Minaro

Wikipedia Minangkabau - Lubuak aka tapian ilimu

Minaro atau Manaro iolah sabuah struktur buatan manusia nan tingginyo labiah daripado lebanyo. Minaro acok dibangun untuak manjadi sabuah panado sabuah organisasi. Dek itu minaro dibangun ancak jo elok. Tapi tujuan utamo pambangunan minaro adolah untuak mamaliharo ruang jo tanah.

Etimologi[suntiang | suntiang sumber]

Kato "minaro" barasa dari Bahaso Arab "منارة" nan dibaco:manārah.[1]

Sijarah[suntiang | suntiang sumber]

Minaro alah dipakai dek manusia sajak zaman prasejarah. Minaro batu bulek di dindiang kota Jericho dari zaman Neolithic (8000 SM) adolah nan dianggap tatuo di dunia. Minaro-minaro nan paliang partamo dibuek adolah ziggurat, nan ado pado arsitektur Sumeria sajak 4000 taun SM. Sabagian ziggurat nan paliang tanamo tamasuak Ziggurat Sumeria di kota Ur, dibangun 3000 taun SM, jo Etemenanki nan marupokan salah satu contoh paliang tanamo dari arsitektur Babilonia, dibangun 2000 taun SM sarato dianggap sabagai minaro tatinggi pado masonyo.

Babarapo contoh tatuo nan masih ado adolah struktur-struktur Broch (struktur dindiang kosong) di Skotlandia utara, bafungsi sabagi minaro mercusuar babantuak karucuik. Iko sajalan jo budayo Phoenician jo Romawi nan manakankan paran minaro sabagi benteng jo panjagoan. Sabagai contoh, elemen pangintaian nan ditamukan di Mogador diabngun 1000 taun SM, barasa dari Phoenician atau Carthaginian. Urang Romawi mamfungsikan minaro persegi salapan sabagai bagian dari istano Diocletian di Kroasia, nan dipakirokan dibangun 200 taun masehi, sadangkan Tembok Servian (4000 taun SM) jo Tembok Aurelian (3000 taun masehi) babantuak persegi ampek. Urang Cino manggunokan minaro sabagai bagian tapadu dari Tembok Gadang Cino (The Great Wall of China) 210 taun SM pado maso pamarintahan dinasti Qin. Minaro juo marupokan elemen pantiang pado kastil.

Minaro tanamo lainnyo adolah Minaro Pisa di Pisa, Italia nan dibangun dari taun 1173 inggo 1372, jo Minaro Kamba di Bologna, Italia nan dibangun dari taun 1109 inggo 1119. Minaro Himalaya adolah minaro batu nan sabagian gadangnyo ado di Tibet, dibangun sakitar abaik ka-14 sampai abaik ka-15.

Struktur jo arsitektur[suntiang | suntiang sumber]

Kabanyakan minaro babantuak saakan-akan samo tetapi arsitekturnyo babeda. Minaro kadangkalo mampunyoi antena di puncaknyo.

Tujuan pambangunan minaro[suntiang | suntiang sumber]

Di bawah ko adolah babarapo tujuan pambangunan minaro:

  • untuak manjadikannyo ancak jo mangagumkan
  • manguekan tanah
  • sabagai pamandangan
    • untuak pariwisata
    • untuak tujuan pangawasan: Minaro pamandu udaro, nan ado di lapangan tabang
    • untuak tujuan kasalamaikan: minaro pangawas di panjaro.
    • untuak mangawasi kabakaran: di hutan misalnyo
  • untuak manyebarkan cahayo (rumah api)
  • untuak manyebarkan bunyi (lonceng di minaro gereja, azan di minaro musajik)
  • untuak manunjuakan wakatu (minaro jam)

Caliak pulo[suntiang | suntiang sumber]

Rujuakan[suntiang | suntiang sumber]

  1. "archive copy". Diarsipkan dari versi asli tanggal 2012-01-19. Diakses tanggal 2018-08-04.