Kaharudin Datuak Rangkayo Basa

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Kaharudin
Datuak Rangkayo Basa
Berkas:Kaharudin Datuk Rangkayo Basa.jpg
Gubernur Sumatera Barat ka-1
Maso jabatan
1958–1965
Digantian dek Saputro Brotodirejo
Data paribadi
Lahia 17 Januari 1906
Bendera Balando Maninjau, Agam, Sumatera Barat, Hindia Balando
Wafaik 1 April 1981 (umua 75)
Bendera Indonesia Padang, Sumatera Barat
Kabangsaan Bendera Indonesia Indonesia
Pasangan hiduik Mariah
Agamo Islam

Kaharudin Datuak Rangkayo Basa (lahia di Maninjau, Agam, Sumatera Barat, 17 Januari 1906 – maningga di Padang, Sumatera Barat, 1 April 1981 pado umua 75 taun) adolah surang parwira polisi Republik Indonesia jo pangkek tarakhia Komisaris Basa Polisi katiko manjabat Kapalo Kapolisian Sumatera Tangah[1] lalu kudian manjadi Gubernur Sumatera Barat nan partamo (1958-1965), sasudah propinsi Sumatera Tangah kudian dimekaran badasaran Undang-undang Darurat Republik Indonesia nomor 19 taun 1957.

Profil singkek[suntiang | suntiang sumber]

Kaharudin Datuak Rangkayo Basa adolah tamatan Opleidings School Voor Inlandsche Ambtenaren (OSVIA) (Sakola Pangreh-praja) di Fort de Kock (Bukittinggi) sadangkan bininyo Mariah nan dinikahinyo pado taun 1926 adolah tamatan Hollandsch Inlandsche School (HIS) (SD 7 taun) di Sigli Aceh.

Dalam pajalanan kariernyo baliau pernah manduduki jabatan mulai dari Asisten Damang, Asisten Wedana Polisi, Kapalo Polisi Padang Lua Kota, Kapalo Polisi Karasidenan Riau, Kapalo Polisi Kota Padang, Kapalo Polisi Provinsi Sumatera Tangah sarato Gubernur Kapalo Daerah Tingkek I Sumatera Barat.

Katiko manjadi Gubernur di Sumatera Barat, baliau maalami takanan barek karano munculnyo Pamarentahan Revolusioner Republik Indonesia (PRRI), di satu sisi sabagai wakil jo papanjangan tangan pamarentah pusek di daerah sadangkan disisi lain sabagai pamimpin pado wilayah nan masyarakaiknyo sadang bagajolak karano kaindak-puehan kapado pamarentah pusek.

Rujuak-an[suntiang | suntiang sumber]

  1. Marwati Djoened Poesponegoro, Nugroho Notosusanto, (1992), Sejarah nasional Indonesia: Jaman Jepang dan zaman Republik Indonesia, Jakarta: PT Balai Pustaka, ISBN 979-407-412-8.

Pautan lua[suntiang | suntiang sumber]

Didaului jo:
-
Gubernur Sumatera Barat
1958-1965
Digantian dek:
Saputro Brotodirejo