Lubuak aka

Lubuak aka dalam bahaso Persia

Lubuak aka atau ensiklopedia adolah sajumlah tulisan nan barisi panjalehan-panjalehan informasi manganai kasaluruahan cabang ilimu pangatahuan sacaro komprehensip nan mudah dimangarati. Kato "ensiklopedia" diambiak dari bahaso Yunani: enkyklios paideia (ἐγκύκλιος παιδεία) nan bararti sabuah pangajaran nan langkok. Mukasuiknyo ensiklopedia tu adolah sabuah pandidiakan paripurna (samparono) nan mancakuik saluruah lingkaran ilimu pangatahuan. Ensiklopedia acok dicampuabauakan jo kamuih, nan babeda antaro kamuih jo ensiklopedia iyolah: sabuah kamuih tu hanyo maagiah definisi satiok entri nan dicaliak dari suduik pandang linguistik atau hanyo maagiah kato-kato sinonim, sadangkan sabuah ensiklopedia maagiah panjalehan sacaro labiah mandalam dari apo nan dicari.