Lompat ke isi

The Jakarta Post

Wikipedia Minangkabau - Lubuak aka tapian ilimu

The Jakarta Post adolah sabuah surek kaba babahaso inggris di Indonesia. Surek kaba ko didirian dek PT. Bina Media Tenggara nan ditunjang dek harian Suara Karya, Kompas, Suara pembaharuan, Tempo dan Pos Kota. Mampunyoi kantua di Jl. Palmerah Selatan 15, Jakarta 10270 dan alamaik surek PO Box 85 Pamerah Jakarta 11001.[1]

Awal Mulo Tabik[suntiang | suntiang sumber]

The Jakarta Post di bantuak oleh kolaborasi antaro ampek media Indonesia di bawah arahan Menteri Penerangan, Ali Moertopo jo Politikus Jusuf Wakandi[2]. Surek kaba ko partamo kali tabik pado tanggal 25 April 1983, layia nyo surek kaba ko dikaranoan Indonesia disabuik sabagai negara nan aktif dalam sabuah pagaulan bakancah internasional, oleh sabaik nyo paluang warga negara asing ka Indonesia tabuka gadang untuak urusan parekonomian, politik, kabudayaan, ataupun cuma sakadar vakansian tapi warga asing nan ka Indonesia kasusahan untuak bakomunikasi ataupun sakedar mandapekan informasi dek mode itu Indonesia paralu media nan bisa mangecek samo warga asing ko dalam bahaso pagaulan yaitu bahaso inggris.

Pangambangan Surek Kaba[suntiang | suntiang sumber]

Surek kaba ko awal mulonyo baisi lapan halaman, wakatu partamo kali ditabikan tajua sampai 25.000 eksemplar dan baredar di Singapura jo Malaysia. Post hadir dengan pambaritoan harian yang utamo batalian jo budaya dan lingkungan. Dikameh jo bahaso nan "lembut". Pado maso pangambanganyo surek kaba ko hadia di maso hari karajo sabanyak duo puluah ampek halaman dan di hari minggu tabnik sabanyak duo puluah halaman. Kasuksesaan surek kaba ko pernah juo barado di posisi anjlok pado kurun krisis ekonomi 1997 dimano bisa oplah 40.000-an eksemplar manjadi 33.000-an eksemplar sajo.

The Jakarta Post taruih maningkekan palayanan jurnalistiknyo, seperti manyadioan byline yang mano itu adolah mekanisme panulisan namo wartawan panulis barito di bawah judul, nan mambueknyo babeda dari surek kaba lainnyo yang pado maso tu cuma mamakai tagline. Hasilnyo dari parkambangan yang diadoan, mambuek wartawan The Jakarta Post "dipaso" untuak manulih labih elok karano kalau ado kasalahan atau ado nan malenceng, namo para wartawan tu bisa diketahui dek publik. Namun dibaliak hal negatifnyo ado sisi positif dari byline yaitu bisa mambangun reputasi mereka. Adonyo byline mambuek The Jakarta Post nampak kayak bana-bana koran "Internasional" dikaranoan barito nan dibuek banyak dari jurnalis lua nagari, bayiak korespondennyo ataupun lembaga nan manaunginyo, seperti Agence Free- Press, Reuters, dan Associated Press.

The Jakarta Post indak hanyo manyadioan dalam bantuak cetak, malainkan dalam bantuak website sasuai dengan tantangan dinamika teknologi informasi. Surek kaba harian website nan ado banamo The Jakarta Post.com, baisi tentang barito-barito terbaru jo informasi tentang Indonesia.

Rubrikasi[suntiang | suntiang sumber]

Rubrikasi harian sajak senin (Monday) sampai sabtu (Saturday) antaro lain barupo "Headlines", "City", "Opinion", "Archipelago", "National"

Rujuakan[suntiang | suntiang sumber]

  1. Dwi Hartanto, dkk, Agung (2007). Seabad Pers Kebangsaan. I;Boekoe. 
  2. "Profil - The Jakarta Post". merdeka.com (dalam bahasa Inggris). Diakses tanggal 2023-01-29.