Surah Al-Falaq
| al-Falaq الْفَلَقِ |
||
|---|---|---|
|
| ||
| Informasi | ||
| Arati | Wakatu Subuh | |
| Klasifikasi | Makkiyah [1] | |
| Surah ka | 113 | |
| Juz | Juz 30 | |
| Wakatu pawahyuan | diturunkan sasudah Surat Al Fil | |
| Statistik | ||
| Jumlah ruku' | 1 ruku' | |
| Jumlah ayat | 5 ayat | |
Surah Al-Falaq adolah surah ka-113 dalam Al-Qur'an. Namo Al-Falaq diambiak dari kato Al-Falaq nan ado pado ayat partamo surah iko nan aratinyo wakatu subuh. Surat iko tagolong surah Makkiyah.
Pokok-pokok isinyo
[suntiang | suntiang sumber]Parintah bia awak balinduang kapado Allah SWT dari sagalo macam kajahatan
Bacaan
[suntiang | suntiang sumber]بِسْمِ اللّهِ الرَّحْمَنِ الرَّحِيمِ
- قُلْ أَعُوذُ بِرَبِّ الْفَلَقِ
- مِن شَرِّ مَا خَلَقَ
- وَمِن شَرِّ غَاسِقٍ إِذَا وَقَبَ
- وَمِن شَرِّ النَّفَّاثَاتِ فِي الْعُقَدِ
- وَمِن شَرِّ حَاسِدٍ إِذَا حَسَدَ
Aratinyo:
- Katokanlah: "Ambo balinduang kapado Tuhan Nan Manguasoi subuh,
- dari kajahatan makhluk-Nyo,
- jo dari kajahatan malam apobilo alah kalam bakapiciak,
- jo dari kajahatan padusi-padusi tukang sihir nan mahambuih pado buhua-buhua,
- jo dari kajahatan urang nan dengki apabilo inyo dengki".
Kautamoan Surah Al-Falaq
[suntiang | suntiang sumber]Aisyah manarangkan: baso Rasulullah s.a.w. pado satiok malam apobilo handak lalok, Baliau mambaco Surat Al-Ikhlas, Surah Al-Falaq jo Surah An-Nas, diambuihkan pado kaduo talapak tangan kamudian disapukan ka saluruah tubuah jo kapalo.
Sayyidiah' Ali r.a. manarangkan: pernah Rasulullah s.a.w. digigik kala, kamudian Baliau maambiak aia garam. Dibacokan Surah Al-Falaq jo Surah An-Nas lalu disapukan pado anggota badan nan digigik kala tadi.
'Uqbah bin' Amir manarangkan, katiko ambo sasek jalan dalam suatu pajalanan basamo jo Rasulullah s.a.w., Baliau mambaco Surah Al-Falaq jo Surah An-Nas jo ambo pun disuruah Baliau juo untuak mambaconyo.
Barang siapo takanai panyakik dek pabuekan syaitan atau manusia, handaklah mambaco Surah Al-Falaq jo Surah An-Nas sabanyak 41 kali salamo 3 hari, 5 hari atau 7 hari baturuik-turuik.
Barang siapo nan takuik jo godaan syaitan atau manusia atau takuik dalam kalamnyo malam, atau takuik kajahatan manusia, bacolah Surah Al-Falaq jo Surah An-Nas sabanyak 100 kali.
Hubungan Surat Al Falaq jo Surat An Naas
[suntiang | suntiang sumber]- Kaduo-duonyo samo-samo mangajakan kapado manusia, hanyo kapado Allah-lah manyarahkan palinduangan diri dari sagalo kajahatan.
- Surat Al Falaq mamarintahkan untuak mamohon palinduangan dari sagalo bantuak kajahatan, sadang Surat An Naas mamarintahkan untuak mamohon palinduangan dari jin jo manusia.
Rujuakan
[suntiang | suntiang sumber] |
Ado naskah sumber nan bakaitan jo |
- ↑ Departemen Agama RI.2007.Al-Qur'an dan Terjemahannya Al-Jumanatul 'Ali Seuntai Mutiara Yang Maha Luhur.Bandung:J-Art
| Surah Sabalunnyo: Surah Al-Ikhlas |
Al-Qur'an | Surah Barikuiknyo: Surah An-Nas |
| Surah 113 |
 |
Iko baru laman rancangan. Bantulah Wikipedia untuak mangambangannyo. |