Randang talua
Randang talua atau rondang tolua adolah masakan tradisional babahan dasa talua nan barasa dari Payakumbuh, Sumatera Barat. Bantuak masakan ko manyarupoi karipiak kariang nan basaratokan bumbu randang kariang. Randang talua babeda dari jinih randang lainnyo nan ma bahan dasanyo masih utuah didalam kuah randang.[1] Randang talua dapek dikudok langsuang atau manjadi pandampiang nasi.
Sijarah
[suntiang | suntiang sumber]Sijarah randang talua ko bamulo dari kisah pambuek partamo randang talua nan banamo Ibu Yolanda. Sangkek tu baliau taimpik dek kondisi perekenomian nan sadang sulik, sainggo tabueklah randang nan babahan dasa talua. Dek idenyo itulah, baliau kini mampunyoi usaho randang talua di Payakumbuh dan inovasi baliau manjadi tanamo sarato banyak digalehan di toko-toko oleh-oleh makanan tradisional.[1]
Caro mambuek
[suntiang | suntiang sumber]Bahannyo iyolah 150 gram tapuang tarigu,10 talua ayam, ½ sendok teh garam sacukuiknyo, daun salam, batang sarai batumbuak, 5 halai daun asam, 500 ml santan pakek dari ½ buah karambia, jo 300 ml aia. Salanjuiknyo ado bahan haluihnyo iyolah 1 cm kunik, 10 buah lado karitiang, 8 bawang sirah , 4 bawang putiah, 2 rueh jari langkueh, 2 rueh jari sipadeh, 1 sendok gulo pasia, 2 sendok garam,1 sendok marica jo 1 sendok katumba. Itulah bahan-bahan nan dipakai untuak mambuek randang talua.
Proses mambueknyo bamulo jo mancampua talua, tapuang tarigu, garam, jo aia. Lalu bakacau inggo marato, Kudian adonan talua tadi didadar jo basaik-saik. Goreng tiok saik adonan jo api sadang atau ketek inggo kambang, kariangan. Lalu panggang jo masin oven supayo talua samakin kariang.
Angekan minyak goreng untuak kudian manumih sarai, daun asam,daun salam, jo bumbu aluih inggo arum. Lalu batuangan santan ka dalam tumisan tadi alah tu baaduak. Masak jo api ketek sambia baaduak – aduak inggo kariang. Sasudah kariang masukan talua ka dalam bumbu nan alah mangariang tadi, kudian kacau inggo marato, angkek, lalu didinginan. Randang talua lah sadio untuak di hidangkan. Randang talua asali iko sasuai untuak manjadi cemilan, dan dapek juo di hidangan untuak lauak makan basamo kaluarga jo dunsanak di rumah.
Rujuakan
[suntiang | suntiang sumber]- ↑ a b Andam., Suri, Reno (2012). Rendang traveler : menyingkap bertuahnya rendang Minang. Terrant Ink. ISBN 9793750456. OCLC 808205065. http://worldcat.org/oclc/808205065.