Kaba

Wikipedia Minangkabau - Lubuak aka tapian ilimu

Kaba adolah genre sastra tradisional Minangkabau nan barupo prosa. Kaba dapat dibacokan maupun didendangkan. Bantuaknyo barupo pantun lapeh maupun pantun bakait disaratoi ungkapan pepatah-petitih, mamangan, pameo, kiasan, jo sabagainyo. Kaba bafungsi untuak manyampaikan carito atau amanat. Biasonyo tokoh dalam kaba indak jaleh dan namo-namonyo candaruang basifek simbolik. Sacaro etimologis dapek dihubuangkan jo kato akhbar atau khabar dalam bahaso Arab bararti berita, pasan, atau warta. Diucapkan dalam bahaso Indonesia jo kabar, kamudian barubah manjadi kaba dalam bahaso Minangkabau.

Di dalam tradisi urang Minangkabau kaba iolah sajinih sastra lisan. Mancaritoan suatu kajadian nan ado kaik-an nyo jo caro iduik urang Minangkabau. Dari bantuaknyo kaba digolongan ka dalam prosa liris nan dibaco jo gaya badendang atau dilaguan, tapi acok pulo dalam bantuak pantun. Kaba barisi carito-carito Minangkabau pado mulonyo disampaian sacaro lisan, dalam pakambangannyo alah ditulih dalam bantuak buku. Kaba mampunyoi duo syarat yaitu: partamo, mancaritoan suatu kajadian jo nan kaduo mampunyoi peminat kaba. Manko co itu kaba ndak bisa lapeh dari, kaduonyo mambantuak suatu kasatuan.[1]

Asal-usul[suntiang | suntiang sumber]

Kata kaba berasal dari bahasa Arab khabar, yang sinonim dengan kata berita (Minangkabau: barito). Namun, dalam paristilahan Minangkabau kaduo kato iko dibedakan.[2] Dalam sagi carito, kaba mirip jo hikayat atau carito dalam Sastra Melayu. Babarapo kaba sarupoKaba Sutan Manangkerang (1885) dan Kaba Manjau Ari (1891) pernah ditabikan sabagai hikayat. Sabaliaknyo, Hikayat Hang Tuah juo pernah disadur ka dalam bantuak kaba. Perbedaan kaba jo hikayat talatak pado alat literer nan digunokan. Di dalam hikayat digunokan satuan linguistik sarupo kalimat jo paragraf.

Jiniah[suntiang | suntiang sumber]

Edwar Jamaris dalam buku Pengantar Sastra Rakyat Minangkabau (2002: 79), mambagi kaba ka dalam duo kalompok, yaitu kaba lamo jo kaba baru. Sadangkan Junus (dalam Edward jamaris, 2002: 79) mangalompokkan kaba ka dalam duo kalompok, yaitu kaba klasik jo nonklasik.

Edwar Jamaris manambahkan babarapo ciri nan tadapek dalam kaba lama jo kaba baru. Kaba lamo mampunyoi ciri: a. bakisah tantang perebutan kekuasaan antaro duo kalompok nan salah satunyo adolah “urang lua” (dari suatu kasatuan keluarga); b. kisah itu dianggap balaku pado maso silam tantang anak rajo nan mampunyoi kekuatan supranatural. Kaba lamo rato-rato disebarkan dalam bantuak tradisi lisan atau bantuak naskah. Baberapo contoh dari kaba lamo adalah Kaba Cindua Mato, Kaba si Untuang Sudah, Kaba Magek Manandin, Kaba Malin Deman jo Puti Bungsu, Kaba Rambun Pamenan, joKaba si Umbuik Mudo.

Kelompok nan kaduo, disebarkan dalam bantuak cetakan. Babarapo carito kaba baru, misalnyo Kaba si Rambun Jalua, Kaba Siti Fatimah, Kaba Rang Mudo Salendang Dunia, Kaba Karantau Madang di Hulu, jo Kaba Siti Jamilah dengan Tuanku Lareh Simawang. Kaba baru mancaritokan kahidupan urang kabanyakan beserta jo persoalan, panderitaan, dan tragedinyo.

Contoh kaba tradisional nan terkenal adolah Kaba Cindua Mato, Kaba Malin Kundang, Kaba Magek Manandin, Kaba Sutan Pangaduan, Kaba Sutan Pamenan, Kaba Anggun Nan Tongga, Kaba Gadih Basanai, Kaba Sutan Palembang, Kaba Si Umbut Muda jo Kaba Malin Deman. Kaba sarupo iko labiah dikenal sabagai carito fantasi atau sijarah. Sajak tahun 1920-an alah dikarang pulo kaba nan labiah mamusatkan parhatian pado dunia kontemporer, sarupo Kaba Sutan Lembak Tuah atau Merantau ke Malaysia: Mahyuddin dan Erni (1992).[2]

Rujuakan[suntiang | suntiang sumber]

  1. Abidin, Masoed (2005). Ensiklopedi Minangkabau. Padang: Pusat Pengkajian Islam dan Minangkabau. pp. 208. 
  2. a b Umar Junus. Kaba, An Unfinished (His-) Story. Southeast Asian Studies, Vol. 32, No.3, December 1994