Wikipedia:Kabijakan panyuntiangan

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Indak paralu samparono[suntiang sumber]

Amaiklah ancak jikok sasaurang manambahan suatu artikel nan langkok jo ditulih sacaro baiak ka Wikipedia. Hal ko selalu dianjurkan.

Walaupun mode itu, salah satu kalabiahan utamo sistem Wiki adolah baso draf awa artikel nan indak langkok atau ditulih sacaro buruak buliah bakambang manjadi suatu karya mahsyur nan diparancak sarato layak dipresentasikan malalui proses panyuntiangan kolaboratif. Hal iko mambuek pandakekan nan awak lakukan mamiliki kalabiahan dibandiangan caro lain untuak mangasiakan produk akhia nan sarupo. Dek karano itu, pangiriman draf kasa musti juo didorong sabisa mungkin.

Sasaurang buliah mamulai suatu artikel jo, mungkin, gambaran umum, tahadok babarapo fakta acak. Urang lain dapek manambahkan opini minoritas. Urang salanjuiknyo dapek mambulekan artikel tasabuik jo perspektif lain. Salanjuiknyo, editor lain dapek mamuek suatu suduik pandang nan mungkin tarabaikan, atau mampeloki opini awa sainggo manjadi labiah basuduik pandang netral. Urang salanjuiknyo dapek mamiliki fakta jo angko atau grafik untuak disaratokan, jo urang ciek lai dapek mambatuakan kasalahan ijoan jo tatabahaso nan muncual pado babarapo suntiangan sabalunnyo.

Gaya panyuntiangan[suntiang sumber]

Umumnyo, urang nan babeda mamiliki "gaya" panyuntiangan nan babeda:

  • Babarapo urang indak banyak manyuntiang jo bafokus pado mambarikan isi baru.
  • Urang lain mamiliah untuak mangambangkan "rintisan" jo artikel nan ado.
  • Babarapo labiah manyukoi malakukan parubahan copyediting ketek (sarupo tatabahaso, ijoan, klarifikasi, jo sintaks), dan juo manambahkan pautan baru atau mamindahkan halaman untuak maagiah namo baru tanpa musti kahilangan riwayaik jo pambicaroan artikel tasabuik.

Selalu ado tampek untuak sagalo hal di ateh di Wikipedia.

Kabaranian[suntiang sumber]

Ado pulo baragam gaya panyuntiangan dalam hal sabarapo barani sasaurang:

  • Umumnnyo, kabanyakan awak bapikia baso awak musti barani dalam manyuntiang halaman.
  • Ampia indak ado urang nan bapikia baso pangarang tadaulu musti ditanyo sabalun malakukan parubahan; kok awak bapikia mode itu, sangaik saketek kamajuan nan dapek dicapai.
  • Banyak Wikipediawan nan bapikia baso batanyo jo badiskusi adolah pilihan taakhia. Lansuang sajo ubah suatu laman kok Sanak mancaliak adonyo masalah, daripado manunggu untuak mandiskusi suatu parubahan nan manuruik Sanak musti dilakukan.

Parubahan gadang[suntiang sumber]

Parubahan gadang dapek diajuan pado laman rundiang supayo panulih sabalunnyo indak maulang kiriman samo. Parubahan baru dapek mamburuakan namo elok panulih sabalunnyo, dan indak ado urang nan suko karajonyo diancuakan tanpa ado pambaritahuan sabalunnyo. Kok Sanak mambuek parubahan gadang, Sanak musti manjalehan dek apo Sanak maapuih kontribusi sabalunnyo di laman rundiang. Hal iko dapek mangurangi kamungkinan basilek lidah nan indak bakasudahan.

Jadi, apopun nan Sanak lakukan, cubo untuak maagiah kaba sabalunnyo. Alasan untuak maapuih bit sabuah artikel di antaronyo:

Alasan lainnyo:

  • parafrase
  • mamelok-i nan indak tapek samantaro manjago isinyo
  • mamindahan teks di dalam artikel atau ka artikel lainnyo (nan lah ado atau baru)
  • manambah apopun nan Sanak pikia paralu untuak mambuek artikel ko saimbang
  • mamintak sabuah kutipan jo manambahan tando {{fact}}

Kok dalam panilaian Sanak, sabuah laman nan sederhana paralu untuak ditulih ulang atau diubah sacaro substansial, lanjuikan. Tapi paralu untuak manjago konten nan manuruik Sanak baharago di laman rundiang, sajalan jo alasan Sanak mambuek parubahan. Bahkan, kok Sanak maapuih sasuatu nan jaleh salah, mungkin ado nan baranggapan hal itu batua, mako paralu untuak maagiah informasi kudian ka editor baso hal itu salah.

Wikipedia bukanlah forum diskusi[suntiang sumber]

Apopun nan Sanak piliah, baiak kok Sanak mamutuihan untuak manyuntiang jo barani atau mananyokan di laman pambicaroan dulu, harok diinokan baso Wikipedia bukanlah forum diskusi.

Wikipedia dapek manjadi tampek nan ancak untuak mangambangan artikel, bukannyo untuak mampatahankan teori kasayangan, ideologi, agamo, dll. Indak ado salahnyo mangikuti etika.