Terengganu

Dari Wikipedia baso Minang, ensiklopedia bebas
Jump to navigation Jump to search
ترڠڬانو دار الإيما
Terengganu Darul Iman
Flag of Terengganu.svg Coat of arms of Terengganu.svg
Bendera Negeri Lambang Negeri
Motto: Islam Hadhari Terengganu Bestari
MalaysiaTerengganu.png
Ibukota Kuala Terengganu
Sultan Sultan Mizan Zainal Abidin
Menteri Besar Dato' Ahmad Said
Wilayah 12,955 km2
Penduduk
 - Anggaran
1,500,000
Lagu negeri Selamat Sultan

Nagari Terengganu Darul Iman adolah salah satu nagara bagian Malaysia. Terengganu talatak di Pantai Timua Samananjuang Malaysia, di antara garih bujua 102.25 dangan 103.50 dan garih lintang 4 hinggo 5.50. Di bagian utara dan baraik lauiknyo babatasan jo Kelantan dan di bagian salatan dan baraik dayo babatasan jo Pahang.

Satakat ko tadapek babarapo carita nan dikaikkanjo namo nagari Terengganu. Namo Terengganu itu dikaikkan jo ” Terangnya ganu “, ” Taring anu “, dan ” Terangan nu “. Kisah asal namo Terengganu ko malibaikkan panduduak lua Terengganu ( Kelantan jo Pahang ) dan pulo dari panduduak Terengganu surang ” Terangnya ganu ” ko dikaikkan pulo jo paristiwa babarapo urang palaja Kelantan tibo di Kuala nan kini dipanggie Kuala Terengganu maliek palangi di langik. Mareka pun manyatoan ” Terang sungguh ganu di siko “. Apabilo pulang ka Kelantan mareka manyatokan di nagAri jiran sungguh “terang ganunya “. Samantaro tu ” Taring anu ” dikatokan barasal daripado carito nan dikisahkan oleh Sultan Terengganu nan kasambilan, Bagindo Omar ( 1839 – 1876 ). Sabalun wujuik namo nagari Terengganu, satu romboangan Pahang alah datang mamburu di kawasan hulu. Apabilo mareka tibo di satu tampek ( kini dikanali jo Sungai Terengganu Mati ), salah surang daripado rombongan tu bajumpo sabatang tariang. Baliau pun batanyo kapado kawannyo, tariang apo? Salah surang daripadonyo manyatokan – “Taring anu ” karano inyo indak dapek mangingekkan namo tariang tasabuik. indak lamo kamudian, di antaro mareka di dalam romboangan ko dapek mamburu saikua ruso. Apabilo dibaok pulang ka tampek mareka bakhemah, salah saurang daripado mareka batanyo tampek ruso tu diburu. Mareka nan bakanaan manyatokan baburu di “Taring anu “. Bagitu pulo apabilo mambaok pulang kayu gaharu dan ditanyo tampeknyo, mareka manyatoan di ” Taring anu”. Lamo kalamoan dikanali jo Terengganu. Tadapek duo kisah asa namo Terengganu nan malibekkan panduduak tampekan. partamonyo kisah ” Taring anu ” nan balaku di tampek lain ( bukan di hulu ). Kisah ko manyatoan nan ” Taring anu ” berasa daripada sabatang tariang sagadang gading gajah dijumpoi di sabuah pulau ( kini dikanali sabagai Pulau Duyung ) bahampiran Kuala Sungai. Ketua pulau tasabuik manyambahkan kepado rajo ” taring anu tuanku “. Dangan iu kuala sungai tu disabuik sabagai Kuala Sungai Taring anu. Kamudiannyo Kuala Sungai Terengganu. Sabuah kitab lai bakaik dangan salah sabuah sungai nan banamo Sungai Terengan. Kuala Sungai Terengan ko adolah partamuan Sungai Kerbat jo Sungai Terengan. Dipicayoi pado zaman silam alah ado panduduak di siko. Mareka barulangaliak manggunokan kaduo-duo sungai ko. Oleh karano tu jiko mareka batolak dari Kuala Terengan, mareka akan manggunokan samada Sungai Terengan atau Sungai Kerbat. Jiko ado di antaro mareka batanyo handak ka mano? Mareka akan manjawek samo ado ka ” Terangan ni ” atau ” Terengan nu”. Dangan tu lamo kalamoan muncualah Terengganu.

Daerah[suntiang | suntiang sumber]

Terengganu tabagi 11 daerah yaitu :

  • Besut
  • Dungun
  • Kemaman
  • Kuala Terengganu
  • Kuala Nerus
  • Marang
  • Setiu
  • Ulu Terengganu

Kota-kota utamo di Terengganu adolah Kuala Terengganu (ibu kota), Chukai, Kuala Besut, Rantau Abang jo Kuala Dungun.

Liek pulo[suntiang | suntiang sumber]

  • Perhubungan di Terengganu
  • Pariwisata di Terengganu
  • Transportasi di Terengganu
  • Bahasa Terengganu

Pranala lua[suntiang | suntiang sumber]