antaro kontribusi non-kontroversial jo nan kontroversial. Daulukan untuak mamasuakan suntiangan nan non-kontroversial, baru dilanjuikan jo nan (disangko) kontroversial. Kok suntiangan kontroversial dibaliakan dek kontributor lain, paliang indak suntiangan nan non-kontroversial tatok dipatahankan.

Caliak juo