Adityawarman

Wikipedia Minangkabau - Lubuak aka tapian ilimu
Adityawarman
Maharajo dirajo
Adityawarman sabagai Bhairawa, koleksi Museum Nasional, Jakarta
Bakuaso1347–1375 M
PandauluAkarendrawarman
PanaruihAnanggawarman
LahiaMajapahit
ManinggaBatusangka
Namo langkok
Srīmat Srī Udayādityawarma Pratāpaparākrama Rājendra Maulimāli Warmadewa
AyahAdwayawarman
MandehDara Jingga

Adityawarman adolah palanjuik dari Dinasti Mauli panguaso Karajaan Malayu nan sabalunnyo baibu kota di Dharmasraya. Manuruik manuskrip palewaannyo, Adityawarman manjadi panguaso di Malayapura atau Kanakamedini pado taun 1347 nan bagala Maharajadiraja Srīmat Srī Udayādityawarma Pratāpaparākrama Rājendra Maulimāli Warmadewa, nan di kudian ari ibu kota dari karajaan ko pindah ka daerah darek Minangkabau, iolah Pagaruyuang, Tanah Data.[1]

Asa usua[suntiang | suntiang sumber]

Manuruik Batu basurek Kuburajo,[2] Adityawarman adolah puto dari Adwayawarman. Akan tetapi, dalam Batu basurek Bukit Gombak disabuikkan bahasonyo Adityawarman adolah puto dari Adwayadwaja.[3] Namo iko saroman jo namo salah saurang pajabaik pantiang Karajaan Singasari (Rakryān Mahāmantri Dyah Adwayabrahma) nan pado taun 1286 maanta Arca Amoghapasa untuak dipaek di Dharmasraya sabagai hadiah dari Raja Singasari Kertanagara ka bakeh Rajo Malayu Srimat Tribhuwanaraja Mauli Warmadewa.

Adityawarman dalam Pararaton[4] dan Kidung Panji Wijayakrama disabuik jo namo Tuhan Janaka nan bagala Mantrolot Warmadewa. Mandehnyo banamo Dara Jingga puti Karajaan Malayu di Dharmasraya. Dara Jingga basamo adiaknyo Dara Petak ikuik basamo tim Ekspedisi Pamalayu nan baliak ka Jawa pado taun 1293. Ahli waris Kertanagara nan banamo Raden Wijaya maambiak Dara Petak sabagai paramasuri dan bahasonyo Dara Jingga sira alaki dewa, yaitu balaki ka saurang “dewa” (bangsawan).

Peran di Majapahit[suntiang | suntiang sumber]

Manuruik sabagian sijarawan Adityawarman dilahiaan jo digadangan di Majapahit[5][6] pado masa pamarentahan Raden Wijaya (1294–1309). Manuruik Pararaton, rajo kaduo Majapahit, yaitu Jayanagara, adolah putra Raden Wijaya nan lahia dari Dara Petak. Dengan demikian, hubungan antaro Adityawarman jo Jayanagara adolah saudara sepupu sasamo cucu rajo Malayu dari Karajaan Dharmasraya. Dari versi lain, mereka disabuikan juo saudara saayah sasamo anak Raden Wijaya alias Kertarajasa Jayawardana.[7]

Dengan hubungan kakaluargaan nan baitu dakek, mako katiko Jayanagara manjadi rajo, Adityawarman dikirim sabagai duta besar Majapahit untuak Tiongkok salamo duo kali yaitu pado taun 1325 dan 1332. Dalam kronik Dinasti Yuan, inyo disabuik dengan namo Sengk'ia-lie-yu-lan.[6] Pangiriman utusan iko manunjuakan adonyo usaho pardamaian antaro Majapahit dengan bangsa Mongol, sasudah tajadinyo parsalisihan jo paparangan pado maso Singhasari dan zaman Raden Wijaya.

Kontroversi[suntiang | suntiang sumber]

Identifikasi jo Arya Damar[suntiang | suntiang sumber]

Arya Damar adolah tokoh dalam Kidung Pamacangah dan Babad Arya Tabanan, yaitu sabagai Bupati Palembang nan bajaso mambantu Gajah Mada manaklukan Bali pado taun 1343. Di dalam Babad Arya Tabanan, dicaritoan bahasonyo Arya Damar adolah katurunan bangsawan (wangsa ksatria, bahasa Bali: arya) nan barasa dari Kediri.[8] Sijarawan Prof. C.C. Berg manganggapnyo identik jo Adityawarman.[7]

Identifikasi jo Akarendrawarman[suntiang | suntiang sumber]

Manuruik analisis sumber primer takah Desawarnana, Pararaton, jo batu-batu basurek di Jawa Timur maupun di Sumatera Barat, Profesor Uli Kozok[9][10] maraguan kalau Adityawarman putra langsuang Dara Jingga. Dalam Desawarnana dikatoan bahasonyo Dara Jingga malahiaan anak nan kudian hari manjadi rajo di Malayu. Dara Jingga tibo di Jawa pado taun 1292, dan batu basurek Adityawarman patamo bertarikh 1347. Manuruik Kozok, putra Dara Jingga bukan Adityawarman malainkan pandahulunyo, barangkali Akarendrawarman.

Batu basurek Bukit Gombak

Hubungan jo Karajaan Pagaruyuang[suntiang | suntiang sumber]

Dari babarapo batu basurek paninggalan Adityawarman, memang alun ado basobok kato-kato Pagaruyung, baitu pulo tambo nan ado pado masyarakaik juo indak sacaro jaleh manyabuikan namo dari raja mereka, dalam hal iko namo Adityawarman itu surang. Namun, nan pasti Adityawarman memang manjadi rajo di wilayah Pagaruyuang, dari salah ciek batu basureknyo manyabuikan bahasonyo inyo sabagai Suravasawan atau Tuan Surawasa. Surawasa baubah tutua manjadi Suruaso, sabuah nagari nan basampadanan jo Nagari Pagaruyuang kini.

Pamarentahan Malayapura[suntiang | suntiang sumber]

Saudah mamindahan pusek pamarentahan ka daerah padalaman Minang, Adityawarman manyusun sistem pamarentahannyo mirip jo sistem pamarentahan nan ada di Majapahit[11] pado masa itu dan manyasuaiannyo jo karakter dan struktur kakuasaan Karajaan Dharmasraya jo Sriwijaya nan pernah ado pado masyarakaik satampek. Di ma ibu kota diparentah sacaro langsuang dek Raja, samantaro daerah pandukuang tetap diparentah dek datuk satampek[12].

Parbandingan sistem pamarentahan di Majapahit jo sistem pamarentahan Adityawarman:

Sistem Pamarentahan Majapahit Sistem Pamarentahan Malayapura
Mahamantri Katrini (Tigo Mahamentri)
  1. Mahamantri Hino
  2. Mahamantri Sirikan
  3. Mahamantri Halu
Rajo Tigo Selo (Tigo Rajo Basamo)
  1. Rajo Alam
  2. Rajo Adat
  3. Rajo Ibadat
Catur Rakryan (Ampek Panguaso)
  1. Rakryan Demung
  2. Rakryan Kanuruhun
  3. Rakryan Rangga
  4. Rakryan Temenggung
Basa Ampek Balai (Ampek Menteri Utamo)
  1. Bandaro
  2. Makhudum
  3. Indomo
  4. Tuan Gadang
Duo Dharmadhyaksa Tujuah Upapati

Tujuah Upapati:

  1. Pamegat Tirwan
  2. Pamegat Manghuri
  3. Pamegat Kandamuhi
  4. Pamegat Pamwatan
  5. Pamegat Jambi
  6. Pamegat Kandangan Tuha
  7. Pamegat Kandangan Rare
Rajo Duo Selo Langgam Nan Tujuah

Langgam Nan Tujuah

  1. Pamuncak Koto Piliang
  2. Perdamaian Koto Piliang
  3. Pasak Kungkuang Koto Piliang
  4. Harimau Campo Koto Piliang
  5. Camin Taruih Koto Piliang
  6. Cumati Koto Piliang
  7. Gajah Tongga Koto Piliang
Panca ri Wilatikta (Limo Urang Kapercayaan)
  1. Rakryan Mapatih (Gajah Mada)
  2. Rakryan Demung
  3. Rakryan Kanuruhun
  4. Rakryan Rangga
  5. Rakryan Temenggung
Mancanagara Rantau

Silsilah Adityawarman[suntiang | suntiang sumber]

Di bawah iko adolah salisilah Adityawarman.

 
 
 
 
 
 
 
 
 
 
 
 
 
 
 
 
 
 
 
Tribhuwanaraja
Maharaja Dharmasraya
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Raden Wijaya
Pendiri
Majapahit
 
 
 
 
 
Dara Petak
 
Akarendrawarman
 
Dara Jingga
 
 
 
 
 
Adwayawarman
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Jayanagara
Raja ke-2
Majapahit
 
 
 
 
 
 
 
 
 
 
 
 
 
Adityawarman
Maharajadiraja
Malayapura
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Ananggawarman
Raja ke-2
Malayapura
 
 
 
 
 
 
 


Rujuakan[suntiang | suntiang sumber]

  1. Kern, J.H.C., (1907), De wij-inscriptie op het Amoghapāça-beeld van Padang Candi(Batang Hari-districten); 1269 Çaka, Tijdschrift voor Indische Taal-, Land-, en Volkenkunde.
  2. Kern, J.H.C., (1913), Grafsteenopschrift van Koeboer Radja, Bijdragen tot de Taal-, Land- en Volkenkunde van Nederlands-Indië, p. 401–404.
  3. Djafar, Hasan, (1992), Prasasti-Prasasti Masa Kerajaan Melayu Kuno dan Permasalahannya, Seminar Sejarah Melayu Kuno, Jambi, 7-8 Desember 1992. Jambi: Pemerintah Daerah Tingkat I Jambi bekerjasama dengan Kantor Wilayah Departemen Pendidikan dan Kebudayaan Jambi.
  4. Mangkudimedja, R.M., (1979), Serat Pararaton. Alih aksara dan alih bahasa Hardjana HP. Jakarta, Departemen P dan K, Proyek Penerbitan Buku Sastra Indonesia dan Daerah.
  5. Hardjowardojo, R. Pitono, (1966), Adityawarman, Sebuah Studi tentang Tokoh Nasional dari Abad XIV, Djakarta: Bhratara.
  6. a b Slamet Muljana, (2005), Runtuhnya Kerajaan Hindu-Jawa dan Timbulnya Negara-negara Islam di Nusantara, Yogyakarta: LKiS, ISBN 979-98451-16-3
  7. a b Berg, C.C., (1985), Penulisan Sejarah Jawa, (terj.), Jakarta: Bhratara.
  8. Darta, A.A. Gde, A.A. Gde Geriya, A.A. Gde Alit Geria, (1996), Babad Arya Tabanan dan Ratu Tabanan, Denpasar: Upada Sastra.
  9. http://www.mediaindonesia.com Archived 2013-05-06 di Wayback Machine. Asal Usul Raja Adityawarman Archived 2013-01-20 di Wayback Machine. (diakses pada 11 Juli 2010)
  10. us.detiknews.com Sejarah Adityawarman Archived 2010-04-16 di Wayback Machine. (diakses pada 11 Juli 2010)
  11. A Dt. Batuah & A Dt. Madjoindo, (1959), Tambo Minangkabau dan Adatnya, Jakarta: Balai Pustaka.
  12. Muljana, Slamet, (2006), Sriwijaya, Yogyakarta: LKIS, ISBN 979-8451-62-7.


Didaului jo:
{{{before}}}
Rajo Malayapura
{{{years}}}
Digantian dek:
{{{after}}}

Caliak pulo[suntiang | suntiang sumber]