Surah An-Nas

Wikipedia Minangkabau - Lubuak aka tapian ilimu
an-Nas
النَّاسِ

Arabic text


Informasi
Arati Manusia
Klasifikasi Makkiyah [1]
Surah ka 114
Juz Juz 30
Wakatu pawahyuan diturunkan sasudah Surah Al Falaq
Statistik
Jumlah ruku' 1 ruku'
Jumlah ayat 6 ayat
سورۃ ٱلنَّاس

Surah An-Nas (bahaso Arab:النَّاسِ, "Manusia") adolah surah taakhia (ka-114) dalam al-Qur'an. Namo An-Nas diambiak dari kato An-Nas nan barulang kali disabuik dalam surek iko nan aratinyo manusia. Surah iko tamasuak dalam golongan surah makkiyah. Isi surah adolah manganjurkan manusia mamohon palinduangan kapado Allah dari godaan syaitan, baiak nan barasa dari golongan manusia maupun jin.

Bacoan[suntiang | suntiang sumber]

بِسمِ اللّٰہِ الرَّحمٰنِ الرَّحِیمِ
  1. قُل أَعُوذُ بِرَبِّ ٱلنَّاسِ
  2. مَلِكِ ٱلنَّاسِ
  3. إِلَـٰهِ ٱلنَّاسِ
  4. مِن شَرِّ ٱلوَسوَاسِ ٱلخَنَّاسِ
  5. ٱلَّذِي يُوَسۡوِسُ فِى صُدُورِ ٱلنَّاسِ
  6. مِنَ ٱلجِنَّةِ وَٱلنَّاسِ

Transliterasi:
Bismillāhir-Rahmāni r-Rahīm
1. Qul aʿūḏu bi-rabbi n-nās
2. Maliki n-nās
3. Ilāhi n-nās
4. Min sharri l-waswāsi l-ḫannās
5. Alladhī yuwaswisu fī ṣudūri n-nās
6. Mina l-ǧinnati wa n-nās

Aratinyo:

  1. Katokanlah: "Ambo balinduang kapado Tuhan (nan mamaliharo jo manguasoi) manusia.
  2. Rajo manusia.
  3. Sasambahan manusia.
  4. Dari kajahatan (bisikan) setan nan biaso basambunyi,
  5. nan mambisiakan (kajahatan) ka dalam dado manusia.
  6. Dari (golongan) jin jo manusia.

Kautamoan Surah An-Nas[suntiang | suntiang sumber]

Aisyah manarangkan: baso Rasulullah s.a.w. pado satiok malam apobilo handak lalok, Baliau mambaco Surah Al-Ikhlas, Surah Al-Falaq jo Surah An-Nas, diambuihan pado kaduo talapak tangan kamudian disapukan ka saluruah tubuh jo kapalo.

Sayyidiah' Ali r.a. manarangkan: pernah Rasulullah s.a.w. digigik kala, kamudian Baliau maambiak aia garam. Dibacokan Surah Al-Falaq jo Surah An-Nas lalu disapukan pado anggota badan nan digigik kala tadi.

'Uqbah bin' Amir manarangkan, katiko ambo sasek di jalan dalam suatu pajalanan basamo jo Rasulullah s.a.w., Baliau mambaco Surah Al-Falaq jo Surah An-Nas jo ambopun disuruah Baliau juo untuak mambaconyo.

Barang siapa takanai panyakik karano pabuekan syaitan atau manusia, handaklah mambaco Surah Al-Falaq jo Surah An-Nas sabanyak 41 kali salamo 3 hari, 5 hari atau 7 hari baturuik-turuik.

Barang siapo nan takuik kan godaan syaitan atau manusia atau takuik dalam kalam malam, atau takuik kajahatan manusia, bacolah Surah Al-Falaq jo Surah An-Nas sabanyak 100 kali.

Rujuakan[suntiang | suntiang sumber]

  1. Departemen Agama RI.2007.Al-Qur'an dan Terjemahannya Al-Jumanatul 'Ali Seuntai Mutiara Yang Maha Luhur.Bandung:J-Art


Surah Sabalunnyo:
Surah Al-Falaq
Al-Qur'an Surah Barikuiknyo:
---
Surah 114