Tanun Pandai Sikek
Tanun Pandai Sikek iolah produk dari songket Minangkabau nan diturunkan turun tamurun. Tenun Pandai Sikek barasa dari Nagari Pandai Sikek Kecamatan X Koto, Kabupaten Tanah Datar, Provinsi Sumatera Barat, Indonesia. Awalnyo tenun ko sabagai pakaian sahari-hari jo sabagai perlengkapan acara adaik. Contohnyo sajo untuak marapulai jo anak daro, marapulai manggunokan saluak, salendang, jo cawek, sadangkan anak daro mamakai saruang, salendang, jo tingkuluak. Kain tenun Pandai Sikek ko mamiliki ciri khasnyo iyolah mamakai banang ameh jo banang perak.[rujuakan?]
Pola motifnyo tabagi manjadi duo janih yaitunyo cukie jo sungayang. [1] Songkek Pandai sikek punyo tigo motif wajib yaitu motif pohon pinang, motif incek bayam, jo motif jalinan lidi.[2] Kainnyo biasonyo punyo warna dasar hitam, merah, jo kuniang, katigonyo malambangan kaum adaik, cadiak pandai, jo ulama.[2] Keahlian mananun Songkek Pandai Sikek diwarihan sacaro turun tamurun.[3] Songkek Pandai Sikek digunoan sabagai cendera mata jo pakaian pangantin pado baralek adaik Minangkabau.[4]
Sijarah
[suntiang | suntiang sumber]Manuruik Suaro Silungkang, tanun songkek nan masuak ka pagatahuan tradisional budaya ko barasa dari daratan negeri Cino, kabaradoannyo labiah kurang sajak 1000 taun nan lalu. Dalam kisah pajalanan nan cukuik panjang. Tanun Songkek tibo di Negeri Siam ([Thailang]]), kudian manyeba ka babarapo nagori bagian di Samananjuang Negeri Malaysia. Tibonyo di Selangor, Kelantan, Trengganu jo [Brunei Darussalam]] kudian manyubarang ka pulau Andaleh.[5] Namun, urang-urang Terengganu mangatoan songkek ko barasa dari India malalui pusek Sumatera di Palembang jo Jambi. Urang ko manngecek badasa ka fakta bahwasanyo tanun songkek ado di karajaan Sriwijaya, nan sacaro fisik labiah dakek jo wilayah Malaysia daripado Kamboja atau Thailand. Juo, ado pakawinan campuran antaro bangsawan Malaysia jo Sumatera untuak mancapai aliansi politik. Pangantin Sumatera indak diraguan lai mambawok songkek nyo ka rumah barunyo jo mungkin juo mambawok pananun jo alaiknyo.[6]
Rujuakan
[suntiang | suntiang sumber]- ↑ Direktorat Warisan dan Diplomasi Budaya (2018). Katalog Warisan Budaya Takbenda Indonesia 2018 Buku Dua. Jakarta: Direktorat Warisan dan Diplomasi Budaya, Kementerian Pendidikan dan Kebudayaan. pp. 271. https://upload.wikimedia.org/wikipedia/commons/f/f2/Katalog_Warisan_Budaya_Takbenda_Indonesia_2018_%28Buku_2%29.pdf.
- ↑ a b Yandri 2014, hlm. 30.
- ↑ Christyawaty 2011, hlm. 221.
- ↑ Yandri 2014, hlm. 3.
- ↑ Devi 2015, hlm. 21-22.
- ↑ Rodgers, Summerfield & Summerfield 2007, p. 111
