Wikipedia:Suduik pandang nan indak mamihak
 |
Laman ko marupoan kabijakan rasmi di Wikipedia bahaso Minang. Isinyo alah ditarimo saluruah pangguno dan dianggap sabagai standar nan wajib dipatuhi dek kasadoalah pangguno. |
 | Ringkasan isi: Satiok artikel dan isi lain dari Wikipedia aruih ditulih dari suduik pandang netral, jo mawakili sadonyo pandangan nan baarati pantiang dari masiang-masiang topik sacaro adia, proporsional, dan indak bias. |
Kabijakan Wikipedia adolah bahaso sadonyo artikel aruihlah ditulih dari suduik pandang nan netral (bahaso Inggirih: Neutral Point of View, disingkek NPOV). Manuruik pandiri Wikipedia, Jimmy Wales, suduik pandang netral adolah "kawajiban dan indak buliah diganggu-gugat lai".[1]
Caliak panduan suduik pandang netral kami tantang caro mambuek sabuah artikel supayo sasuai jo kabijakan suduik pandang netral kami.
Panganta
[suntiang sumber]
Kabijakan suduik pandang netral manyatoan bahaso artikel aruihlah ditulih indak barek sabalah, jo mawakili sadonyo suduik pandang sacaro adia.
Kabijakan ko iyo bana gampang dipatikaikan. Kabijakan iko indak baarati bahaso manulih sabuah artikel aruih dari ciek suduik pandang, nan indak barek sabalah dan obyektif, adolah suatu hal nan mungkin. Sabaliaknyo kabijakan ko manyatoan bahaso kito paralu mawakili sacara adia kasadonyo pihak nan pandapeknyo balawanan, dan indak mambuek ciek artikel nan manyatoan, baiak sacaro lansuang maupun indak lansuang, bahaso salah satu pihak nan bana. Dek karanonyo paralu bana para Wikipediawan dan Wikipediawati untuak bakarajo samo, supayo artikel-artikel dapek ditulih sacaro adia. Ikolah salah satu kauntuangan dari Wikipedia.
Manulih sabuah artikel nan adia adolah suatu seni nan paralu dilatiah.
Konsep dasar netralitas
[suntiang sumber]Di Wikipedia, kami manggunoan istilah "indak barek sabelah" dan "suduik pandang netral" dalam caro nan tatantu, nan babedo dari arati umumnyo:
- Artikel nan indak barek sabalah manjalehan suatu topik sacaro adia dan indak mandukuang salah satu pihak dalam sabuah padebaikan. Dek karano sadonyo artikel dapek disuntiang jo rami urang, mangko hal ko marupoan hal nan sarik. Iko karano barek sabalah samemangnyo adolah sipaik nan patuik sajo malakek dek satiok manusia.
Parumusan asali suduik pandang netral
[suntiang sumber]| “ | Ensiklopedia pangatauan umum adolah sabuah koleksi pangatauan nan dikumpuaan dan dipasambahan dari suduik pandang nan netral. Tulisan ensiklopedia aruihlah salalu mainda dari maambiak suatu sikap salain daripado sikap suduik pandang netral.
Suduik pandang nan netral mancubo mampasambahan ide dan fakta dalam suatu caro nan dapek disatujui pihak nan pro maupun nan kontra. Tantu sajo, pasatujuan 100% bukanlah sasuatu nan mungkin tajadi; ado sajo ideolog di dunia ko nan indak ka panah manarima pasambahan lainnyo salain daripado sabuah panyatoan kareh manganai suduik pandang mareka. Kami anyo dapek manarima bantuak tulisan nan dapek disatujui kusuihnyo dek urang-urang rasional nan dapek babedo pandapek. Babarapo contoh nan dapek manarangan butia nan andak ambo tagehan. 1. Sabuah artikel ensiklopedia indak buliah manyatoan bahaso parusaoan-parusaoan adolah panjahek, walaupun kok sang panulih mandukuang pamikiaran tu. Artikel tu saaruihnyo manarangan fakta bahaso ado nan mandukuang hal tu dan apo alasan mareka, dan kudian inyo juo aruih manarangan apo nan dikamukoan pihak lainnyo. 2. Sabuah artikel ensiklopedia indak buliah manyatoan bahaso kapitalisme adolah sistem sosial tarancak (kabatualan ambo surang picayo hal ko). Inyo saaruihnyo manarangan argumen-argumen nan mandukuang panyatoan tu, dan argumen-argumen nan manantang hal tu. Mungkin caro tarancak untuak mambuek karya Sanak labiah 'ensiklopedis', adolah jo caro manulih tantang apo nan urang yakini daripado apo kaadaan nan sabananyo. Kok Sanak pikia iko kasannyo subyektif atau kolektif atau imperialis, mangko tanyolah ambo tantang hal tu, karano ambo pikia Sanak nan salah. Nan urang picayoi adolah suatu fakta obyektif, dan kito dapek manampilan hal itu dangan mudah dari suduik pandang netral. |
” |
--Jimbo Wales, pandiri Wikipedia
Sabuah contoh
[suntiang sumber]Manganai artikel Hitler (contoh iko diambiak dari versi Inggirih), pangguno Karada mausuaan nasiaik barikuik ko:
- Sanak malah ndak paralu mangatoan bahaso inyo tu jaek. Itulah sabuknyo artikel tantang Hitler indak dimulai jo kalimaik "Hitler adolah urang nan jaek" — tu ndak paralu, sabauk pabuekannyo sajo ka lah maukumnyo saribu kali labih gadang. Kito anyo paralu manulihan fakta-fakta tantang Holokaus dangan indak maikuikan parasaan kito ka dalamnyo, dan suaro-suaro panggilan dari para korban ka tadanga jaleh sainggo mambuek tindakan kito nan mangutuak Hitler manjadi indak paralu lai. Tolong lakuan hal nan samo jo kajahatan-kajahatan Saddam: jo agiah sumbernyo.
Artikel nan mungkin talampau Amerika-sentris di Wikipedia Inggirih atau talampau sensitif
[suntiang sumber]Banyak panulih-panulih di Wikipedia Inggirih barasa dari Amerika Sarikat jo Inggirih, dek karanonyo mungkin banyak bana artikel nan ditajamahan dari Wikipedia tu ka dalam bahaso Minang ka taraso talampau Amerika-sentris — yakni bapihak kapado suduik pandang Amerika atau Dunia Baraik. Samo halnyo jo Wikipedia edisi lainnyo, nan isinyo mungkin bapihak kapado nagara tatantu; contohnyo Wikipedia Indonesia mungkin isinyo ka labiah bapihak kapado suduik pandang Indonesia. Hal ko samemangnyo masiah manjadi masaalah dalam Wikipedia, karanonyo bantuan Sanak dalam mampaeloki artikel nan barek sabalah tu sangaiklah diparaluan. Kok topik nan bamasaalah tu diraso sangaik sensitif (sarupo artikel tantang agamo, rasisme, aborsi, jll.), rundiangan daulu jo pangguno lainnyo dan gunoanlah laman rundiang nan takaik.
Rujuakan lainnyo
[suntiang sumber]- Kataui apo nan dipandang barek sabalah
- Dafta isu-isu nan kontroversial
- Nada positif
- {{taknetral}} - pasan
{{taknetral}}digunoan untuak mangagiah paratian taadok adonyo masalah