Inflasi
Inflasi merupakan suatu proses meningkatkan harga-harga secara umum jo taruih-manaruih (continue), kenaikan harga dari ciek atau duo barang sajo indak dapek disabuik inflasi kacuali apobilo kanaikan itu malueh (atau mangakibaikan kanaikan harago) pado barang lainnyo.[1] [2] Inflasi bakaitan pulo jo mekanisme pasa nan dapek disababkan dek babagai faktor, antaro lain: konsumsi masyarakaik nan maningkek, balabihnyo likuiditas di pasa nan mamicu konsumsi atau bahkan spekulasi, sampai tamasuak juo akibaik adonyo katidaklancaran distribusi barang.[3] Salain itu, kaindakstabilan ekonomi jo tingkek panjualan dapek juo manimbulkan inflasi. Dengan kato lain, inflasi marupoan juo proses manurunnyo nilai mato uang sacaro kontinu.[4]
Inflasi bagian dari proses suatu peristiwa, indak tinggi-randahnyo tingkek harago. Aratinyo, tingkek harago nan dianggap tinggi alum tantu manunjuakan inflasi. Inflasi adolah indikator untuak mancaliak tingkek parubahan, dan dianggap tajadi jiko proses kanaikan harago balangsuang sacaro taruih-manaruih jo saliang pangaruah-mamangaruahi. Istilah inflasi digunaoan pulo untuak mangartian paningkatan pasadioan pitih nan kadang kala diliek sabagai panyabab maningkeknyo harago.[5]
Panyabab inflasi
[suntiang | suntiang sumber]Takanan dari sisi suplay (cost push inflation)
[suntiang | suntiang sumber]Faktor-faktor nan mambuek tajadinyo cost push inflation dapek disababkan dek depresiasi nilai tuka, dampak dari inflasi lua nagari tarutamo negara-negara mitra dagang, paningkatan harago-harago komoditi nan diatur pamarintah (Administered Price), sarato tajadi negative supply shocks akibaik bancano alam jo taganggunyo distribusi.[6]
Takanan dari sisi pamintaan (demand pull inflation)
[suntiang | suntiang sumber]Adopun faktor panyabab demand pull inflation adolah tingginyo pamintaan barang jo jaso relatif tahadok katasadioannyo. Dalam konteks makroekonomi, kondisi iko digambarkan dek output riil nan malabaihi output potensialnyo atau pamintaan total (agregate demand) labih gadang dari pado kapasitas parekonomian.[6]
Ekspektasi inflasi
[suntiang | suntiang sumber]Faktor ekspektasi inflasi dipangaruahi dek parilaku masyarakaik jo palaku ekonomi dalam manggunoan ekspektasi angko inflasi dalam kaputusan kagiatan ekonominyo. Ekspektasi inflasi tasabuik dapek basifaik adaptif atau forward looking. Hal tasabuik tacarmin dari parilaku pambantuakan harago di tingkek produsen jo padagang tarutamo pado maso manjalang hari-hari rayo kaagamaan (lebaran, natal, jo tahun baru) jo katiko maso panantuan upah minimum provinsi (UMP).[6]
Caro mangatasi inflasi
[suntiang | suntiang sumber]Kabijakan fiskal
[suntiang | suntiang sumber]Kabijakan fiskal iko bakaitan samo panarimoan jo pengeluaran anggaran pamarintah. Kabijakan fiskal nan dilakuan dek pamarintah untuak mancagah inflasi adolah dengan mangurangi pangaluaran pamarintah, maningkekan tarif pajak, sarato malakuan pinjaman.[7]
Kabijakan nonmoneter jo nonfiskal
[suntiang | suntiang sumber]Salain kabijakan fiskal jo moneter, caro mangatasi inflasi dek pamarintah dapek pulo dengan maningkekan hasia produksi, mampamudah masuaknyo barang impor, manstabilkan pandapatan masyarakaik (tingkek upah), manatapkan harago maksimum, sarato malakuan pangawasan jo distribusi barang.[7]
Rujuakan
[suntiang | suntiang sumber]- ↑ Times, I. D. N.; Agustina, Auriga. "Ini Penyebab Inflasi dan Dampaknya terhadap Negara". IDN Times (dalam bahasa Indonesia). Diakses tanggal 2021-04-17.
- ↑ Putri Keumala Sari, Fakhruddin. "Identifikasi Penyebab Krisis Moneter dan Kebijakan Bank Sentral di Indonesia: Kasus Tahun (1997-1998 dan 2008)". Jurnal Ilmiah Mahasiswa (JIM) Ekonomi Pembangunan Fakultas Ekonomi dan Bisnis Unsyiah. 1 (2): 379–380. Diarsipkan dari versi asli tanggal 2021-09-26. Diakses tanggal 2021-04-17.
- ↑ Elfansyah, Novel (2006-08-13). "Survei BI-Unmul, IKK Naik 3,6 Persen". samarinda.gov. Pemerintah Kota Samarinda. Diarsipkan dari versi asli tanggal 2010-11-28. Diakses tanggal 2021-04-17.
Ekspektasi kenaikan harga kambing ini antara lain bisa disebabkan adanya kekhawatiran konsumen terhadap kenaikan tarif-tarif komoditas yang dikendalikan pemerintah, seperti BBM, listrik, serta ketidaklancaran distribusi barang dan berkurangnya ketersediaan barang atau jasa sebagai akibat mahalnya biaya transportasi.
- ↑ Gischa, Serafica (2020-02-03). "Pengertian Inflasi: Indikator, dan Pengelompokan Halaman all". kompas.com. Kompas.com. Diakses tanggal 2021-04-17.
- ↑ Ulya, Fika Nurul (2020-05-06). Jatmiko, Bambang P., ed. "Gubernur BI: Cetak Uang kemudian Dibagikan ke Masyarakat? Enggak Ada Itu!". money.kompas.com. Jakarta: Kompas.com. Diakses tanggal 2021-04-17.
- ↑ a b c Media, Kompas Cyber (2021-03-09). "Apa Itu Inflasi? Ini Definisi, Penyebab, dan Dampaknya ke Masyarakat Halaman all". KOMPAS.com (dalam bahasa Indonesia). Diakses tanggal 2021-04-17.
- ↑ a b "Cara Mengatasi Inflasi, Kenali Jenis-Jenis dan Penyebabnya Halaman 2". merdeka.com (dalam bahasa Inggris). 2020-10-21. Diakses tanggal 2021-04-17.