Seni
Seni marangkuah bamacam-macam kagiatan manusia maasiaan artifak visual, pandangaran bia patunjuakan – lukisan, kapandaian pangarang mambuek ungkapan tantang bahan imaginasi atau teknikal, nan dibuek dek dapek kuaso emosi atau kacantikannyo diaragoi.[1][2] Dalam bantuak paliang, kagiatan-kagiatan tamasuak mambuek karajo-karajo seni, kritik seni, mangaji sijarah seni jo panyebaran nilai estetik seni.
Bantuak seni nan paliang tuo adolah seni visual nan malipuiki pakarajoan mambuek imej atau objek di bidang-bidang sarupo seni lukisan, arca, cetak jo fotografi. Arsitektur acok dimasuakan sabagai satu seni visual; tapi sarupo seni hiasan, inyo malibaikan ciptaan objek-objek nan dapek diguno, balain jo lukisan nan indak dapek diguno sacaro praktek. Musik, lakonan, filem, tari, jo seni pentas (pangguang). Salain tu literatur jo media interaktif kini tamasuak dalam definisi seni labiah laweh.[1][3] Inggo abaik ka-17, seni biasonyo marujuak pado apo juo jinih kapandaian jo indak dibedoan dari patukangan atau sains. Sasudah abaik ka-17, wakatu nilai estetik paralu bana, seni aluih dipisahan jo dibedoan dari kapandaian nandibaraja, sarupo seni hiasan atau seni terapan.
Kagunoan
[suntiang | suntiang sumber]Seni mampunyoi sajumlah gadang fungsi nan babeda sapanjang sijarahnyo, sahinggo tujuannyo sulik untuak diabstraksikan atau dikuantifikasi jo konsep tunggal apo pun. Namun hal iko indak manyirekan bahwasanyo tujuan seni ko iolah sasuatu nan “kabua”, malainkan seni ko tacipta dek banyak alasan unik jo babeda. Babarapo kagunoan seni disadiokan dalam garih gadang barikuik ko. Babagai tujuan seni dapek dikelompokan sasuai jo nan tamotivasi, dan jo nan indak tamotivasi (Levi-Strauss).[4]
Kegunaan tanpa dorongan
[suntiang | suntiang sumber]Kegunaan seni tanpa dorongan ialah tujuan nan tidak dipisahkan dalam prosesnya menjadi manusia, melampaui diri pribadi, atau indak mamanuhi tujuan lua tatantu. Dalam pengertian iko, seni, sabagai dayo cipta, adolah sasuatu nan harus dilakuan manusia sasuai jo kodratnyo (yaitu, indak ado spesies lain nan manciptakan seni), dan karanonyo malampaui kagunoan praktis.
- Naluri dasar manusia untuak keselarasan, kasaimbangan, jo irama. Seni pado tingkek iko bukanlah tindakan ataupun objek, malainkan penghargaan internal ateh keseimbangan jo keselarasan (rancak), dan karano itu marupokan aspek manusia di lua kagunoan.
- Pengalaman nan misterius. Seni manyadiokan caro untuak mangalami diri sendiri dalam hubuangannyo jo alam samesta. Pengalaman iko mungkin acok tibo tanpa dorongan tatantu, karano urang manghargai seni, musik, atau puisi.
- Ungkapan imajinasi. Seni manyadiokan sarana untuak mangungkapkan imajinasi jo caro non-tata bahaso nan indak taikek pado formalitas bahaso lisan atau tulisan. Indak sarupo kato-kato, nan datang dalam urutan jo masiang-masiang mamiliki makna nan pasti, seni manyadiokan babagai bantuak, lambang, jo gagasan nan punyo makna nan luweh.
- Fungsi ritual jo simbolis. Dalam banyak budayo, seni digunokan dalam ritual, patunjuakan jo tarian sabagai hiasan atau lambang. Samantaro hal tasabuik acok indak mamiliki tujuan kagunoan tatantu (tadorong sasuatu), antropolog mangatahui bahwa seni dalam ritual acok digunokan pado tingkek makna dalam budayo tatantu. Makna iko indak disamparonokan dek ciek individu, tatapi acok kali marupokan hasil dari banyak parubahan generasi, dan hubuangan kosmologi dalam budayo.
Kagunoan jo dorongan
[suntiang | suntiang sumber]Kagunoan seni jo dorongan mangacu pado tindakan nan disangajo dan sadar dari seniman atau panciptanyo. Hal iko mungkin mambaok parubahan politik, untuak mangomentari suau aspek dalam masyarakat, untuak manyampaian emosi atau suasana hati tatantu, untuak manunjuakan psikologi pribadi, untuak manggambaran disiplin lain, untuak (dengan seni komersial) manjua produk, atau hanyo sakadar bantuak komunikasi.
- Komunikasi. Seni, paliang sederhana, adolah bantuak komunikasi. Karano sabagian gadang bantuak komunikasi mamiliki maksud atau tujuan nan diarahkan kapado individu lain, iko adolah tujuan nan badorongan. Seni ilustrasi, sarupo ilustrasi ilmiah, adolah bantuak seni sabagai komunikasi. Peta adolah contoh lain. Namun, Isinyo indak paralu ilmiah. Emosi, suasana hati jo parasaan dapek dikomunikasian malalui seni.
- Seni sabagai hiburan. Seni dapek mambaok emosi atau suasana hati tatantu, untuak tujuan basantai atau mahibur panonton. Iko acok marupokan fungsi dari industri seni gambar manggarik jo pamainan video.[5]
- Seni untuak parubahan politik. Salah ciek fungsi seni awal abaik ka-20 adolah mangunokan gambar-gambar visual untuak mahasilkan parubahan politik. Gerakan seni nan mamiliki tujuan ko—misalnyo Dadaisme, Surealisme, kostruktivisme Rusia, jo Ekspresionisme Abstrak—sacaro kolektif disabuik sabagai seni avante-garde atau garda muko.
- Seni sabagai “zona bebas”. Jauah dari aksi celaan sosial, babeda jo gerakan avant-garde, nan yo bana amuah mahapuihan pabedaan budayo untuak mandapekan nilai-nilai universal nan baru, seni kontemporer alah maningkek toleransinyo kapado pabedaan budayo sarato fungsi-fungsi kritis jo mambebaskannyo (penyelidikan sosial, aktivisme, subversi, dekonstruksi ... ), manjadi tampek nan labiah tabukak untuak penelitian jo percuboan.
- Seni untuak penyelidikan sosial, subversi dan/atau anarki. Seni subvesif atau dekonstruktivistik baupayo mampatanyoan aspek-aspek masyarakat tanpa tujuan politik tatantu. Dalam hal iko, fungsi seni mungkin hanyo untuak mangkritik babarapo aspek masyarkat. Seni grafiti jo jenis seni jalanan lainnyo adolah grafis dan gambar nan dilukis jo semprotan atau stensil pado dindiang, bangunan, bus, kareta api, jo jembatan nan dapek diliek sacaro publik, biasonyo indak ado ijin. Bantuak seni tatantu, sarupo grafiti ko, mungkin juo tagolong ilegal katiko dikarajoan dengan melangga hukum (dalam hal iko vandalisme).
- Seni untuak tujuan sosial. Seni dapek digunoan untuak maningkekan kesadaran dalam babagai macam tujuan. Sajumlah kegiatan seni diadokan untuak maningkekan kesadaran autisme, kanker, jua-bali manusia, jo babagai topik lainnyo, sarupo konservasi lautan, hak asasi manusia di Darfur, mambunuah jo kahilanggan anak gadih Aborigin, palecehan ka nan labiah gaek, jo pencemaran.
- Untuak tujuan psikologis jo ubek. Seni ko dapek juo digunokan dek terapis seni, psikoterapis jo psikolog klinis sabagai terapi seni. Seri gambar diagnostik, misalnyo, digunokan untuak manentukan fungsi kepribadian jo emosi pasien.[6]
- Seni untuak propaganda, atau komersialisme. Seni acok digunoan sabagai bantuak propaganda, nan dek baitu dapek digunoan untuak sacaro aluih mampangaruhi konsepsi atau suasana hati nan papuler dek urang banyak. Dengan caro nan samo, seni ko mancubo manjua produk, dalam hal iko seni secaro aluih mamanipulasi urang banyak manjadi respon ka gagasan atau objek tatantu nan dijua.[7]
- Seni sabagai indikator kebugaran. Alah dikamukokan ka kito kasado alahnyo bahwa kemampuan utak manusia jauah labiah dari apo nan dibutuahkan untuak batahan iduik di dunia ko. Salah ciek penjelasan psikologi evolusioner untuak iko iolah bahwasanyo utak manusia jo sipek-sipek takaik (sarupo kamampuan artistik jo kreativitas) adolah padanan manusia untuak ikua buruang merak. Tujuan dari ikua merak jantan nan lua biaso adolah untuak manarik paratian batino. Manuruik teori iko, penggarapan seni nan unggul itu sacaro evolusioner pantiang karano untuak manarik paratian pasangan.[8]
Fungsi seni nan dijalehan di ateh indak saliang tagak surang-surang, karano banyak dari inyo ko nan mungkin tumpang tindiah. Misalnyo, seni untuak tujuan hiburan juo dapek baupayo untuak manjua suatu produk, yaitu pilem atau pamainan video.
Rujukan
[suntiang | suntiang sumber]- ↑ a b "Art: definition". Oxford Dictionaries. Diarsipkan dari versi asli tanggal 2016-09-01. Diakses tanggal 2016-01-28.
- ↑ "art". Merriam-Websters Dictionary.
- ↑ "Art, n. 1". OED Online. December 2011. Oxford University Press. http://www.oed.com. (Accessed 26 February 2012.)
- ↑ Schiuma, Giovanni (2011-05-19). The Value of Arts for Business (dalam bahaso Inggris). Cambridge University Press. ISBN 9781139496650.
- ↑ Resources, Management Association, Information (2014-06-30). Digital Arts and Entertainment: Concepts, Methodologies, Tools, and Applications: Concepts, Methodologies, Tools, and Applications (dalam bahaso Inggris). IGI Global. ISBN 9781466661158.
- ↑ Hogan, Susan (2001). Healing Arts: The History of Art Therapy (dalam bahaso Inggris). Jessica Kingsley Publishers. ISBN 9781853027994.
- ↑ Barthes, Roland (1993). Mythologies (dalam bahaso Inggris). Vintage. ISBN 9780099972204.
- ↑ Dutton, Denis. 2003. "Aesthetics and Evolutionary Psychology" dalam The Oxford Handbook for Aesthetics. Oxford University Press.
 |
Iko baru laman rancangan. Bantulah Wikipedia untuak mangambangannyo. |