Mestika Zed

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Prof. Dr.
Mestika Zed
M.A.
Prof Mestika Zed.jpg
Data paribadi
Lahia 19 September 1955
Bendera Indonesia Batu Hampar, Lima Puluh Kota, Sumatra Barat, Indonesia
Wafaik 1 September 2019 (umua 63)
Bendera Indonesia Padang, Sumatra Barat
Kabangsaan Indonesia
Alma mater Universitas Gadjah Mada
Universitas Vrije
Universitas Indonesia
Karajo Sajarawan

Prof. Dr. Mestika Zed, M.A. (lahia di Batu Hampar, Akabiluru, Lima Puluh Kota, Sumatra Barat, 19 September 1955 – maningga di Padang, 1 September 2019 pado umua 63 taun)[1][2] adolah sajarawan Indonesia. Inyo marupoan guru basa sajarah di Universitas Negeri Padang jo Universitas Andalas. Inyo aktif manulih buku sarato sabagai kolumnis.[3]

Mestika Zed marupoan saketek dari sajarawan Indonesia nan giat maluruihan jo mangoreksi sajarah bangso, tautamo takaik jo peran tanah kalahirannyo, Sumatra, nan salaml iko acok dikatapian dalam buku-buku sajarah nasional. Inyo aktif maluruihan sajarah Pamarintahan Darurat Republik Indonesia, Pamarintahan Revolusioner Republik Indonesia, jo sajarah Giyugun Sumatra, tigo peristiwa penting dalam sejarah Indonesia nan bapusek di Bukittinggi jo Padang (Sumatra Barat), nan salamo iko diabaian jo bahkan mandapek tampek ndak tahormat dalam sajarah Indonesia.

Pandidikan[suntiang | suntiang sumber]

Mestika manamatan pandidikan D3 Pendidikan Sejarah di IKIP Padang (kini banamo Universitas Negeri Padang).[4] Sudahtu, inyo mamparoleh gala kasarjanaan di Jurusan Sejarah Universitas Gadjah Mada pado taun 1980. Kamudian, inyo malanjutikan ka Vrije Universiteit, Amsterdam jo maraih gala M.A. pado taun 1983. Sataun kamudian inyo maikuti program panyetaraan S2 di Jurusan Sejarah Universitas Indonesia. Pado tahun 1991 inyo mandapekan gala Ph.D dalam bidang sajarah di Vrije Universiteit.[5]

Karya[suntiang | suntiang sumber]

  • Somewhere in the Jungle: Pemerintah Darurat Republik Indonesia, Pustaka Utama Grafiti, 1997
  • Sumatra Barat di Panggung Sejarah, 1945-1998, Pustaka Sinar Harapan, 1998
  • Ahmad Husein: Perlawanan Seorang Pejuang, Pustaka Sinar Harapan, 2001
  • Kepialangan Politik dan Revolusi, Palembang 1900-1950, LP3ES, 2003
  • Giyugun: Cikal-bakal Tentara Nasional di Sumatra, LP3ES, 2005
  • Metode Penelitian Kepustakaan, Yayasan Obor Indonesia, 2008

Maningga dunia[suntiang | suntiang sumber]

Mestika Zed maningga dunia di ICU RSUP Dr. M. Djamil Padang pado tanggal 1 September 2019, pukul 08.00 WIB. Janazah disamayaman di rumah duka, Jalan Gajah Mada 35, Padang.[6] Sakitar saribuan urang jamaah manyalatan almarhum di Mesjid Raya Al-Azhar UNP pado siang harinyo. Satalah disalatan, janazah dibaok ka kampuang halaman di Batuhampar untuak dimakaman.[7]

Referensi[suntiang | suntiang sumber]