Panyakik tangan, kaki, jo muluik

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Panyakik tangan, kaki, jo muluik
PTKM
Namo lain Flu Singapura
Enteroviral vesicular stomatitis with exanthem
Hand Foot Mouth Disease.png
Lesi nan biaso timbua di sakaliliang muluik anak baumua 11 bulan
Spesialisasi Panyakik infeksi
Gejala Damam, ruam-ruam atau bintiak-bintiak baraia that may blister[1][2]
Komplikasi Tangga kuku jari samantaro, meningitis virus[3]
Awitan 3–6 ari sasudah paparan[4]
Durasi Sapakan[5]
Panyabab Coxsackievirus A16, Enterovirus 71[6]
Diagnosis Manuruik gajalo, kultur virus[7]
Panagahan Cuci tangan[8]
Parawatan Pananganan suportif[5]
Pangubekan Ubek anti nyeri sarupo ibuprofen[9]
Frekuensi Bilo wabah[1]

Panyakik tangan, kaki, jo muluik (PTKM) atau hand, foot, and mouth disease (HFMD) adolah panyakik infeksi nan disababkan dek sakalompok virus.[10] Di Indonesia, panyakik ko biaso disabuik sabagai flu singapura.[11] Biasonyo diawali jo damam sarato raso indak lamak di badan.[10] Dalam ciek atau duo ari sasudahnyo, diikuti jo bintik-bintik atau tonjolan-tonjolan barisi aia di tangan, kaki, jo muluik, dan kadang-kadang di ikua jo salangkangan.[1][2][12] Gejala jo tando biasonyo muncua 3 - 6 ari sasudah virus masuak di badan.[4] Ruam-ruam kamerah biasonyo mailang dalam wakatu kiro-kiro sapakan.[5] Kuku-kuku jari tangan jo kaki dapek tangga babarapo pakan kudian, tapi dapek tumbuah baliak.[3]

Virus-virus panyabab PTKM ditularkan malalui kontak arek jo pandarito, malalui udaro dek basin jo feses dari urang nan tainfeksi.[8] Objek atau benda nan lah takontaminasi dapek pulo jadi media panularan panyakik.[8] Coxackievirus A16 adolah panyabab nan paliang acok, jo enterovirus 71 sabagai panyabab kaduo paliang acok.[6] Tipe lain dari coxackievirus jo enterovirus dapek juo manularan panyakik.[6][13] Sabagian urang dapek manjadi pambaok jo panular panyakik sajo tanpa mampunyoi tando jo gejalanyo.[14] Binatang-binatang lainnyo indak manjadi panular panyakik ko.[8] Diagnosis dapek ditagakan manuruik gejalanyo.[7] Kadang-kadang, sampel liua atau kotoran dapek dipareso adonyo virus.[7]

Cuci tangan dapek managah panularan, dan urang nan tainfeksi disaranan untuak indak pai karajo, sikolah, panitipan, atau tampek lain nan didatangi urang rami.[8] Alun ado ubek antivirus atau vaksin nan dipakai.[15] Banyak kasus alun mamaraluan ubek atau pananganan khusus.[16] Ubek nyeri sarupo ibuprofen atau gel pamati raso di muluik dapek digunakan.[9] Kadang-kadang, cairan intraven (infus) dapek diagiah untuak anak-anak nan indak dapek cukuik minum.[9] Pado kasus nan jarang dapek tajadi komplikasi co meningitis virus (radang selaput utak) atau ensefalitis (radang utak).[17]

PTKM dapek tajadi di sadoalah wilayah di dunia.[18] Acok tajadi wabah kaciak di sikolah atau panitipan anak.[19] Wabah skala gadang alah tajadi di Asia sajak 1997.[18] Biasonyo tajadi salamo musim semi, paneh, jo gugua.[18] Khasnyo tajadi pado anak-anak umua kurang dari limo taun tapi kadang-kadang dapek juo tajadi pado dewasa.[14][19] PTKM jan dipusiangan jo panyakik kaki jo muluik (foot-and-mouth disease, nan juo disabuik hoof-and-mouth disease), nan manjadi panyakik binatang taranak.[20]

Sijarah[suntiang | suntiang sumber]

Kasus PTKM partamo kali dijalehan sacaro klinis di Kanada jo Selandia Baru pado 1957.[21] Panyakik tu dinamoan "Panyakik Tangan, Kaki, jo Muluik", dek Thomas Henry Flewett, sasudah wabah sarupo pado 1960.[22][23]

Epidemiologi[suntiang | suntiang sumber]

PTKM paliang umum tajadi pado anak di bawah umua 10 taun [24][25] an dapek tajadi dek wabah salamo musim semi, paneh, jo gugua.[26] Hal ko dipicayoi dek angek sarato lamboknyo ari nan mamungkinkannyo mawabah.[27] PTKM labiah umum tajadi di kawasan pakampuangan daripado kawasan pakotaan; namun, status sosioekonomi sarato higienitas diri paralu dipatimbangkan juo.[28] Higienitas nan buruak manjadi faktor risiko PTKM.[29]

Wabah panah tajadi di Cino, Japang, Hongkong, Korea Selatan, Malaysia, Singapura, Thailand, Taiwan, jo Vietnam.[27] PTKM paliang umum manganai anak ketek di bawah umua 10 dan labiah acok pado umua di bawah 5 tahun, tapi baliah dapek juo takanai juo gajalo nan baragam.[30]

Sajak 1997 ado 71 wabah gadang enterovirus nan dilaporan, rami tajadi di Asia Timur jo Asia Tenggara, utamonyo anak-anak.[27] Dari taun 2008 inggo 2014, labiah dari 1 milyar kasus PTKM alah dilaporan di Cino tiok taun.[31]

Wabah[suntiang | suntiang sumber]

  • Pado 1998, ado wabah di Taiwan, utamonyo anak-anak nan takanai.[32] Ado 405 komplikasi barek, jo 78 anak maningga.[33] Total jumlah kasus pado wabah tasabuik mancapai 1,5 juta.[6]
  • Pado 2008 wabah tajadi di Cino, dimulai pado Maret di Fuyang, Anhui, inggo 25.000 kasus, jo 42 maningga, pado 13 Mai.[6] Wabah sarupo tajadi juo di Singapura (labiah dari 2.600 kasus per 20 April 2008),[34] Vietnam (2.300 kasus, 11 maningga),[35] Mongolia (1.600 kasus),[36] jo Brunei (1053 kasus dari Juni inggo Agustus 2008)[37]
  • Pado 2009 17 anak maningga dek wabah salamo Maret jo April 2009 di Cino timur Provinsi Shandong, jo 18 anak maningga di Heinan, provinsi sabalah.[38] Labiah 115.000 kasus dilaporan di Cino dari Januari inggo April, 773 barek sarato 50 fatal.[39] Di Indonesia,[11] panyakik ko dilaporan dari Jakarta baso salapan anak-anak tatular.[40] Pado akhia April, Dinas Kasehatan Jakarta mandukuang langkah-langkah panagahan, tamasuak panggunoan pamindai suhu (termal scanner) di palabuahan udaro sarato samantaro mahindari pajalanan ka Singapura[41]
  • Pado 2010 di Cino, wabah tajadi di Daerah Otonom Guangxi, selatan Cino, di antaronyo di Guangdong, Henan, Hebei, sarato Shandong. Sampai Maret alah 70.756 anak tainfeksi jo 40 maningga. Pado Juni, puncak musim panyakik, 537 maningga.[42]
  • WHO malaporan antaro Januari inggo Oktober 2011 (1.340.259 kasus) alah manurun asusnyo di Cino inggo kiro-kiro 300.000 dari 2010 (1.654.866 kasus), jo kasus baru maningkek pado Juni. Ado 437 maningga, turun dari 2010 (537 kamatian).[43]
  • Pado Desember 2011, Departemen Kasehatan Masyarakaik Kalifornia maidentifikasi bantuak kuek dari virus, Coxsackievirus A6 (CVA6), dimano kuku tangga pado anak umum tajadi.[44]
  • Pado 2012 di Alabama, AS tajadi wabah panyakik jo tipe nan indak biaso. Tajadi pado musim dimano biasonyo indak muncua sarato manganai remaja jo urang baliah. Ado sabagian nan dirawaik dek panyakik tapi indak ado nan maningga.[45]
  • Pado 2012 di Kamboja, 52 dari 59 kasus tatinjau nan tajadi pado anak[46] dilaporan maningga dek panyakik misterius nan sabalunnyo didiagnosis jo PTKM nan virulen.[46] WHO malaporan, "Manuruik hasia laboratorium takini, sacaro signifikan dari sampel nan diuji positif enterovirus 71 (EV-71), nan manyababan PTKM. Virus EV 71 alah tanamo manyababkan komplikasi barek pado pasien."dilaporan
  • PTKM mainfeksi 1.520.274 urang jo labiah 431 maningga nan dilaporan inggo akhia Juli 2012 di Cino.[47]

Etiologi[suntiang | suntiang sumber]

Virus-virus nan dapek manyababkan panyakik adolah nan dari kalompok Picornaviridae. Coxsackievirus A16 adolah panyabab paliang umum PTKM.[48] Enterovirus 71 (EV-71) marupoan panyabab kaduo tabanyak.[48] Banyak strain (ragam virus) dari coxsackievirus jo enterovirus nan manjadi panyabab.[48][49]

Transmisi[suntiang | suntiang sumber]

PTKM marupokan panyakik nan amaik manular dan ditransmisikan dek sekresi (buangan) nasofaring (hiduang tenggorok) sarupo aia liua atau ingus, sacaro kontak lansuang, cairan nan kalua dari bintiak nan timbua, atau transmisi anal-oral (ikua ka muluik).[50]

Tampek panitipan anak marupokan tampek paliang umum tajadi panularan PTKM dek pamakaian toilet, panggantian popok, dan kabiasoan anak nan mamasuakan tangannyo ka muluik.[50] Anak-anak nan indak ikuik pra sikolah atau taman kanak-kanak ditamukan labiah mudah takanai panyakik.[50]

Tando jo gajalo[suntiang | suntiang sumber]

Tando jo gajalo umum nan timbua pado PTKM di antaronyo damam, mual, muntah, badan taraso latiak, ilang salero makan, jo gelisah pado balita jo anak-anak. Lesi pado kulik biasonyo muncua babantuak ruam-ruam data nan barubah warna sarato manonjol nan bisa diikuti jo bintiak baraia nan padiah pado talapak tangan, tapak kaki, ikua, kadang-kadang pado bibia.[51] Ruam jarang gata pado anak-anak,[52] tapi bisa manjadi sabana gata pado baliah. Luko nan padiah, bintiak baraia, atau lesi dapek bakambang pado iduang atau muluik jo sakitarnyo.[53][54][55] PTKM biasonyo dapek cegak surang sasudah 7-10 hari.[54] Pado banyak kasus panyakiknyo tagolong ringan, tapi komplikasi sarupo ensefalitis, meningitis, jo paralisi nan maniru atau saroman jo gajalo polio dapek tajadi.[56]

Diagnosis[suntiang | suntiang sumber]

Diagnosis dapek dibuek jo tando sarato gajalonyo sajo.[54] Kok diagnosis alun dapek tagak, usapan tenggorok atau sampel buangan dapek diambiak untuak manamuan virus jo biakan (kultur).[54] Periode inkubasi nan dibutuahan (wakatu antaro infeksi jo awitan gajalo) iyolah dari tigo inggo anam ari. Deteksi dini PTKM amaik pantiang dalam managah wabah pado populasi anak.[57]

Panagahan[suntiang | suntiang sumber]

Langkah-langkah panagahan tamasuak mahindari kontak lansuang jo urang nan tainfeksi (tamasuak manjago anak tainfeksi di rumah), mambarasiahan paralatan basamo sacaro patuik, mandesinfeksi pamukoan nan tapapar, sarato manjago kabarasiahan tangan sacaro bana. Langkah-langkah ko alah manunjuakan efektivitasnyo untuak mangurangi transmisi (panularan) virus PTKM.[58][59]

Kabiasoan manjago diri tamasuak mancuci tangan sarato desinfeksi area bamain.[60] Manyusu ASI juo manunjuakan efektivitasnyo dalam manurunkan kaparahan PTKM, walau indak manurunkan risiko tainfeksi.[60]

Vaksin[suntiang | suntiang sumber]

Vaksin nan dikana sabagai vaksin EV71 alah tasadio untuak managah PTKM di Cino pado Desember 2015.[61] Indak ado vaksin nan kini tasadio di Amerika Sarikat.[59]

Pangobatan[suntiang | suntiang sumber]

Ubek biasonyo indak diparaluan pado PTKM dek inyo panyakik virus nan biasonyo dapek cegak surang. Kini ko, indak ado ubek spesifik pado PTKM.[58] Manajemen panyakik biasonyo bafokus pado mailangin gajalo sajo. Nyeri pado lesi atau luko dapek diilangan jo pamakaian ubek analgesik (antiradang). Infeksi pado anak gadang, remaja, jo baliah biasonyo ringan sarato balansuang kiro-kiro inggo sapakan, tapi kadang-kadang dapek mamanjang . Pailang damam sarato mandi aia angek ngilu kuku dapek manurunan suhu tubuah.

Saketek urang jo PTKM nan paralu dirawaik di rumah sakik dek komplikasi saroman paradangan utak, paradangan salapuik utak, atau lumpuah lamah badan akut.[62] Komplikasi non saraf sarupo paradangan jantuang, cairan pado paru, atau padarahan pado paru dapek juo tajadi.[62]

Komplikasi[suntiang | suntiang sumber]

Komplikasi pado PTKM jarang tajadi, tapi paralu pananganan medis sagiro kok nyampang tasuo. Infeksi PTKM dek infeksi Enterovirus 71 nan samakin manjadi-jadi bakamungkinan untuak mampunyoi komplikasi saraf atau jantuang tamasuak kamatian daripado infeksi dek Coxsackievirus A16.[58] Pado kasus jarang, meningitis aseptis atau virus dapek tajadi dan dicirikan jo damam, sakik kapalo, kaku kuduak, atau nyeri pungguang.[58][62] Kondisi ko biasonyo ringan dan jaleh tanpa barubek; namun, parawatan jangko pendek tatap paralu. Komplikasi PTKM serius lainnyo tamasuak ensefalitis (bangkak pado utak), atau lumpuah lamah badan pado kasus jarang.[58][63]

Tangga kuku jari kaki jo tangan dilaporkan tajadi pado anak 4-8 minggu sasudah takanai PTKM.[64] Hubuangan antaro PTKM jo tajadinyo tangga kuku jari alun lai jaleh; namun, hal ko tajadi samantaro dan kuku tumbuah baliak jo indak paralu pangobatan.[64][65]

Komplikasi ringan dek gajalo dapek tajadi, misanyo dehidrasi, karano palukoan di muluik manyababan indak nyaman sangkek malulua makan atau minum.[65]

Panalitian[suntiang | suntiang sumber]

Agen antivirus takini untuak managah sarato maubek infeksi virus pado PTKM alun baitu dikambangkan. Panalitian pandauluan manunjuakan baso inhibitor (paambek) dari kapsid virus EV-71 mampunyoi aktivitas antivirus nan kuek.[66]

Rujuakan[suntiang | suntiang sumber]

  1. a b c Kaminska, K; Martinetti, G; Lucchini, R; Kaya, G; Mainetti, C (2013). "Coxsackievirus A6 and Hand, Foot, and Mouth Disease: Three Case Reports of Familial Child-to-Immunocompetent Adult Transmission and a Literature Review". Case Reports in Dermatology 5 (2): 203–209. doi:10.1159/000354533. PMID 24019771. 
  2. a b Ooi, MH; Wong, SC; Lewthwaite, P; Cardosa, MJ; Solomon, T (2010). "Clinical features, diagnosis, and management of enterovirus 71". Lancet Neurology 9 (11): 1097–1105. doi:10.1016/S1474-4422(10)70209-X. PMID 20965438. 
  3. a b "Hand, Foot, and Mouth Disease (HFMD) Complications". 18 Agustus 2015. Diarsipan dari nan asli pada 11 Mai 2016. https://www.cdc.gov/hand-foot-mouth/about/complications.html. Diakses pado 14 Mai 2016. 
  4. a b Hoy, NY; Leung, AK; Metelitsa, AI; Adams, S (2012). "New concepts in median nail dystrophy, onychomycosis, and hand, foot and mouth disease nail pathology". ISRN Dermatology 2012 (680163): 680163. doi:10.5402/2012/680163. PMID 22462009. 
  5. a b c Kutipan rusak: Tag <ref> indak sah; indak ado teks untuak ref banamo Harrison's
  6. a b c d e "Hand, foot, and mouth disease: Identifying and managing an acute viral syndrome". Cleve Clin J Med 81 (9): 537–43. 1 September 2014. doi:10.3949/ccjm.81a.13132. PMID 25183845. http://www.ccjm.org/content/81/9/537.long. 
  7. a b c "Diagnosis". 18 Agustus 2015. Diarsipan dari nan asli pada 14 Mai 2016. https://www.cdc.gov/hand-foot-mouth/about/diagnosis.html. Diakses pado 15 Mai 2016. 
  8. a b c d e "Causes & Transmission". 18 Agustus 2015. Diarsipan dari nan asli pada 14 Mai 2016. https://www.cdc.gov/hand-foot-mouth/about/transmission.html. Diakses pado 15 Mai 2016. 
  9. a b c "Prevention & Treatment". 18 Agustus 2015. Diarsipan dari nan asli pada 15 Mai 2016. https://www.cdc.gov/hand-foot-mouth/about/prevention-treatment.html. Diakses pado 15 Mai 2016. 
  10. a b Kutipan rusak: Tag <ref> indak sah; indak ado teks untuak ref banamo CDC2015Sym
  11. a b http://www.infeksi.com/articles.php?lng=in&pg=44 (Indonesian)
  12. Frydenberg, A; Starr, M (August 2003). "Hand, foot and mouth disease.". Australian Family Physician 32 (8): 594–5. PMID 12973865. 
  13. Li, Y; Zhu, R; Qian, Y; Deng, J (2012). "The characteristics of blood glucose and WBC counts in peripheral blood of cases of hand foot and mouth disease in China: a systematic review". PLOS ONE 7 (1): e29003. doi:10.1371/journal.pone.0029003. PMID 22235257. Bibcode2012PLoSO...729003L. 
  14. a b "Hand Foot and Mouth Disease". 18 Agustus 2015. Diarsipan dari nan asli pada 16 Mai 2016. https://www.cdc.gov/hand-foot-mouth/about/signs-symptoms.html. Diakses pado 14 Mai 2016. 
  15. "Development of antiviral agents toward enterovirus 71 infection". J Microbiol Immunol Infect 48 (1): 1–8. 1 Pebruari 2014. doi:10.1016/j.jmii.2013.11.011. PMID 24560700. 
  16. Longo, Dan L. (2012). Harrison's Principles of Internal Medicine. (edisi ke-18th). New York: McGraw-Hill. ISBN 978-0-07174889-6. 
  17. Kutipan rusak: Tag <ref> indak sah; indak ado teks untuak ref banamo CDC2015Comp2
  18. a b c "Outbreaks". 18 Agustus 2015. Diarsipan dari nan asli pada 17 Mai 2016. https://www.cdc.gov/hand-foot-mouth/outbreaks.html. Diakses pado 15 Mai 2016. 
  19. a b Kutipan rusak: Tag <ref> indak sah; indak ado teks untuak ref banamo Kam20132
  20. "Foot and Mouth Disease update: further temporary control zone established in Surrey". Defra. 14 Agustus 2007. Diarsipan dari nan asli pada 27 September 2007. https://web.archive.org/web/20070927000836/http://www.defra.gov.uk/news/2007/070814c.htm. Diakses pado 14 Agustus 2007. 
  21. Wang, Jing (21 August 2017). "Epidemiological characteristics of hand, foot, and mouth disease in Shandong, China, 2009–2016". Scientific Reports 7 (8900): 8900. doi:10.1038/s41598-017-09196-z. PMID 28827733. Bibcode2017NatSR...7.8900W. 
  22. ""Hand-foot-and-mouth disease" in Birmingham in 1959". British Medical Journal 2 (5214): 1708–11. 1 Desember 1960. doi:10.1136/bmj.2.5214.1708. PMID 13682692. 
  23. "'Hand, foot, and mouth disease' associated with Coxsackie A5 virus". Journal of Clinical Pathology 16: 53–5. 1 Januari 1963. doi:10.1136/jcp.16.1.53. PMID 13945538. 
  24. Kutipan rusak: Tag <ref> indak sah; indak ado teks untuak ref banamo Hoy20124
  25. Kutipan rusak: Tag <ref> indak sah; indak ado teks untuak ref banamo Sar20134
  26. Kutipan rusak: Tag <ref> indak sah; indak ado teks untuak ref banamo Repass20143
  27. a b c Koh, Wee Ming; Bogich, Tiffany; Siegel, Karen; Jin, Jing; Chong, Elizabeth Y.; Tan, Chong Yew; Chen, Mark Ic; Horby, Peter et al. (October 2016). "The Epidemiology of Hand, Foot and Mouth Disease in Asia: A Systematic Review and Analysis". The Pediatric Infectious Disease Journal 35 (10): e285–300. doi:10.1097/INF.0000000000001242. ISSN 1532-0987. PMID 27273688. 
  28. Koh, Wee Ming; Bogich, Tiffany; Siegel, Karen; Jin, Jing; Chong, Elizabeth Y.; Tan, Chong Yew; Chen, Mark IC; Horby, Peter et al. (October 2016). "The Epidemiology of Hand, Foot and Mouth Disease in Asia: A Systematic Review and Analysis". The Pediatric Infectious Disease Journal 35 (10): e285–e300. doi:10.1097/INF.0000000000001242. ISSN 0891-3668. PMID 27273688. PMC 5130063. http://journals.lww.com/pidj/Fulltext/2016/10000/The_Epidemiology_of_Hand,_Foot_and_Mouth_Disease.3.aspx. 
  29. "Hand-Foot-and-Mouth Disease ", WebMD.
  30. Kutipan rusak: Tag <ref> indak sah; indak ado teks untuak ref banamo HFMD Symptoms2
  31. Lei, Xiaobo; Cui, Sheng; Zhao, Zhendong; Wang, Jianwei (2015-09-01). "Etiology, pathogenesis, antivirals and vaccines of hand, foot, and mouth disease" (dalam bahaso en). National Science Review 2 (3): 268–284. doi:10.1093/nsr/nwv038. ISSN 2095-5138. 
  32. Centers for Disease Control and Prevention (CDC) (1998). "Deaths among children during an outbreak of hand, foot, and mouth disease--Taiwan, Republic of China, April–July 1998". MMWR Morb. Mortal. Wkly. Rep. 47 (30): 629–32. PMID 9704628. Diarsipan dari nan asli pada 26 Juli 2008. https://web.archive.org/web/20080726222228/http://www.cdc.gov/mmwr/preview/mmwrhtml/00054640.htm. 
  33. "An epidemic of enterovirus 71 infection in Taiwan. Taiwan Enterovirus Epidemic Working Group". N. Engl. J. Med. 341 (13): 929–35. 27 Nopember 1999. doi:10.1056/NEJM199909233411301. PMID 10498487. 
  34. Suhaimi, Nur Dianah, "HFMD: 1,000 cases a week is unusual, says doc", (The Sunday Times (Straits Times)), 20 April 2008, hlm. 1–2.
  35. Viet Nam News: HFMD cases prompt tighter health screening at airport Archived February 13, 2009, di Wayback Machine.(accessed May 15, 2008)
  36. EV-71 Virus Continues Dramatic Rise Archived October 21, 2008, di Wayback Machine. (accessed May 23, 2008)
  37. Bandar Seri Begawan (7 November 2008). "1,053 HFD cases recorded". The Birmingham News. Diarsipan dari nan asli pada 22 Juli 2012. http://www.bt.com.bn/home_news/2008/11/07/1_053_hfmd_cases_recorded. Diakses pado 11 Mai 2012. 
  38. "Hand-foot-mouth disease death toll rises to 17 in East China's Shandong Province ", China View, 9 April 2009. Diarsipkan dari aslinya, tanggal April 13, 2009. Diakses pado 29 September 2009.
  39. "Health Ministry: Hand-foot-mouth disease claims 50 lives this year ", China View, 10 April 2009. Diarsipkan dari aslinya, tanggal April 15, 2009. Diakses pado 29 September 2009.
  40. http://www.tempo.co.id/hg/nasional/2009/04/15/brk,20090415-170465,uk.html
  41. http://www.wikiberita.com/pendeteksi-suhu-panas-bandara-soekarno-hatta/22816
  42. "Archived copy". Diarsipan dari nan asli pada 1 Mai 2011. http://news.xinhuanet.com/english2010/china/2010-06/24/c_13367598.htm. Diakses pado 2 Desember 2011. 
  43. "China reports 537 deaths from hand-foot-mouth disease this year". People's Daily Online. 27 Nopember 2010. Diarsipan dari nan asli pada 17 Oktober 2013. http://english.peopledaily.com.cn/90001/90782/90880/7039439.html. Diakses pado 16 Oktober 2013. 
  44. "Coxsackievirus A6 (CVA6)". California Department of Public Health. 27 Nopember 2013. Diarsipan dari nan asli pada 17 Oktober 2013. http://www.cdph.ca.gov/programs/cder/Pages/CVA6.aspx. Diakses pado 16 Oktober 2013. 
  45. Hannah Wolfson (February 13, 2012). "Outbreak of hand, foot and mouth disease severe in Alabama". The Birmingham News. Diarsipan dari nan asli pada 4 Maret 2012. http://blog.al.com/spotnews/2012/02/outbreak_of_hand_foot_and_mout.html. Diakses pado 11 Mai 2012. 
  46. a b "Mysterious deadly illness in Cambodian children tied to hand, foot and mouth disease". Hand, Foot and Mouth Disease. World Health Organization. 27 Nopember 2012. Diarsipan dari nan asli pada 3 Juni 2013. http://www.cbsnews.com/8301-504763_162-57468483-10391704/mysterious-deadly-illness-in-cambodian-children-tied-to-hand-foot-and-mouth-disease/. Diakses pado 16 Oktober 2013. 
  47. "Emerging disease surveillance and response". Hand, Foot and Mouth Disease. World Health Organization. 27 Nopember 2013. Diarsipan dari nan asli pada 17 Oktober 2013. http://www.wpro.who.int/emerging_diseases/HFMD/en/index.html. Diakses pado 16 Oktober 2013. 
  48. a b c Kutipan rusak: Tag <ref> indak sah; indak ado teks untuak ref banamo Repass20142
  49. Kutipan rusak: Tag <ref> indak sah; indak ado teks untuak ref banamo PLOS20122
  50. a b c Kutipan rusak: Tag <ref> indak sah; indak ado teks untuak ref banamo Koh20163
  51. Huang, CC; Liu, CC; Chang, YC; Chen, CY; Wang, ST; Yeh, TF (23 September 1999). "Neurologic complications in children with enterovirus 71 infection.". The New England Journal of Medicine 341 (13): 936–42. doi:10.1056/nejm199909233411302. PMID 10498488. 
  52. Kutipan rusak: Tag <ref> indak sah; indak ado teks untuak ref banamo Hoy20122
  53. Kutipan rusak: Tag <ref> indak sah; indak ado teks untuak ref banamo Kam20133
  54. a b c d Kutipan rusak: Tag <ref> indak sah; indak ado teks untuak ref banamo Sar2013
  55. "Hand, Foot and Mouth Disease: Signs & Symptoms". mayoclinic.com. The Mayo Clinic. Diarsipan dari nan asli pada 1 Mai 2008. http://www.mayoclinic.com/health/hand-foot-and-mouth-disease/DS00599/DSECTION=2. Diakses pado 5 Mai 2008. 
  56. "Hand, Foot and Mouth Disease (HFMD)" (dalam bahaso en-GB). http://www.wpro.who.int/topics/hand_foot_mouth/en/. Diakses pado 6 Nopember 2017. 
  57. Omaña-Cepeda, Carlos; Martínez-Valverde, Andrea; del Mar Sabater- Recolons, María; Jané-Salas, Enric; Marí-Roig, Antonio; López-López, José (2016-03-15). "A literature review and case report of hand, foot and mouth disease in an immunocompetent adult". BMC Research Notes 9: 165. doi:10.1186/s13104-016-1973-y. ISSN 1756-0500. PMID 26975350. 
  58. a b c d e Kutipan rusak: Tag <ref> indak sah; indak ado teks untuak ref banamo Sar20133
  59. a b "Hand, Foot and Mouth Disease". Prevention and Treatment. Centers for Disease Control and Prevention. 27 Nopember 2013. Diarsipan dari nan asli pada 17 Oktober 2013. https://www.cdc.gov/hand-foot-mouth/about/prevention-treatment.html. Diakses pado 18 Oktober 2013. 
  60. a b Kutipan rusak: Tag <ref> indak sah; indak ado teks untuak ref banamo Koh2016
  61. Mao, QY; Wang, Y; Bian, L; Xu, M; Liang, Z (May 2016). "EV71 vaccine, a new tool to control outbreaks of hand, foot and mouth disease (HFMD).". Expert Review of Vaccines 15 (5): 599–606. doi:10.1586/14760584.2016.1138862. PMID 26732723. 
  62. a b c Kutipan rusak: Tag <ref> indak sah; indak ado teks untuak ref banamo PLOS20123
  63. Kutipan rusak: Tag <ref> indak sah; indak ado teks untuak ref banamo Huang19992
  64. a b Kutipan rusak: Tag <ref> indak sah; indak ado teks untuak ref banamo Hoy20123
  65. a b "Hand, Foot and Mouth Disease". Complications. Centers for Disease Control and Prevention. 27 Nopember 2011. Diarsipan dari nan asli pada 17 Oktober 2013. https://www.cdc.gov/hand-foot-mouth/about/complications.html. Diakses pado 14 Oktober 2013. 
  66. Kutipan rusak: Tag <ref> indak sah; indak ado teks untuak ref banamo Pour20142

Pautan lua[suntiang | suntiang sumber]

Klasifikasi
Sumber lua