Komunitas Seni Sakato

Komunitas Seni Sakato

Singkatan	KSS
Pambantuakan	1995
Jinih	NGO
Tujuan	Seni budayo
Lokasi	Yogyakarta, Daerah Istimewa Yogyakarta (DIY)
Kaanggotaan	Labiah dari 100 urang

Komunitas Seni Sakato atau KSS (atau Sakato Art Community) adolah suatu kalompok seniman seni rupo (parupo) Indonesia nan para anggotanyo barasa dari Sumatera Barat atau baetnis Minangkabau. Kalompok nan mayoritas anggotanyo marupoan mahasiswa sarato alumni Institut Seni Indonesia Yogyakarta ko laia pado taun 1995 di kota Yogyakarta, DIY, dan baanggotaan labiah dari saratuih urang palukih jo pamatuang.

Sakato Art Community kudian malaiaan pulo babarapo kalompok nan labiah ketek, sarupo Kelompok Seni Rupa Jendela (KSR Jendela, nan laia pado taun 1996), Kelompok Genta (1998), sarato Kelompok Semoet, sahinggo diistilahan sabagai rumah di dalam rumah.

Dalam pajalanan sajarahnyo, Sakato Art Community alah malahiaan parupo-parupo Indonesia nan bataraf nasional jo internasional, sarupo Handiwirman Saputra, Jumaldi Alfi, Mohammad Irfan (M. Irfan), Rudi Mantofani, Yunizar, dan Zulfa Hendra, nan masuak dalam kalompok limo ratuih palukih talaris dunia versi Top 500 Artprice 2008/2009 nan disusun dek sabuah limbago analis pakambangan pasar seni rupo dunia, Artprice, nan babasis di Paris, Perancis.

Komunitas Seni Sakato indak hanyo melahiaan palukih-palukih tanamo, tapi alah mancuatkan pulo babarapo namo pamatuang nan dikenal di dunia seni rupo, samacam Abdi Setiawan, Basrizal Albara, Yusra Martunus, sarato babarapo namo lainnyo.

Pautan lua

• Margaret Agusta (1 Juni 2004). "Minangkabau artists showcased in 'Tradition Considered'". Life. The Jakarta Post. Diarsipkan dari versi asli tanggal 2013-12-24. Diakses tanggal 28 Desember 2013.