Randang cubadak
 Randang cubadak | |
| Asa | |
|---|---|
| Nagara | Indonesia |
| Daerah | Sumatera Barat |
| Pambuek | Urang Minangkabau |
| Detail | |
| Jinih idangan | Utamo |
| Panyajian | Angek atau suhu ruangan |
| Bahan utamo | Cubadak mudo, santan karambia, lado, bumbu |
| Variasi | Randang dagiang, randang itiak , randang hati jawi, randang talua, randang paru |
Randang cubadak marupoan jinih randang nan tabuek dari cubadak khas Minangkabau, Sumatera Barat. Cubadak nan diolah manjadi randang yaitu cubadak nan masih mudo. Beda jo proses mambuek randang dagiang, randang cubadak ko harus labiah awal dimasuakan cubadak ka santan sabalun manjadi kalio. Randang cubadak ko sarupo jo Cubadak Kicuah nan jadi masakan tradisional masyarakaik Kabupaten Agam.[1] Di Yogyakarta, randang cubadak labiah sarupo jo gudeg nagka.[2][3]
Caro mambuek
[suntiang | suntiang sumber]Bahan-bahan untuak mambuek randang cubadak tadiri dari cubadak mudo, daun kunyik, daun salam, sarai, jo santan. Untuak bumbu haluihnyo tadiri dari lado merah, bawang merah, bawang putiah, sipadeh, langkuweh, jo garam. Mulonyo cubadak dipotong jo dicuci sampai barasiah. Giliang bumbu sampai aluih. Masuakan cubadak, bumbu aluih, daun kunyik, daun salam, garam, jo santan ka kuali. Masak bahan-bahan tadi tu sampai cubadak ampuak. Masuakan santan pakek jo gulo, aduak lambek-lambek supayo santannyo indak pacah. Masak sampai kariang jo bawarna coklat.[4]
Rujuakan
[suntiang | suntiang sumber]- ↑ "Cubadak Kicuah Kuliner Khas Agam Yang Menggoda". 2018-07-27. Diakses tanggal 2021-06-14.
- ↑ Okezone (2013-03-11). "Rendang Cubadak, Rasa Daging Sapi Harga Nangka Muda : Okezone Lifestyle". Diakses tanggal 2021-06-14.
- ↑ Setya, Devi. "5 Rendang Nabati Ini Tak Kalah Enak dari Rendang Daging". detikfood (dalam bahasa Indonesia). Diakses tanggal 2021-06-14.
- ↑ "5 Resep Rendang untuk Lebaran, Pilihannya Ada Paru hingga Nangka". iNews.ID. 2021-05-10. Diakses tanggal 2021-06-14.