Marah Roesli

Dari Wikipedia baso Minang, ensiklopedia bebas
Lompek ka: navigasi, cari
Marah Roesli
Marah Rusli, Pekan Buku Indonesia 1954, p92.jpg
Marah Roesli, tahun 1954
Namo lahia Marah Roesli
Lahia 7 Agustus 1889
Padang, Sumatera Barat
Maningga 17 Januari 1968 (umua 78)
Bandung, Jawa Barat
Karajo Dokter hewan, Sastrawan
Anak Roeshan Roesli

Marah Roesli atau acok kali dieja Marah Rusli (lahia di Padang, Sumatera Barat, 7 Agustus 1889 – maningga di Bandung, Jawa Barat, 17 Januari 1968 pado umua 78 taun) adolah sastrawan Indonesia angkatan Balai Pustaka. Katerkenalanny karano karyanyo Siti Nurbaya (roman) nan ditabikkan pado taun 1920 sangaik banyak dibicarokan urang, bahkan sampai kini. Siti Nurbaya talah malagenda, padusi nan tapaso kawin karano kaadaan ekonomi orang tuanyo, dangan lalaki nan indak diinginkannyo

Riwayat[suntiang | suntiang sumber]

Marah Rusli, sang sastrawan tu, banamo langkok Marah Rusli bin Abu Bakar. Inyo dilahiekan di Padang pado tangga 7 Agustus 1889. Ayahnyo, Sultan Abu Bakar, adolah saurang bangsawan Pagaruyuang jo gala Sultan Pangeran, sadangkan ibunyo badarah Jawo, katurunan Sentot Alibasyah, saurang panglima parang Pangeran Diponegoro[1] nan ditugehkan oleh Belanda ka Minangkabau untuak manghadapi perang Padri, namun kamudian inyo mambelot dangan mambantu pajuangan rakyat Minangkabau malawan kolonialis Belanda.

Ayahnya bekerja sebagai demang. Marah Rusli mengawini gadis Sunda kelahiran Buitenzorg (kini Bogor) pada tahun 1911. Mereka dikaruniai tiga orang anak, dua orang laki-laki dan seorang perempuan. Perkawinan Marah Rusli dengan gadis Sunda bukanlah perkawinan yang diinginkan oleh orang tua Marah Rusli, tetapi Marah Rusli kokoh pada sikapnya, dan ia tetap mempertahankan perkawinannya.

Walau labiah takana sabagai sastrawan, Marah Rusli sabananyo adolah dokter hewan. Babedo dangan Taufiq Ismail jo Asrul Sani nan memang bana-bana maninggakan profesinyo sabagai dokter hewan karano mamiliah manjadi panyair, Marah Rusli tatap manakuni profesinyo sabagai dokter hewan hinggo pensiun pado taun 1952 dangan jabatan tarakhir Dokter Hewan Kapalo. Kasukaan Marah Rusli tahadok kasusastraan sudah tumbuah sajak inyo masih ketek. Inyo sangaik sanang mandangakan carito-carito dari tukang kaba, tukang dongeng di Sumatera Barat nan bakaliliang kampuang manjua caritonyo, jo mambaco buku-buku sastra. Marah Rusli maningga dunia pado tangga 17 Januari 1968 di Banduang dan dimakamkan di Bogor, Jawa Barat.

Kiprah[suntiang | suntiang sumber]

Dalam sajarah sastra Indonesia, Marah Rusli tacataik sabagai pangarang roman nan patamo dan dibari gala oleh H.B. Jassin sabagai Bapak Roman Modern Indonesia. Sabalun muncul bantuak roman di Indonesia, bantuak prosa nan biasonyo digunokan adolah hikayaik.

Marah Rusli bapandidiakan tinggi dan buku-buku bacaannyo banyak nan barasa dari Baraik nan manggambarkan kamajuan zaman. Inyo kamudian malihaik bahwa adaik nan malingkupinyo indak sasuai lai dangan pakambangan zaman. Hal tu malahiekan pamberontakan dalam hatinyo nan dituangkannyo ka dalam karyanyo, Siti Nurbaya. Inyo ingin malapehkan masarakaiknyo dari belenggu adaik nan indak mambari kasampatan bagi nan mudo untuak manyatokan pandapaik atau kainginannyo.

Dalam Siti Nurbaya,alah dilatakkan landasan pamikiran nan mangarah pado emansipasi wanita. Carita tu mambuek wanita mulai mamikiekan akan hak-haknyo, apokah inyo hanya manyarah karano tuntutan adaik (dan takanan orang tuo) ataukah ia harus mampartahankan nan diinginkannyo. Caritonyo manggugah jo maninggakan kasan nan mandalam kapado pambaconyo. Kasan tulah nan taruih malakaik hingga sampai kini. Satalah labiah salapan puluah taun novel itu dilahiekan, Siti Nurbaya tatap diingaik dan dibicarokan.

Salain Siti Nurbaya, Marah Rusli pulo manulih babarapo roman lainnyo. Akan tatapi, Siti Nurbaya itulah nan tabaik. Roman tu mandapaik hadiah taunan dalam bidang sastra dari Pamerentah Republik Indonesia pado taun 1969 dan ditajamahkan ka dalam bahasa Rusia[2].

Bibliografi[suntiang | suntiang sumber]

  • Siti Nurbaya. Jakarta : Balai Pustaka. 1920 mendapat hadiah dari Pemerintah RI tahun 1969.
  • Lasmi. Jakarta : Balai Pustaka. 1924.
  • Anak dan Kemenakan. Jakarta : Balai Pustaka. 1956.
  • Memang Jodoh (naskah roman dan otobiografis)
  • Tesna Zahera (naskah Roman)

Tajamahannya: Gadis yang Malang (novel Charles Dickens, 1922).

Catatan kaki[suntiang | suntiang sumber]

  1. ^ "Seniman Sastra; Marah Rusli" Situs TIM. Diakses 18 September 2015.
  2. ^ Roesli, Marah. dlm: Погадаев, В. Малайский мир (Бруней, Индонезия, Малайзия, Сингапур). Лингвострановедческий словарь. М.:"Восточная книга", 2012, с. 553-554 [Pogadaev, V.A. Malay World (Brunei, Indonesia, Malaysia, Singapore). Lingua-Cultural Dictionary. Moscow: "Vostochnaya Kniga", 2012, p. 553-554]

Trivia[suntiang | suntiang sumber]

  • Marah Roesli adalah kakek dari Harry Roesli, pemusik kontemporer Indonesia

Pranala luar[suntiang | suntiang sumber]