Musra Dahrizal Katik Rajo Mangkuto
Musra Dahrizal Katik Rajo Mangkuto | |
|---|---|
 | |
| Lahia | 18 Agustus 1949 |
| Kabangsaan |  Indonesia |
| Namo lain | Mak Katik |
| Karojo | Budayawan, seniman dan pengajar |
| Pasangan | Sri Indrawati[1] |
| Anak | Sil Ebri Pifiane Sil Vikadewi Salmond Pilima Sri Meutia Elvalina |
Musra Dahrizal Katik Rajo Mangkuto, akrab disapo Mak Katik (lahia di Batipuah, Tanah Data, Sumatra Barat, 18 Agustus 1949; umua 69 taun)[1][2] adolah saurang budayawan, saniman, sarato pangaja Indonesia. Baliau dikana sabagai pamarhati budayo jo adaik Minangkabau.
Baliau panah manjadi dosen tamu untuak University of Hawaii, Manoa, Amerika Serikat, jo Akademi Seni Warisan Budaya Kabangsaan Malaysia. Di dalam nagari, baliau maajaan mato kuliah Etnologi Minangkabau jo Falsafah Adaik Minangkabau di Universitas Negeri Padang dan Universitas Andalas, Padang, Sumatra Barat.[3][4]
Riwayaik[suntiang | suntiang sumber]
Mak Katik adolah putra Batipuah, Tanah Data, Sumatra Barat, sarato marupoan anak kaduo dari salapan badunsanak. Pado taun 1963, Mak Katik indak sempat manyalasaian pandidikan dasarnyo karano kasulitan ekonomi, tapi baliau alah baraja adaik istiadaik Minangkabau sacaro langkok sajak taun 1959 pado tigo urang guru nan sakampuang jo baliau, antaronyo Rangkai Tuah Kabun, Mak Etek Jaka, jo Datuak Tongga. Satiok malam, baliau manyalin palajaran barupo naskah dalam bantuak paragraf per paragraf di karateh rokok.
Mak Katik mampalajari kasado aspek adaik istiadaik jo budayo Minangkabau dari katigo guru tu, sarupo mambuek pantun, mambuek naskah randai, bamain saluang, manguasoi silek Minangkabau, sampai mamainkan talempong. Dari ratusan murid katigo guru tu, anyo Mak Katik nan lai dapek kasado ilimu jo pangatauan tantang adaik jo seni budayo Minangkabau, kacuali bamain rabab, karano indak panah diajaan. Mak Katik taruih manimbo ilimu inggo katigo gurunyo maningga dunia pado taun 1980-an.
Rujuakan[suntiang | suntiang sumber]
- ↑ a b "MUSRA DAHRIZAL KATIK RAJO MANGKUTO". ekonomi-politik-lingkungan.blogspot.co.id. 13 Februari 2014. Diakses tanggal 13 Agustus 2017.
- ↑ "Musra Dahrizal Katik Rajo Mangkuto". Urangminang.wordpress.com. 02 Februari 2008. Diakses tanggal 13 Agustus 2017.
- ↑ "Mak Katik, Pelurus Adat Minang" Archived 2015-06-10 di Wayback Machine. Kompas.com, 20 Juli 2010. Diakses 17 November 2013.
- ↑ "Kesenian Minangkabau Dipelajari di Hawaii" ANTARA News, 17 September 2010. Diakses 17 November 2013.
Pautan lua[suntiang | suntiang sumber]
- Musra Dahrizal Katik Rajo Mangkuto di Facebook
- "Saluang akan ‘Hoyak’ Eropa" Archived 2014-02-01 di Wayback Machine. Singgalang, 9 Juni 2012. Diakses 17 November 2013.
- "Kearifan Lokal Acap Dilupakan" Padang Ekspres, 9 Juli 2011. Diakses 17 November 2013.
