Gajah asia

Wikipedia Minangkabau - Lubuak aka tapian ilimu
Gajah asia[1]
Bong Su, seekor gajah asia jantan di Kebun Binatang Melbourne
Conservation status
Klasifikasi ilmiah
Kingdom: Animalia
Phylum: Chordata
Class: Mammalia
Order: Proboscidea
Family: Elephantidae
Genus: Elephas
Species: E. maximus
Namo binomial
Elephas maximus
Linnaeus, 1758
Penyebaran gajah Asia
(cokelat — daerah asal, hitam — asal belum jelas)

Gajah asia (Elephas maximus), kadang disabuik juo jo namo salah satu subspesiesnyo, gajah india, adolah satu dari tigo spesies gajah nan masih hiduik, dan marupoan satu-satunyo spesies gajah dari genus Elephas nan masih hiduik pado maso kiniko. Hewan iko adolah hewan darat nan paliang gadang di Asia.[3] Gajah Asia adolah spesies tarancam karano habitatnyo nan taruih bakurang sarato dek paburuan lia,[4] populasi gajah asia ko di alam lia tasiso labiah kurang antaro 41,410 sampai 52,345.[2] Gajah asia cenderung baumua panjang, sarato umua gajah ko nan paliang lamo nan dikatahui mancapai 86 tahun.

Hewan iko banyak didomestikasi sarato diapagunoan atau diparuntuakan dalam ranah kahutanan di Asia Selatan jo Tenggara salamo barabaik-abaik dan digunoan pulo untuak tujuan seremonial. Sumber-sumber sijarah mangindikasikan bahwasanyo hewan iko kadang digunoan salamo musim panen dalam kagiatan panggiliangan. Gajah lia dapek dimanfaaikan untuak manarik wisatawan, namun hewan iko dapek pulo marusak panen, sarato dapek mamasuki pakampuangan warga untuak marusak pakabunan warga.[5]

Panyebaran jo habitat[suntiang | suntiang sumber]

Gajah asia manghuni kawasan padang rumpuik, hutan hijau tropis, hutan semi-hijau, hutan gugur lambok, hutan gugur kariang jo hutan baduri kariang. Salain itu mereka dapek pulo biaso hiduik di hutan tanaman, hutan sekunder jo samak balukar. Babarapo dari tipe habitat gajah iko dapek mancapai katinggian 3000 m (9800 ft) di ateh pamukaan lauik.

Ado tigo subspesies gajah asia nan tanamo:[2][3]

Di Tiongkok, gajah asia hanyo dapek ditamui di prefektur Xishuangbanna, Simao, jo Lincang di selatan Yunnan. Di Bangladesh, hanyo dapek ditamui di sabagian populasi gajah nan tampeknyo tapancia di Bukit Chittagong.[6]

Ekologi jo parilaku[suntiang | suntiang sumber]

Saikua anak gajah (5 bulan) jo sapupunyo (17 bulan) di sabuah suaka di Laos

Gajah marupoan hewan krepuskular.[3] Mereka dikalompokan sabagai megafauna dan mangkonsumsi sakitar 150 kg (330 lb) pakan tanaman pa harinyo.[7] Mereka adolah pamakan sagalo tumbuahan; pamakan rumpuik (grazer) tamasuak juo pamakan batang kayu atau batang pisang (browser) sakaligus. Tacatat 112 spesies tanaman nan babeda manjadi santapan hewan iko. Kabanyakan tumbuahan dari bangsa Malvales, suku polong-polongan, pinang-pinangan, teki-tekian jo padi-padian.[8] Mereka mamakan pohon (browsing) labiah banyak pado musim kamarau, nan mano kulik pohon atau batang kayu lah nan manjadi porsi utamonyo.[9] Mereka minum satidaknyo sakali sahari dan indak pernah tingga jauah dari sumber aia murni.[3] Mereka mambutuahan sakitar 80 hinggo 200 liter aia dalam sa hari.

Anak gajah biasonyo bagabuang dalam kawanan gajah batina nan dewasa. Namun gajah jantan akan mamisahkan mereka katiko sang anak mancapai maso remaja.[10]

Gajah mampu mangatahui suaro dengan amplitudo nan randah.[11] Mereka manggunoan infrasonik untuak bakomunikasi satu samo lainnyo; hal iko partamo kali dikatahui dan dicatat dek naturalis asal India, Madhaviah Krishnan, nan kamudian dipalajari labiah lanjuik lai dek Katharine Payne.[12]

Pamangsoan harimau tahadok gajah Asia jarang tajadi dan hanyo tabateh sajo pado anak gajah nan masih ketek.[13]

Caliak pulo[suntiang | suntiang sumber]

Rujuakan[suntiang | suntiang sumber]

  1. Templat:MSW3 Proboscidea
  2. a b c Choudhury, A., Lahiri Choudhury, D.K., Desai, A., Duckworth, J.W., Easa, P.S., Johnsingh, A.J.T., Fernando, P., Hedges, S., Gunawardena, M., Kurt, F., Karanth, U., Lister, A., Menon, V., Riddle, H., Rübel, A. & Wikramanayake, E. (2008). Elephas maximus. Daftar Sirah Spesies Tarancam IUCN 2008. IUCN 2008. Diakses pada 28 October 2008.
  3. a b c d Shoshani, J, Eisenberg, J. F. (1982). "Elephas maximus" (PDF). Mammalian Species. 182: 1–8. doi:10.2307/3504045. JSTOR 3504045. Diarsipkan dari versi asli (PDF) tanggal 2015-09-24. Diakses tanggal 2013-05-19. 
  4. Cynthia Turnage and Mark McGinley. 2010. Asian Elephant. Encyclopedia of Earth. C. Michael Hogan, Topic editor. eds. Cutler J. Cleveland. National Council for Science and the Environment, Washington DC
  5. "Konflik Manusia dan Gajah: Dampak Hilangnya Hutan yang Tak Terlihat | WRI Indonesia". wri-indonesia.org. Diakses tanggal 2022-10-13. 
  6. Sukumar, R. (1993) The Asian Elephant: Ecology and Management Second edition. Cambridge University Press. ISBN 0-521-43758-X
  7. Samansiri, K. A. P.; Weerakoon, D. K. (2007). "Feeding Behaviour of Asian Elephants in the Northwestern Region of Sri Lanka" (PDF). Gajah: Journal of the IUCN/SSC Asian Elephant Specialist Group. 2: 27–34. Diarsipkan dari versi asli (PDF) tanggal 2016-11-18. Diakses tanggal 2022-10-13. 
  8. Sukumar, R. (1990). "Ecology of the Asian Elephant in southern India. II. Feeding habits and crop raiding patterns" (PDF). Journal of Tropical Ecology. 6: 33–53. Diarsipkan dari versi asli (PDF) tanggal 2007-10-12. Diakses tanggal 2013-05-19. 
  9. Pradhan, N. M. B.; Wegge, P.; Moe, S. R.; Shrestha, A. K. (2008). "Feeding ecology of two endangered sympatric megaherbivores: Asian elephant Elephas maximus and greater one-horned rhinoceros Rhinoceros unicornis in lowland Nepal". Wildlife Biology. 14: 147–154. 
  10. McKay, G. M. (1973). "Behavior and ecology of the Asiatic elephant in southeastern Ceylon". Smithsonian Contributions to Zoology. 125: 1–113. 
  11. Heffner, R.; Heffner, H. (1980). "Hearing in the elephant (Elephas maximus)". Science. 208 (4443): 518–520. doi:10.1126/science.7367876. 
  12. Payne, K. (1998). Silent Thunder. Simon & Schuster. ISBN 0-684-80108-6. https://archive.org/details/isbn_9706848010867. 
  13. Karanth, K. U. and Nichols, J. D. (1998). Estimation of tiger densities in India using photographic captures and recaptures. Ecology, 79 (8): 2852–2862.

Pautan lua[suntiang | suntiang sumber]