Pamainan anak nagari daerah Pasisia jo daerah Darek

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Pamainan anak nagari daerah Pasisia jo daerah Darek babeda corak sarato gaya pamainannyo. Minangkabau nan kayo akan banyak hal, sarupo nan disabuikan di dalam papatah “Lain Lubuak Lain Ikannyo”; sainggo tiok daerah di Minangkabau babeda jo daerah lainnyo, baiak dari bahaso, makanan, sarato pamainan anak nagarinyo.

Dalam buku Alam Takambang Jadi Guru, ado duo hal nan manyababkan corak sarato gaya pamainan itu babeda, misalnyo dek pangaruah dari lua Minangkabau sarato latak geografis. Pamainan rakyaik Minangkabau mamiliki sipaik mudah manarimo pangaruah dari pihak lua. Contohnyo, daerah Pasisia mampunyoi ragam pamainan nan labiah banyak, dek karano banyaknyo urang dari lua nan pai ka daerah Pasisia. Salain nan basipaik Minangkabau, pamainan anak nagari Pasisia banyak pulo dipangaruahi kabudayaan Islam Syiah. Contoh pamainan Pasisia, sarupo: Tabuik, Debus, Indang, sarato Salawaik Dulang.

Daerah Darek mampunyoi corak sarato gaya nan labiah banyak maliek kapado alam. Sahinggo pamainan anak nagari pado daerah Darek labiah banyak basipaik Minangkabau, sarupo musik, lagu–lagu, tarian, sarato beladiri. Nan basipaik Minangkabau adolah, bantuak sarato temanyo nan sadarhano. Pamainan anak nagari nan basipaik Minangkabau pado dasarnyo batolak dari kaba sabagai tema, pencak silat sabagai gerakan, sarato dendang sabagai alat untuak manolong.

Caliak pulo[suntiang | suntiang sumber]

Rujuakan[suntiang | suntiang sumber]

Navis, A.A (1984). Alam Takambang Jadi Guru. Jakarta: PT Grafiti Pers.