Nabi Islam

Wikipedia Minangkabau - Lubuak aka tapian ilimu

Nabi (bahaso Arab: نبي) dalam agamo Islam adolah laki-laki nan diagiah dek Allah wahyu dan wajib disampaikan kapado umaiknyo. Dikatokan baso, jumlah nabi ado 124 ribu urang,[1] sabagaimano disabuikkan di dalam hadits Muhammad.

Etimologi[suntiang | suntiang sumber]

Kato "nabi" barasa dari kato naba nan baarati "dari tampek nan tinggi"; karano itu urang 'nan di tampek tinggi' samustinyo dapek mancaliak ka tampek nan jauah (prediksi maso depan) nan disabuik nubuwwah.

Pabedoan nabi jo rasul[suntiang | suntiang sumber]

Rasul adolah laki-laki nan diparintahkan Allah untuak manyampaikan wahyu kapado kaumnyo pado zamannyo. Pacayo ka bakeh para nabi jo para rasul marupoan Rukun Iman nan kaampek dalam Islam.

Para Nabi buliah manyampaikan wahyu nan ditarimonyo tapi indak punyo kawajiban ateh umaik tatantu atau wilayah tatantu. Samantaro, kato "rasul" barasa dari kato risala nan baarati panyampaian. Karano itu, para rasul, salapeh labiah dulu diangkek sabagai nabi, batugas manyampaikan wahyu jo kawajiban ateh suatu umaik atau wilayah tatantu. Dari sadoalah rasul, Muhammad sabagai 'Nabi Panutuik' nan mandapek gala rasmi di dalam Al-Qur'an Rasulullah adolah satu-satunyo nan kawajibannyo manjangkau umaik jo wilayah saluruah alam semesta 'Rahmatan lil Alamin'.

Nabi jo rasul dalam Al-Qur'an[suntiang | suntiang sumber]

Al-Qur'an manyabuik babarapo urang sabagai nabi. Nabi patamo adolah Adam. Nabi sakaligus rasul taakhia adolah Muhammad nan ditugaskan untuak manyampaikan Islam dan paraturan nan khusus kapado manusia di zamannyo sahinggo Manusia siap untuak manghadapi hari kiamat. Isa nan lahia dari Maryam binti Imran juo marupoan surang nabi.

Salain ka-25 nabi sakaligus rasul, ado juo nabi lainnyo umpamonyo dalam kisah Khidir basamo Musa nan tatulih dalam Surah Al-Kahf ayat 66-82. Ado juo kisah Uzayr jo Syamuil. Juo nabi-nabi nan tatulih di Hadits dan Al-Qur'an, sarupo Yusya' bin Nun, Zulqarnain, Iys, jo Syits.

Sadangkan urang suci nan masih manjadi padebatan sabagai surang Nabi atau hanyo wali adolah Luqman al-Hakim dalam Surah Luqman.

Kriteria nabi jo rasul[suntiang | suntiang sumber]

Dikatokan baso nabi jo rasul punyo babarapo kriteria nan musti dipanuahi, di antaronyo adolah:

  • Dipiliah dan diangkek dek Allah.
  • Mandapek mandat (wahyu) dari Allah.
  • Basipaik pandai.
  • Dari umaik Bani Adam (Manusia).
  • Nabi jo Rasul adolah surang laki-laki.[2][3]

Rujuakan[suntiang | suntiang sumber]

  1. Dari Abi Zar ra bahwa Rasulullah SAW bersabda ketika ditanya tentang jumlah para nabi, "(Jumlah para nabi itu) adolah seratus dua puluh empat ribu (124.000) nabi." "Lalu berapa jumlah Rasul di antara mereka?" Beliau menjawab, "Tiga ratus dua belas(312)" Hadits riwayat At-Turmuzy.
  2. "Kami tiada mengutus rasul rasul sebelum kamu (Muhammad), melainkan beberapa orang-laki-laki nan Kami beri wahyu kepada mereka, maka tanyakanlah olehmu kepada orang-orang nan berilmu, jika kamu tiada mengetahui." (Al anbiyya’ 21:7)
  3. "Kaum laki-laki itu adolah pemimpin bagi kaum wanita, oleh karena Allah telah melebihkan sebahagian mereka (laki-laki) atas sebahagian nan lain (wanita), dan karena mereka (laki-laki) telah menafkahkan sebagian dari harta mereka..." (An Nisaa' 4:34)