Rabuang

Rabuang
	Satuneh rabuang.
	Namo Cino
Cino tradisional:	竹筍
Cino sederhana:	竹笋
Transliterasi
	Mandarin
- Hanyu Pinyin:	zhú sǔn
	Yue (Kantonis)
- Jyutping:	zuk1 seon2
	Nama Jepang
Kanji:	竹の子 or 筍
Kana:	タケノコ
Transliterasi
- Romaji:	takenoko
	Namo Korea
Hangul:	죽순, 대나무싹
Transliterasi
- Romanisasi:	juk sun, daenamu ssak
	Namo Nepali
Nepali:	तामा (Tama)

Rabuang adolah tuneh atau anakan yang masih mudo yang tumbuah dari urek batuang. Panduduak Indonesia maupun Asia umumnyo mamanfaatan rabuang batuang sabagai bahan makanan. Rabuang batuang tamasuak jinih sayua yang disukoi banyak urang dek teksturnyo yang renyah jo raso manih sarato aromanyo yang khas.^[1]

Rabuang batuang digunoan sabagai isi lumpia, makanan khas Semarang; rabuang acok pulo digunoan sabagai bahan baku masakan khas Jawa Tangah, sarupo sayua lodeh. Salain itu, rabuang diolah pulo manjadi lema.

Kini ko, rabuang alah dapek diolah untuak baragam bahan makanan olahan babahan dasar rabuang sarupo tapuang rabuang yang punyo kanduangan pati tinggi, cuko rabuang, karipik rabuang, rabuang baku, jo asinan rabuang.

Di daerah Jawa, rabuang kariang disabuik pulo jo namo klingking. Sabalun dimasak, rabuang kariang ko dicuci barasiah jo diabuih talabiah dahulu. Rabuang ko dimasak jo santan, teksturnyo renyah mirip dagiang ayam.^[2]

Rabuang punyo kanduangan karbohidrat, protein, jo duo baleh asam amino pantiang yang sangaik diparaluan dek badan. Konsumsi rabuang sacaro taratur diyakini marupoan salah satu tindakan preventif untuak maambek baragam jinih panyakik, tamasuak kanker.

Sumber rabuang[suntiang | suntiang sumber]

Sadolah rabuang batuang punyo kanduangan asam sianida (HCN). Rabuang batuang yang tingkek HCN tinggi babahayo kok dikonsumsi, sabaliaknyo yang lamak untuak dikonsumsi adolah yang tingkek HCN-nya randah.^[1] Di wilayah tropis, jinih-jinih batuang yang biaso diambiak rabuangnya untuak makanan adolah yang biaso ditanam di pakarangan atau tumbuah di tapi hutan/sungai, sarupo: Bambu betung (Dendrocalamus asper), Bambu apus/tali (Gigantchloa apus), Bambu wulung/itam (Gigantochloa atroviolacea), Bambu ater/jawa (Gigantochloa atter), Bambu gombong/surat (Gigantochloa pseudoarundinacea), Bambu ampel (Bambusa vulgaris) jo Bambu kuning/gadiang (Bambusa vulgaris var. striata).

Dari kawasan subtropis tadapek jinih-jinih batuang yang biaso diambiak rabuangyo, yaitu: Madake (Phyllostachys bambusoides), Moso (Phyllostachys edulis), Bambusa oldhamii, Bambusa odashimae, Bambusa blumeana, jo Fargesia spathacea.