Musajik Rayo Kubang Putiah

Wikipedia Minangkabau - Lubuak aka tapian ilimu
Musajik Rayo Kubang Putiah

Musajik Rayo Kubang Putiah, 2020

Latak Nagari Kubang Putih, Kecamatan Banuhampu, Kabupaten Agam, Sumatra Barat, Indonesia
Afiliasi agamo Islam
Kapamimpinan Wakaf
Deskripsi arsitektur
Jinih arsitektur Masjid
Gaya arsitektur Kolonial
Pambukoan tanah 1810
Spesifikasi
Panjang 23,75 meter
Leba 21,2 meter
Minaro 1

Musajik Rayo Kubang Putiah (Masjid Raya Kubang Putih) talatak di Nagari Kubang Putih, Kecamatan Banuhampu, Kabupaten Agam, Sumatra Barat. Musajik iko ado samanjak taun 1810 nan mamakai namo tampek atau nagarinyo[1]. Bangunannyo indak mangalami banyak parubahan kacuali babarapo kali pangecetan ulang.

Salain digunoan untuak aktivitas ibadah umaik Islam, Musajik Kubang Putiah dipagunian pulo untuak kagiatan masyarakaik satampek. Pemerintah Indonesia malalui Kementerian Kebudayaan dan Pariwisata Indonesia manatapkannyo sabagai benda cagar budaya sarato jo babarapo musajik tuo lain di Sumatra Barat, sarupo Musajik Bingkudu di Agam, Musajik Rao Rao di Tanah Datar, dan Musajik Rayo Gantiang di Padang.[2]

Arsitektur[suntiang | suntiang sumber]

Dibangun pado taun 1810, arstiketur Musajik Kubang Putiah maniru arsitketur kolonial pado masonyo. Barado di ateh tanah salaweh 611 meter persegi, denah bangunan utamo babantuak persegi baukuran 23,75 x 21,2 meter. Latak bangunan ditinggian 0,75 meter dari ateh tanah, mambantuak kolong nan ditutuik jo keramik. Atok musajik tabuek dari seng nan babantuak limas pado tingkek patamo dan ampek limas samo gadang pada tingkat kedua.[3][4]

Ruangan utamo musajik punyo ampek tonggak utamo. Tonggak tasabuik babatuak sagi ampek nan pado bagian tangahnyo baplester dan pado bagian ateh babantuak pelipit candi. Tadapek ampek tonggak pado bagian mihrab nan mimbarmyo tabuek dari bahan beton.

Musajik iko dikulialiangi sarambi baukuran leba 2,5 meter. Sarambi di sabalah baraik dipisahan dek mihrab, sarupo di tengah sapanjang 7,8 meter. Pado pintu masuak di sabalah timur sajajar mihrab, tadapek sarambi nan manjorok kalua baukuran 7,5 x 5 meter. Bagian luaa sarambi diagia paga langkan dan pelengkung sahinggo nampak membantuak fasad.

Menara[suntiang | suntiang sumber]

Di sabelah timur, sajajar jo mihrab namun tapisah dari bangunan utamo, tadapek minaret atau dek masyarakaik satampek disabuik jo "manaruh". Bantuknyo manyarupoi minaret musajik-musajik pado awa abaik ka-19 di Minangkabau, sarupoi Masjid Jamik Taluak Bukittinggi. Badenah lingkaran, dindiang minaret dipanuhi hiasan bacorak Arabes jo Persia. Tadapek balkon pado bagian tangah jo ateh. Puncak minaret dimahkotai dek atok babantuak kubah bawang, mirip jo atok minaret musajik-musajik kuno di India. Dalam sajarahnyo, adonyo minaret di Minangkabau dipakanakan pado maso awa Parang Padri dek sajumlah reformis lslam nan pulang dari negara-negara Timur Tengah.[5]

Rujuakan[suntiang | suntiang sumber]

  1. "Surau Parabek". Diarsipkan dari versi asli tanggal 2017-08-28. Diakses tanggal 7 Oktober 2019. 
  2. "Peraturan Menteri Kebudayaan dan Pariwisata Nomor PM.05/PW.007/MKP/2010 – Dinas Pendidikan dan Kebudayaan" (dalam bahasa Inggris). Diakses tanggal 2019-10-07. [pranala nonaktif permanen]
  3. "Cagar Budaya Kabupaten Agam Provinsi Sumatera Barat" (PDF). Diarsipkan dari versi asli (PDF) tanggal 2021-06-14. Diakses tanggal 7 Oktober 2019. 
  4. Ridoh, Ahmad. "Web Company Profile Pemerintah Kabupaten Agam". www.agamkab.go.id. Diakses tanggal 2019-10-07. 
  5. Nas, P.; De Vletter, Martien (2009). Masa Lalu dalam Masa Kini: Arsitektur di Indonesia. Gramedia Pustaka Utama. p. 68. 

Pranala lua[suntiang | suntiang sumber]