Bahaso Rusia

Dari Wikipedia baso Minang, ensiklopedia bebas
Lompek ka: navigasi, cari
Bahaso Rusia
Русский язык Russkiy yazyk
Lafal [ˈruskʲɪj jɪˈzɨk]
Ditutuaan di Federasi Rusia, Kazakhstan, Uzbekistan, Turkmenistan, Tajikistan Kirgizstan, Azerbaijan, Georgia, Armenia, Ukraina, Belarus, Moldova, Estonia, Lituania, Latvia, Israel, jo Amerika Serikat
Jumlah panutua 278 juta jiwa[1]  (indak ado tanggal)
Rumpun bahaso
Sistem panulisan Sirilik
Status rasmi
Bahaso rasmi di  Rusia
 Belarus
 Kazakhstan
 Kirgizstan
 Moldova
Diatur dek Institut Bahasa Rusia [2]
Akademi Sains Rusia
Kode-kode bahaso
ISO 639-1 ru
ISO 639-2 rus
ISO 639-3 rus

Bahaso Rusia (русский язык, russkiy yazyk, diucapkan [ˈruskʲɪj jɪˈzɨk]) adolah bahaso Slavia nan utamonyo dituturkan di Rusia, Belarus, Uzbekistan, Kazakhstan, jo Kirgizstan. Bahaso iko indak rasmi namun banyak pulo dituturkan di Ukraina, Moldova, Latvia, Tajikistan, Turkmenistan, Estonia jo nagara-nagara lain nan alah pernah manjadi bagian dari Uni Soviet.[3][4] Bahaso Rusa tamusuak ka dalam rumpun bahaso Indo-eropa jo salah satu dari tigo bahaso Slavia Timua.

Jo jumlah panutua sabanyak 278 juto jiwa, bahaso Rusia marupoan bahaso tagadang kalimo dari segi jumlah panutuanyo sasudah bahaso Mandarin, Inggirih, Spanyol, jo Hindi.[4] Bahaso iko juo manjadi bahaso rasmi PBB jo badan-badan khususnyo salain bahaso Arab, Parancih, Mandarin, Inggirih, jo Spanyol. Salain itu, bahaso Rusia ko juo digunokan sabagai bahaso rasmi Persemakmuran Nagara-nagara Merdeka.

Klasifikasi[suntiang | suntiang sumber]

Bahaso Rusia tamasuak dalam rumpun bahaso slavia, nan mano bahaso Rusia badunsanak jo bahaso-bahaso balkan, sarupo bahaso Bulgaria, bahaso Serbo-Kroat, bahaso Makedonia, bahaso Slovenia, bahaso Rusyn, bahaso Belarus, bahaso Ukraina, bahaso Polandia, bahaso Ceko jo bahaso Slovak nan marupoan bagian dari rumpun bahaso Indo-Eropa.

Dalam rumpun bahaso Slavik, bahaso Rusia paliang dakek badunsanak jo bahaso-bahaso Slavik Timur, yaitu Bahaso Belarus jo Bahaso Ukraina. Sarupo jo kaduo bahaso taakhia iko, mamakai abjad Sirilik, bahaso Rusia dipakai sabagai bahaso parantaro (lingua franca) di republik-republik bakeh Uni Soviet. Bahaso Rusia punyo juo karya sastra nan kayo.

Bahasa Rusia adolah bagian dari bahaso Slav dari kaluargo bahaso Indo-Eropa. Bilo dicaliak dari suduik pandang palafalan bahaso, Bahaso Rusia agak sarupo jo Bahaso Ukraina jo Bahaso Belarus di Slavia Timua, nan aka bahasonyo adolah dari Bahaso Slavia Timua Tuo. Kosa kato, bantuak kalimaik, jo sastra Rusia kabanyakan dipangaruahi dek Gereja Slavonic. Fonologi bahaso Rusia, tarutamo di bagian utaro Rusia, dipangaruahi dek bahaso Finnik (bahaso Finlandia)[5][6]. Babarapo kato modern Bahaso Rusia ado juo nan barasa dari Tatar. Badasakan Institut Palinduang Bahaso di Monterey, bahaso Rusia digolongkan sabagai bahaso tingkek III, yaitu bahaso nan cukuik sulik dipalajari dek urang babahaso ibu Inggirih asli, jo butuh waktu 780 jam intensif untuak bisa babicaro bahaso Rusia jo cukuik lanca.[7]

Panyebaran geografis[suntiang | suntiang sumber]

Peta penyebaran bahasa Rusia

Bahaso Rusia ditutuakan sacaro laweh di Rusia jo nagara-nagara bakeh Uni Soviet. Pado maso Soviet, bahaso Rusia digunokan sabagai bahaso superioritas jo pamarsatu, walaupun Uni Soviet tadiri dari banyak etnik jo suku bangso. Satalah bubarnyo Uni Soviet pado tahun 1991, babarapo nagara bakeh Uni Soviet, sarupo Kirgistan mamuloi untuak mamakai bahaso asli mareka dibandiang mamakai bahaso Rusia.

Kamampuan babahaso Rusia di nagara bakeh Uni Soviet, 2004.

Di Estonia, nan marupoan bakeh nagara bagian Soviet, labiah kurang 58% panduduak aslinyo mampu babahaso Rusia. Salain itu ada juo imigran dari Rusia labiah kurang 25.6% nan bisa babahaso Rusia. Salain itu, di Finlandia, jumlah penutua bahaso Rusia adolah labiah kurang 33.400 panutua. Pado abaik ka-20, bahaso Rusia manyebar jo dipalajari sacaro laweh di nagara Pakta Warsawa jo di nagara nan basakutu jo Uni Soviet. Nagara-nagara iko diantaronyo adolah Polandia, Albania, Ceko, jo Kuba. Bahaso Rusia juo ditutuakan di Israel dek 750.000 imigran Yahudi asa Rusia. Kabanyakan koran jo situs Israel mamakai bahaso Rusia. Babarapo komunitas Rusia di Amerika Utara, sarupo di Amerika Sarikaik jo Kanada juo manutuakan bahaso Rusia. Badasakan data Biro Sensus Amerika Sarikaik tahun 2000, tacatek labiah dari 700.000 urang nan manutuakan bahaso Rusia sabagai bahaso sahari-hari.

Sajarah[suntiang | suntiang sumber]

Bahaso rasmi[suntiang | suntiang sumber]

Bahaso Rusia adolah bahaso rasmi Federasi Rusia. Bahaso Rusia juo ditatapkan sabagai bahaso rasmi di Kazakhstan, Kirgizstan, jo Belarus. Salain itu, bahaso iko juo manjadi bahaso rasmi sacaro de facto di Abkhazia jo Ossetia Selatan. Bahaso Rusia juo dipakai sabagai bahaso panganta di 97% sikolah di Rusia, 75% di Belarus, 41% di Kazakhstan, 25% di Ukraina, 23% di Kirgizstan, 21% di Moldova, 7% di Azerbaijan, 5% di Georgia, sarato 2% di Armenia jo Tajikistan.

Dialek[suntiang | suntiang sumber]

Dialek dalam bahaso Rusia tabagi duo sacaro umum, yaitu dialek Utara jo dialek Selatan, jo Moskow nan talatak di daerah patangahan antar kaduonya. Pabedoan dialek nampak dari tata bahaso, kosa kato, caro pelafalan jo intonasi. Contohnyo, pado kato булошная (toko roti) nan diucapkan [ˈbuləʂnəjə] pado dialek Moskow daripado mangucapkan булочная [ˈbulətɕnəjə]. Dialek Utara jo daerah sakuliliang Sungai Volga mangucapkan huruf /o/ tanpa takanan jo fenomena iko disebut оканье /okanye/.

Samantaro itu di daerah Timur Moskow, tapeknyo di daerah Ryazan, mareka mangucapkan huruf /e/ jo /a/ tanpa takanan jo fenomena iko disabuik яканье /yakanye/. Pado awal abaik ka-18, Mikhail Lomononsov mamuloi panyalidiakan dialek nan ado di saantero Kakaisaran Rusia. Kamudian pado abaik ka 19, Vladimir Dal manulih sabuah kamuik langkok bahaso Rusia jo dialek-dialeknyo.

Sistem Panulihan[suntiang | suntiang sumber]

Abjad[suntiang | suntiang sumber]

Huruf Namo huruf Transliterasi Transliterasi
namo huruf
А а а a a
Б б бэ b be
В в вэ v ve
Г г гэ g ge
Д д дэ d de
Е е йэ ye ye
Ё ё йо yo yo
Ж ж жэ zh zhe
З з зэ z ze
И и и i i
Й й и краткое y i kratkoye
К к ка k ka
Л л эл l el
М м эм m em
Н н эн n en
О о о o o
П п пэ p pe
Р р эр r er
С с эс s es
Т т тэ t te
У у у u u
Ф ф эф f ef
Х х ха h ha
Ц ц цэ ts tse
Ч ч чe ch che
Ш ш ша sh sha
Щ щ ща sch scha
Ъ ъ твёрдый знак * tvyordiy znak
Ы ы ы y y
Ь ь мя́гкий знак ´* myagkiy znak
Э э э e e
Ю ю йу yu yu
Я я йа ya ya

Ungkapan lazim[suntiang | suntiang sumber]

Salam[suntiang | suntiang sumber]

  • Здравствуйте /zdrastuiche/ - halo (kapan pun, bantuak sopan)
  • Привет /privyet/ - halo (bantuak biaso)
  • Доброе утро /dabroi utra/ - salamaik pagi (pukul 00.00-12.00)
  • Добрый день /dobriy jyen/ - salamaik siang (pukul 12.00-18.00)
  • Добрый вечер /dobriy vyechir/ - salamaik malam (pukul 18.00-00.00)
  • Как поживаете? /kak pazhivayecheh/ - baa kaba? (bantuak sopan)
  • Как поживаешь? /kak pazhivayesh/ - baa kaba? (bantuak biasa)
  • Прекрасно. А ты? /prikrasna, a ti/ - baiak, sanak? (bantuak biaso)
  • Рад Вас видеть /rat vas vijyech/ - sanang bajumpo jo Sanak (bantuak sopan, pria)
  • Рада Вас видеть /rada vas vijyech/ - sanang bajumpo jo Sanak (bantuak sopan, wanita)
  • Рад тебя видеть /rat tibya vijyech/ - sanang bajumpo jo Sanak (bantuak biaso, pria)
  • Рада тебя видеть /rada tibya vijyech/ - sanang bajumpo jo Sanak (bantuak biaso, wanita)
  • Я тоже рад Вас видеть /ya tozhe rat vas vijyech/ - sanang bajumpo jo Sanak juo (bantuak sopan, pria)
  • Я тоже рада Вас видеть /ya tozhe rada vas vijyech/ - sanang bajumpo jo Sanak juo (bantuak sopan, wanita)
  • Что нового? /shto novawa/ - ado sasuatu nan baru?
  • Как дела? /kak jyela/ - baa kaba? (bantuak biaso)
  • Как у Вас дела? /kak u was jyela/ - baa kaba? (bantuak sopan)
  • Спасибо, хорошо /spasiba, harasho/ - baiak, tarimo kasih
  • А у Вас? /a u was/ – lalu, baa kaba Sanak? (bantuak sopan)
  • Так себе /tak sibye/ - baitulah
  • Как обычно /kak abweichna/ – sarupo biaso
  • Неплохо /nyeuploha/ - indak talalu buruak
  • Плохо /ploha/ - buruak

Pakanalan[suntiang | suntiang sumber]

  • Как вас зовут? /kak was zavut/ - sia namo Sanak? (bantuak sopan)
  • Как тебя зовут? /kak tibya zavut/ - sia namo ang? (bantuak biaso)
  • Меня зовут... /minya zavut/ - namo ambo...
  • Вы знакомы с...? /vwi znakomweu s.../ - apo Sanak kana... ? (bantuak sopan)
  • Разрешите познакомить вас (с моим мужем/с моей женой) /razreshiche paznakomich (was smayim muzheum/smayey zheneuy)/ - izinkan ambo mamperkenalkan Sanak kapado (suami/istri) ambo.
  • Очень приятно /ochyen priyatna/ - sanang batamu jo Sanak
  • Я из Индонезии /ya iz Indanyezii/ - Ambo dari Indonesia

Papisahan[suntiang | suntiang sumber]

  • Боюсь, что мне пора /boyus, shto mnye para/ - tampaknyo, ambo harus baranjak kini
  • До свидания! /da svidaniya/ - salamaik tingga! (bantuak sopan)
  • Пока! /paka/ - dadah!
  • До скорого! – /da skorawa/ - sampai jumpo! (bantuak biaso)
  • Спокойной ночи - /spakoyneuy nochi/ - salamaik lalok!
  • Увидимся /uvijimsia/ - sampai jumpo
  • До скорой встречи /da skoreuy wstrechi/ - sampai jumpo lai
  • До вечера /da vyechira/ - sampai nanti malam
  • До завтра /da zavtra/ - sampai bisuak
  • Всего наилучшего! /vsiwo nailuchsiwo/ - sado nan tabaiak!
  • Передавай привет... /piridavay privyet.../ - sampaikan salam ambo kapado...

Rujuakan[suntiang | suntiang sumber]

  1. ^ "How do you say that in Russian?". Expert. 4 Agustus 2006. http://eng.expert.ru/printissues/countries/2006/09/russkiy_yazyk_v_blizhayshem_zarubezhe/. Diakses pado 26 Pebruari 2008. 
  2. ^ "Russian Language Institute". Ruslang.ru. http://www.ruslang.ru/. Diakses pado 16 Mai 2010. 
  3. ^ "Gallup.com". Gallup.com. http://www.gallup.com/poll/109228/russian-language-enjoying-boost-postsoviet-states.aspx. Diakses pado 16 Mai 2010. 
  4. ^ a b "The World's Most Widely Spoken Languages". http://www2.ignatius.edu/faculty/turner/languages.htm. Diakses pado 16 Mai 2009. 
  5. ^ "Academic credit". Вопросы языкознания. - М., № 5. - С. 18–28. 4 Agustus 1982. http://www.philology.ru/linguistics2/filin-82.htm. Diakses pado 29 April 2006. 
  6. ^ "Academic credit". Прибалтийско-финский компонент в русском слове. http://www.ksu.ru/f10/publications/konf/articles_1_1.php?id=5&num=17000000. Diakses pado 29 April 2006. 
  7. ^ "Academic credit". Defense Language Institute Foreign Language Center. http://www.dliflc.edu/academics/academic_affairs/dli_catalog/acadcred.htm. Diakses pado 20 April 2006. 

Pautan lua[suntiang | suntiang sumber]