Wikipedia:Panguruih/Kabijakan pamiliahan

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Kabijakan ko manyangkuik mekanisme pamiliahan panguruih.

Definisi jo katantuan umum[suntiang sumber]

  • Pangguno nan tadaftar adolah pangguno nan alah tadaftar di Wikipedia bahaso Minang dan mamanuahi syarat-syarat ko:
    • alah bagabuang salamo minimal saminggu (salanjuiknyo disabuik "umua");
    • minimal alah manyuntiang sabanyak 15 kali (salanjuiknyo disabuik "edit count");
    • bukan pangguno siluman.
  • Pangguno baru adolah pangguno nan indak tadaftar. Suaro pangguno baru, anonim, jo siluman indak akan dihituang.
  • Suaro satuju adolah jumlah suaro nan mandukuang dikurangi jo suaro nan manulak.
  • Jumlah suaro adolah jumlah kasaluruahan suaro sah nan masuak (dukuang + tulak).
  • Wakatu nan dipakai badasarkan UTC.

Panguruih[suntiang sumber]

Syarat-syarat pancalonan panguruih[suntiang sumber]

  1. Calon adolah surang pangguno nan tadaftar.
  2. Alamat surek elektronik calon alah diatur, valid, dan alah dikonfirmasi. Salain tu, calon harus mambuliahan pangguno lain untuak mangirim surek elektronik.
  3. Calon alah manyumbang di Wikipedia bahaso Minang salamo minimal 3 bulan; dengan jumlah sumbangan minimal mancapai 150 di saluruah ruang namo.
  4. Calon paham dan familiar jo caro manggunoan Wikipedia dan hal-hal teknis lainnyo.
  5. Calon aktif dalam badiskusi di laman parundiangan, di kadai kopi, atau di tampek-tampek lain nan patuik.
  6. Calon indak dapek mancalonan diri surang, malainkan harus dicalonkan dek pangguno lain. Bilo dicalonkan, calon harus manyatoan kesediaan dirinyo talabiah dahulu.

Mekanisme pamiliahan panguruih[suntiang sumber]

  • Pamiliahan diadokan bilo calon alah manyatoan kesediaan diri.
  • Salamo pamiliahan balangsuang, pangguno lain berhak untuak batanyo pado calon di laman pamiliahan, pado bagian nan tapisah. Tanyo-jawek ditutuik bilo pamiliahan salasai.
  • Pamiliahan dibukak dan ditutuik dek surang panguruih nan sadang manjabaik. Wakatu pamiliahan adolah salamo 1 minggu.
  • Calon dinyatoan tapiliah manjadi panguruih jikok:
    • suaro nan satuju mancapai 70% dari jumlah suaro;
    • jumlah suaro mancapai 11 suaro nan sah.
  • Calon dinyatoan indak tapiliah manjadi panguruih jikok:
    • suaro nan satuju kurang dari 70% jumlah suaro;
    • jumlah suaro kurang dari 11 suaro nan sah.
  • Suaro abstain indak dihituang. Piliahan suaro adolah satuju atau indak satuju.

Mekanisme pencabutan panguruih[suntiang sumber]

  • Status panguruih surang pangguno hanyo dapek dicabuik dek panyalahgunoan kuaso atau keinginan pribadi.
  • Dalam hal tajadinyo panyalahgunoan kuaso, komunitas berhak mengusulkan pencabutan status lewat sabuah pamungutan suaro. Dalam hal pencabutan dek keinginan surang, panguruih bersangkutan maajuan pencabutan surang pado steward di Meta.

Pencabutan dek panyalahgunoan kuaso:

  • Surang panguruih nan diduga manyalahgunoan kuaso (parang suntiangan, panghapusan/pamblokiran/perlindungan sacaro sewenang-wenang) berhak untuak dicabuik hak panguruihnyo.
  • Surang pangguno nan tadaftar berhak untuak mangusulkan pencabutan di satu laman khusus. Dalam wakatu satu minggu, panguruih nan tatuduah dapek maajuan pembelaan, nan akan dipertimbangkan dek panguruih lain.
  • Dalam hal sadoalah panguruih nan ado indak mancapai kato sapakek nan bulek untuak manarimo pembelaan panguruih nan tatuduah, proses pencabutan kapangurusan disarahkan kapado komunitas dalam satu pamungutan suaro nan terbuka.
  • Pamungutan suaro untuak pancabutan dibukak dan ditutuik dek surang panguruih nan sadang manjabaik. Wakatu pemungutan suaro adolah salamo 1 minggu.
  • Salamo pamungutan suaro balansuang, panguruih nan tatuduah indak berhak untuak mambela diri dalam bantuak apopun, di ruang namo apopun.
  • Hak kapangurusan nan tatuduah akan dicabuik jikok:
    • suaro nan satuju mancapai 75% dari jumlah suaro;
    • jumlah suaro mancapai 11 suaro nan sah.
  • Hak kapangurusan nan tatuduah indak akan dicabuik jikok:
    • suaro nan satuju kurang dari 75% jumlah suaro;
    • jumlah suaro kurang dari 11 suaro nan sah.
  • Suaro abstain indak dihituang. Piliahan suaro adolah satuju atau indak satuju.