Surau Menara
| Surau Menara | |
Surau Menara sekitar tahun 1900 | |
| Latak | Jorong Lubuk Jaya, Nagari Koto Baru, Kecamatan Sungai Pagu, Kabupaten Solok Selatan, Sumatra Barat, Indonesia |
| Afiliasi agamo | Islam |
| Kapamimpinan | Wakaf |
| Deskripsi arsitektur | |
|---|---|
| Jinih arsitektur | Surau |
| Gaya arsitektur | Minangkabau |
| Pambukoan tanah | 1894 |
| Tahun salasai | 1900 |
| Spesifikasi | |
| Panjang | 12 meter |
| Leba | 8 meter |
| Minaro | 1 |
| Tinggi minaro | 13 meter |
Surau Menara talatak di Jorong Lubuk Jaya, Nagari Koto Baru, Kecamatan Sungai Pagu, Kabupaten Solok Selatan, Sumatra Barat, Indonesia. Surau ko didirian pado 1894 dek Syekh Mustafa Al-Khalidi Sungai Pagu dan awalnyo banamo Surau Lubuk. Dinamoan "Menara" karano bantuak bangunannyo nan jangkuang takah menara jo katinggian sampai puncak sakitar 13 meter. Talatak di tangah pakampungan nan dikana sabagai Kawasan Seribu Rumah Gadang sahinggo dari puncak atok surau ko dapek dicaliak pamandangan sakaliliang Kawasan Seribu Rumah Gadang.[1][2]
Kini ko, bangunan Surau Menara alah manggunoan batu bata jo atok dari seng sabagai hasil pamugaran. Sabalum dipuga, bangunannyo hanyo tabuek dari kayu jo atok ijuak. Meski bantuak itu, bantuak usali Surau Menara masih tatok dipatahankan.[1][2]
Surau ko alah ditetapan sabagai cagar budayo basamo 129 objek lainnyo di Kawasan Seribu Rumah Gadang.[3][4]
Sajarah
[suntiang | suntiang sumber]Surau Menara didirian pado 1894 dan mulai digunoan sajak 1900. Surai ko marupoan bangunan ibadah umaik Muslim tatuo di Solok Selatan. Awalnyo, surau ko banamo Surau Lubuk. Pandirinyo yakni Syekh Mustafa Al-Khalidi Sungai Pagu (wafat 1901), saurang ulama Minangkabau nan menyebaran Tarekat Naqsyabandiyah di Sungai Pagu. Syekh Mustafa merupoan guru dek Muhammad Dalil Bayang dari Bayang, Pesisir Selatan jo Syekh Khatib Muhammad Ali dari Padang. Indak ado catatan apokah kaduo murid Syekh Mustafa pernah baraja di surau ko.[5][3]
Ketiko tagak, Surau Menara ukuran awalnyo hanyo 6 x 6 meter. Bangunannyo samulo tabuek dari kayu jo atok babahan ijuak. Bantuaknyo manyatu jo bangunan batingkek babantuak menara sahinggo dijuluki sabagai Surau Menara.[1][2][3]
Renovasi
[suntiang | suntiang sumber]Pado dekade 1950-an sampai 1970-an, surau ko sempat indak digunoan. Pado 1980, dilakuan renovasi patamo kali jo melebaan ruang sumbayang manjadi 8 x 12 meter. Renovasi dilakuan sacaro swadaya, nan biayanyo barasa dari masyarakaik sakitar surau sarato dikumpuan pado bulan Ramadhan. Perenovasian dilakuan hanyo di bagian bawah surau, takah dindiang kayu nan kini diganti jo tembok, paluasan mimbar nan kini, panambahan teras, sarato interior ruangan jo malapisi dindiang jo papan kayu supayo tampak labiah asri sarato nyaman.[2][6]
Konstruksi
[suntiang | suntiang sumber]Surau Menara punyo puncak babantuak menara jo atok babantuak limas. Tinggi menara sakitar 13 meter, manyatu jo ruang sumbayang nan denah dasar baukuran 8 x 12 meter.[1][2][6]
Konstruksi bangunan ditopang dek tiang kayu jo dindiang tabuek dari batu bata, kacuali dindiang menara nan sajak didirian tabuek dari kayu. Jumlah tiang sabanyak 13 buah. Tiang-tiang panyangga saliang tahubuang sistem pasak, tanpa menggunoan paku. Kayu nan digunoan yakni jinih kayu jua atau sajinih sonokeling. Tiang-tiang bangunan masih usali sampai kini ko kendati alah banyak nan lapuak dimakan usia. Pado 2002, masyarakaik satampek manambahan lapisan kayu pado tiang-tiang lamo supayo tatok kokoh.[1][2][6]
Tadapek sabanyak 15 anak tangga di ateh loteang nan digunoan untuak mancapai puncak surau. Konstruksi atok hinggo puncak surau masih usali, ditandoi jo kayu nan digunoan pado dindiang menara.[1][2][6]
Referensi
[suntiang | suntiang sumber]- ↑ a b c d e f Antara 25 Agustus 2009.
- ↑ a b c d e f g Detik.com 1 Juli 2018.
- ↑ a b c Keputusan Bupati Solok Selatan 2017.
- ↑ PPID Kemendagri 24 April 2019.
- ↑ Muhamamd Hidayatullah 2017, hlm. 17-18.
- ↑ a b c d Pemerintah Kabupaten Solok Selatan 2017.
Daftar pustaka
[suntiang | suntiang sumber]- Guido Merung (25 Agustus 2009). "Surau Menara, Rumah Ibadah Tertua di Solsel". LKBN Antara. Diakses tanggal 25 April 2019.
- "Kedamaian di Surau Menara". Detik.com. 1 Juli 2018. Diakses tanggal 24 April 2019.
- Muhamamd Hidayatullah (2017). "Perancangan Informasi di Objek Wisata Kawasan Saribu Rumah Gadang Melalui Media Sign System". Universitas Komputer Indonesia. Diarsipkan dari versi asli tanggal 1 August 2024. Diakses tanggal 24 April 2019. Parameter
|chapter=akan diabaikan (bantuan) - "Surau Menara Antara Tempat Ibadah dan Sajian Panorama Nagari Saribu Rumah Gadang". Diakses tanggal 2017.
- "Penetapan Rumah Gadang, Balai Adat, Surau, Masjid, dan Makam nan Berlokasi di Wilayah Nagari Koto Baru, Kecamatan Sungai Pagu Sebagai Bangunan dan Struktur Cagar Budaya" (PDF), Keputusan Bupati Solok Selatan Nomor 556.315.2017, 2017, diarsipkan dari versi asli (PDF) tanggal 24 April 2019, diakses tanggal 24 April 2019
- Cagar Budaya Kawasan Saribu Rumah Gadang, Kabupaten Solok Selatan, diarsipkan dari versi asli tanggal 24 April 2019, diakses tanggal 24 April 2019
Pranala luar
[suntiang | suntiang sumber]- Video di Youtube.
