Uni Soviet
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.svg)
.svg)
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
;_Flag_of_Kazakhstan_(1991%E2%80%931992).svg){kind=small}
;_Flag_of_Turkmenistan_(1991%E2%80%931992).svg){kind=small}
;_Flag_of_Kyrgyzstan_(1991%E2%80%931992).svg){kind=small}
;_Flag_of_Tajikistan_(1991%E2%80%931992).svg){kind=small}
Uni Soviet (bahaso Rusia, Sovyétskiĭ Soyúz) atau Uni Republik Sosialis Soviet, disingkek URSS (bahaso Rusia, Сою́з Сове́тских Социалисти́ческих Респу́блик, Soyúz Sovyétskikh Sotsialistícheskikh Respúblik; disingkek СССР dalam alfabet Kiril, SSSR dalam alfabet Latin), adolah negara sosialis nan pernah ado antaro taun 1922–1991 di Eurasia.
Uni Soviet manganuik sistim politik ciek partai nan dipagang dek Partai Komunis hinggo taun 1990.[4] Walaupun Uni Soviet sabananyo iolah suatu kesatuan politik dari babarapo republik Soviet jo ibu kota di Moskow, nyatonyo Uni Soviet manjelma manjadi nagori nan pamarentahannyo sangaik tapusek jo manarapkan sistem ekonomi tarencana.
Revolusi Februari nan bagolak di Rusia pado taun 1917 manyababkan runtuahnyo Kekaisaran Rusia. Panaruihnyo, Pamarentahan Samantaro Rusia, hanyo batahan hinggo diguliangan malalui Revolusi Oktober pado taun nan samo. Sasudah kaum Bolshevik manang dalam Parang Sipil Rusia pascarevolusi, Uni Soviet didirikan pado tanggal 30 Desember 1922 jo anggotanyo RSFS Rusia, RSFS Transkaukasia, RSS Ukraina, dan RSS Byelorusia
Pasca-kamatian pamimpin Soviet nan partamo, Vladimir Lenin, pado taun 1924, Josef Stalin manjadi panggantinyo sasudah mamanangan parabuikan kakuasaan[5] jo mamimpin nagori tasabuik malewati proses industrialisasi gadang jo sistim ekonomi tarencana jo panindasan politik.[5][6] Dalam suasana Parang Dunia II, pado bulan Juni 1941, Nazi Jerman jo sakutunyo manyarang Uni Soviet malalui Operasi Barbarossa walaupun sabalumnyo kaduo nagori alah manandatangani Pakta Molotov-Ribbentrop nan barisi pajanjian untuak indak saling manyerang. Sasudah ampek taun baporang nan sabana gadang, Uni Soviet muncua sabagai salah ciek dari duo nagori adidaya pamanang parang salain Amerika Serikat. Pado akhirnyo, Uni Soviet mangalami kakalahan dalam hal ekonomi sarato politik dalam jo lua negeri.[7][8] Pado akhir taun 1980-an, pamimpin Soviet nan tarakhir, Mikhail Gorbachev, mancubo marestrukturisasi negaran nan dipimpinnyo malalui kabijakan glasnost jo perestroika, tapi justru mambuek papacahan di Uni Soviet nan akhirnyo sacaro resmi bubar pado tanggal 26 Desember 1991 sasudah gagalnyo pacuboan kudeta pado bulan Agustus sabalumnyo.[9] Hak jo kewajiban negara iko kamudian dilanjuikan dek Federasi Rusia.[10]
Pado masonyo, Uni Soviet mamiliki tigo parwakilan di Parsarikatan Bangsa-Bangsa (PBB), yaitu Uni Soviet, Ukraina, jo Byelorusia
Keadaan geografis
[suntiang | suntiang sumber]Pado masonyo, Uni Soviet adolah negara tagadang di dunia, jo luas 22.402.200 km2. Status negara tagadang iko salanjuiknyo ditaruihan dek negara panggantinyo, Federasi Rusia. Luweh wilayahnyo nan maliputi saparanam daratan di muko bumi hampia samo luasnyo jo Amerika Utara. Saparampek wilayah bagian timurnyo di Asia nan jarang bapanduduak mamanjang hinggo Samudera Pasifik di sabalah timur jo Afghanistan di sabalah salatan, Uni Soviet mambantang sapanjang labiah dari 10.000 km dari timur ka barat dan hampia 7.200 km dari utara ka salatan, malintehi sabaleh daerah wakatu.
Uni Soviet juo punyo bateh negara tapanjang di dunia jo panjang labiah dari 60.000 km, duo partigonyo adolah garih pantai Samudra Arktik, Uni Soviet babateh langsuang jo Afghanistan, Cekoslowakia, Finlandia, Hongaria, Iran, Korea Utara, Mongolia, Norwegia, Polandia, Cino, Rumania, jo Turki pado taun 1949-1991. Uni Soviet jo Amerika Seritkat dibatehi dek Selat Bering.
Sungai tapanjang di Uni Soviet adolah Sungai Irtysh jo gunuang tatingginyo adolah Puncak Komunisme di RSS Tajikistan nan bakatinggian 7.495 m dari parmukaan lauik. Danau tagadang di dunia, Lauik Kaspia, sabagian gadang talatak di wilayah Uni Soviet. Danau aia tawa tagadang dan tadalam di dunia. Danau Baikal, juo talatak di negara iko.
Tadapek limo daerah iklim di Uni Soviet, yaitu tundra, taiga, stepa, gurun, jo pagunuangan.
Demografi
[suntiang | suntiang sumber]Manuruik sensus panduduak taun 1989, populasi Uni Soviet tadiri ateh 70% bangsa slavia timur, 12% Turki, jo sisonyo panduduak minoritas jo parsentasi masiang-masiang kurang dari 10%. Meski mayoritas panduduak Uni Soviet manganuik ateisme (60%), sabanyak 20% manganuik agamo Kristen Ortodoks, 15% Islam, jo sisonyo babarapo agamo nan lain.[11]
Sijarah
[suntiang | suntiang sumber]
Maso awal
[suntiang | suntiang sumber]Tsar Rusia tarakhir, Nicholas II, mamarentah Kekaisaran Rusia hinggo dipaso mangunduran diri pado bulan Maret 1917 dalam Revolusi Rusia karano adonyo polemik keikutsaratoan Rusia dalam Parang Dunia I. Salanjuiknyo, Pamarentahan Samantaro Rusia mangambiak aliah kakuasaan hinggo diguliangan dek kaum Bolshe vik malalui Revolusi Oktobe pado tanggal 7 November 1917 nan dipimpin dek Vladimir Lenin.
Uni Soviet sacaro resmi didirikan pado bulan Desember 1922 jo anggota RSFS Rusia, RSS Ukraina, RSS Byelorusia, jo RSFS Transkaukasia jo masiang-masiang dipimpin dek Partai Bolshevik satampek. Lenin ditunjuak sabagai Pamimpin Uni Soviet nan partamo. Walaupun Uni Soviet didirian sabagai federasi, sabuikan "Soviet Rusia" - nan sabananyo hanyo balaku bagi RSFS Rusia - acok kali disalahgunoan dek manyabuik Uni Soviet sacaro kasadoalahnyo dek panulih jo politisi Non-Soviet
Era Stalin
[suntiang | suntiang sumber]Lenin maningga pado taun 1924 dan digantian dek Josef Stalin. Pado masonyo, inyo mamodernisasi patanian jo program kolektivisasi nan takenal ganas jo mangakibekan banyak rakyatnyo mati kalaparan, dibuang ka kamp-kamp konsentrasi di Siberia, atau ditembak mati dek aparat pamarentah (tautamo NKVD). Stalin juo mambunuah banyak urang nan dianggapnyo sabagai pambangkang, tamasuak golongan militer. Pambarasiahan Gadang-Gadang pado taun 1937 adolah nan taburuak. Salain tuh, inyo turuik mamprakarsai industrialisasi Uni Soviet meski labiah ditujuan untuak kapantiangan militer.
Pado taun 1939, Soviet manandatangani pakta non-agresi jo Nazi Jerman nan maagiah jalan untuak Uni Soviet mancaplok bagian timur Polandia, Negara-negara Baltik, jo Bessarabia. Pancaplokan Soviet ateh Polandia diwarnai jo adonyo Pambantaian Katyn, pambunuahan massal 20.000 urang Polandia dek NKVD. Walaupun dek tuh, isi pakta ko dilangga dek Nazi Jerman dengan manyarang Uni Soviet pado bulan Juni 1941 dalam Operasi Barbarossa. Sasudah mangalami kakalahan jo kakalahan, Tantara Merah barasil manahan sarbuan Nazi pado taun 1943 dan akhirnyo mausia inyo dari Eropa Timur. Daerah-daerah nan dulunyo dikuasai Nazi, tamasuak sabagaian Jerman, dirabuik dek Soviet. Walaupun labiah dari 20 juta rakyat Uni Soviet tabunuah dalam Parang Patriotik Raya, dunia mulai mamparituangan kakuatan angkatan basanjato Soviet
Era Khrushchev
[suntiang | suntiang sumber]Stalin maningga katiko taun 1953 sasudanyo digantian dek Nikita Khrushchev. Inyo maubah kabijakan Stalin nan tagolong kajam malalui proses destalinisasi dan barusaho mampaelok hubuangan jo nagari-nagari Barat, tapi konfrontasi jo Barat tatap ado. Pado maso ikola tajadi palombaan angkaso jo sanjato nuklir. Khrushchev dilengseran dari jabatannyo sabagai Sekretaris Jenderal Partai Komunis jo Kapalo Nagori Uni Soviet pado taun 1964 sasudah Krisis Rudal Kuba sataun sabalumnyo nan nyaris mamicu parang nuklir antaro Uni Soviet jo Amerika Sarikat.
Era Brezhnev
[suntiang | suntiang sumber]Sasudah Khrushchev dilengseran, Uni Soviet baliak dipimpin sacaro basamo-samo dek Leonid Brezhnev sabagai Sekretaris Jenderal, Alexei Kosygin sabagai Perdana Menteri, jo Nikolai Podgorny sabagai Ketua Presidium hinggo 1970 saat Brezhnev mangangkek dirinyo sabagai pamimpin tunggal. Pado taun 1968, Uni Soviet jo nagori-nagori angggota Pakta Warsawa manginvasi Cekoslowakia untuak maambek maluwehnyo reformasi Musim Semi Praha.
Pado masonyo, Brezhnev mamulai politik détente nan batujuan untuak mangurangi katagangan jo nagori-nagori Barat. Tapi inyo tetap barusaho mangambangan pangaruah Soviet dengan mandukuang salah ciek pihak nan pro-komunisme, sosialisme, atau anti-Barat dalam babagai konflik global jo parang saudara sarupo mandukuang nagori-nagori Arab dalam konflik malawan Israel, Vietcong jo Tantara Rakyat Vietnam dalam Parang Vietnam nan juo didukuang dek Cino, MPLA di Angola, FRELIMO di Mozambik, SWAPO di Namibia, sarato pamarintahan Sandinista di Nikaragua. Inyo juo mahiduikan kabijakan Stalin nan batumpu pado pambangunan industri berat jo militer.
Era Gorbachev
[suntiang | suntiang sumber]Sasudah maningga pado taun 1982, kadudukan Brezhnev digantian dek Yuri Andropov jo Konstantin Chernenko nan masiang-masiang maningga katiko manjabat di taun 1984 jo 1985. Pasca-kematian Chernenko, Politbiro mangangkek Mikhail Gorbachev sabagai Sekretaris Jenderal pado bulan Maret 1985 nan manandoi hadirnyo generasi kapamimpinan nan baru. Di bawah Gorbachev nan relatif masih mudo, para teknokrat baorientasi pambaruan nan alah mangawali karir inyo sajak maso kapamimpinan Khrushchev, sagiro mampakuek kakuasaan di lingkuangan Partai Komunis, maagiah momentum baru untuak liberalisasi politik jo ekonomi,sarato mangambangan hubuangan elok jo Barat.
Pado saat Gorbachev mampakenalan glasnost (ketabukakan politik), perestroika (restrukturisasi ekonomi), jo uskoreniye (pacapekan pambangunan ekonomi), parekonoian Uni Soviet mangalami inflasi tasambunyi nan diparparah dek maraknyo pasa galok.
Rujuakan
[suntiang | suntiang sumber]- ↑ Hough, Jerry F. “The ‘Dark Forces," the Totalitarian Model, and Soviet History.” The Russian Review, vol. 46, no. 4, 1987, pp. 397–403
- ↑ Bergman, Jay. “Was the Soviet Union Totalitarian? The View of Soviet Dissidents and the Reformers of the Gorbachev Era.” Studies in East European Thought, vol. 50, no. 4, 1998, pp. 247–281.
- ↑ "Law of the USSR of March 14, 1990 N 1360-I 'On the establishment of the office of the President of the USSR and the making of changes and additions to the Constitution (Basic Law) of the USSR'". Garant.ru. Diarsipkan dari versi asli tanggal 10 October 2017. Diakses tanggal 12 July 2010.
- ↑ Bridget O'Laughlin (1975) Marxist Approaches in Anthropology Annual Review of Anthropology Vol. 4: hlm. 341–370 (Oktober 1975)William Roseberry (1997) Marx and Anthropology Annual Review of Anthropology, Vol. 26: hlm. 25–46 (Oktober 1997)
- ↑ a b Robert Service. Stalin: A Biography. 2004. ISBN 978-0-330-41913-0
- ↑ Crile, George (2003). Charlie Wilson's War: The Extraordinary Story of the Largest Covert Operation in History. Atlantic Monthly Press. ISBN 0-87113-854-9.
- ↑ Holloway, David (1996). Stalin and the Bomb. Yale University Press. hlm. 18. ISBN 978-0-300-06664-7.
- ↑ Turner 1987, p. 23
- ↑ Byrd, Peter (2003). "Cold War (seluruh bab)". Dalam McLean, Iain; McMillan, Alistair. The Concise Oxford Dictionary of Politics. Oxford University Press. ISBN 0-19-280276-3. Diakses tanggal 16 Juni 2008.
- ↑ "Russia is now a party to any Treaties to which the former Soviet Union was a party, and enjoys the same rights and obligations as the former Soviet Union, except insofar as adjustments are necessarily required, e.g. to take account of the change in territorial extent. […] The Russian federation continues the legal personality of the former Soviet Union and is thus not a successor State in the sense just mentioned. The other former Soviet Republics are successor States." United Kingdom Materials on International Law 1993, BYIL 1993, hlm. 579 (636).
- ↑ "Buku Fakta CIA 1990". Diarsipkan dari versi asli tanggal 2011-04-27. Diakses tanggal 2022-01-31.