Songket Silungkang
Songket Silungkang adolah sajinih songket dari Minangkabau buatan masyarakaik Silungkang, Kabupaten Sijunjung.[1] Ilimu mananun songket Silungkang ko barasa dari Tiongkok Daratan nan kudian manyeba ka Silungkang.[2] Mananun Songket Silungkang dilakukan dek anak-anak gadih jo ibu rumah tanggo untuak maisi wakatu luang.[3] Songket Silungkang dibuek dalam bantuak kain, saruang jo salendang untuak digunokan dalam acara-acara adaik sarato jo panikahan masyarakaik Minangkabau.[4]
Sijarah[suntiang | suntiang sumber]
Pangatahuan tantang pambuatan Songket Silungkang ko bamulo dari pangatahuan mananun dari Daratan Tiongkok nan kudian manyeba ka Karajaan Siam di Thailand. Salanjuiknyo, pangatahuan iko manyeba pulo ka nagari-nagari di Semenanjung Malaya yaitunyo Selangor, Kelantan, Terengganu jo Brunei Darussalam. Pado abaik ka-16 Masehi, ilimu mananun songket taseba laweh dek Ali Dalimo dari Selangor ka Silungkang, Siak jo Palembang.[2]
Motif[suntiang | suntiang sumber]
Motif itiak pulang patang[suntiang | suntiang sumber]
Motif itiak pulang patang babantuak gambar itiak nan bajalan barurutan sarato jo bairiangan untuak pulang pado patang hari. Itiak malambangkan kahidupan masyarakaik nan lamah tapi dapek hiduik basamo, damai sarato jo panuah kasiah sayang.[4] Salain itu, itiak dapek pulo malambangkan karajo kareh untuak mandapek rasaki samanjak pagi sarato mansyukurinyo di patang atau sanjo hari. Parilaku iko marupokan sikap nan dijunjuang tinggi dalam masyarakaik Minangkabau.[5]
Motif pucuak rabuang[suntiang | suntiang sumber]
Motif pucuak rabuang barupo gambar pucuak rabuang. Panggunoannyo pado bagian ateh kain saruang, bagian bawah saruang jo di ujuang salendang. Motif iko malambangkan basonyo kahidupan adolah sasuatu nan bamanfaaik dan indak patuik disio-siokan. Pasan iko disimbolkan dari kahidupan batuang nan bamulo dari rabuang.[5]
Lagu[suntiang | suntiang sumber]
Daerah Silingkang mampunyoi topografi babukik-bukik sainggo indak sasuai untuak ka sawah. Karanonyo, anak-anak gadih jo ibu rumah tanggo hanyo malakuan padok rumah tanggo, sadangkan wakatu luangnyo diisi jo mananun songket.[3] Sambia mananun, inyo ka malantunkan lagu barikuik:[6]
Turak didorong stkek dipantak
Banang saute babantuak kain
Anak dtdendang nast dttanak
Banang saute babantuak kain
Payobada suku Malowe
Supanjang Dali mo Jao
Banang dituriang sainggo lapeh
Anak didendang lalok juo
Rujuakan[suntiang | suntiang sumber]
- ↑ Devi 2015, hlm. 19.
- ↑ a b Devi 2015, hlm. 21–22.
- ↑ a b Siburian 2000, hlm. 116.
- ↑ a b Pebriyeni 2019, hlm. 218.
- ↑ a b Pebriyeni 2019, hlm. 219.
- ↑ Siburian 2000, hlm. 116–117.
Daftar pustaka[suntiang | suntiang sumber]
- Devi, Silvia (2015). "Sejarah dan Nilai Songket Pandai Sikek". Jurnal Ilmu Sosial Mamangan. 2 (1): 17–28. ISSN 2503-1570.
- Pebriyeni, Eliya (2019). "Perkembangan Fungsi Seni Kerajinan Tenun Songket Silungkang". Gorga Jurnal Seni Rupa. 8 (1): 214–221. doi:10.24114/gr.v8i1.13585.
- Siburian, Robert (2000). "Perilaku Kerja Pengrajin Tenun Tradisional: Kasus di Desa Silungkang". Jurnal Masyarakat dan Budaya. 3 (1): 111–128. ISSN 2502-1966.