Lompat ke isi

Kuau rajo

Wikipedia Minangkabau - Lubuak aka tapian ilimu
Kuau Raja
Conservation status
Klasifikasi ilmiah
Kingdom: Animalia
Phylum: Chordata
Class: Aves
Order: Galliformes
Family: Phasianidae
Genus: Argusianus
Species: A. argus
Namo binomial
Argusianus argus
Linnaeus, 1766

Kuau rajo adolah buruang baukuran raksasa yang jarang didanga namonyo. Sang jantan baukuran sakitar 120 cm, sadang nan batino lebih ketek yaitu 60 cm.[1][2]

Kuau rajo marupoan fauna identitas Provinsi Sumatera Barat, mandampingi pohon andaleh (Morus macroura) nan alah disah an manjadi flora identitas.[3]

Meski baitu, banyak masyarakaik Sumatera Barat nan ndak tahu atau alun parnah maliek buruang ko. Padohal, di maso lalu, masyarakaik Minang sangaik mamujanyo dengan caro mamuncuaannyo lewat ungkapan atau pantun.[1]

Pado 15 Juli 2009, buruang ko diabadian dalam parangko seri "Burung Indonesia: Pusaka Hutan Sumatera", yang marupoan hasil karajo samo antaro Ditjen Pos dan Telekomunikasi, Departemen Kehutanan, jo Burung Indonesia.[1][3]

Kuau rajo punyo barek hinggo 10 kilogram. Salain dari ukurannyo nan gadang, ada ciek identitasnyo nan mudah untuak dikanali yaitu bulunyo bacorak bulek-bulek, mirip jo mato saranggo nan bawarna carah jo babintiak kaabu-abuan.[1][4]

Buruang ko punyo namo ilmiah khusus yaitu Argusianus argus. Dalam mitologi Yunani maknanyo adolah raksasa bamato saratuih dan dalam Bahaso Inggirih disabuik Great Argus.[1][2][5]

Buruang ko punyo ciri khas lainnyo yaitu tadapeknyo duo halai ikua nan panjangnyo hinggo ciek meter. Buruang ko ndak bisa tabang jauah, tapi punyo kamampuan balari sangaik hebaik. Buruang ko bisa pulo bapindah tampek dengan malompek ka dahan-dahan pohon.[1]

Kuau rajo mamiliki penciuman dan pandagaran nan sangat tajam sahingga sulik ditangkok. Kebiasaannyo adolah mambuek sarang di pamukaan tanah, tu makanannyo tadiri dari buah-buahan nan jatuah, biji-bijian, sipuik, samuik, jo babagai jenis saranggo.[1]

Kuau jantan punyo sifat soliter, sangaik teritorial, tu panganuik poligini (ciek jantan banyak batino). Jantan manunjuk an teritorinyo dengan mambarasiahan daerahnyo dari daun, rantiang, samak, atau batu, tu basuaro di areanyo pada pagi hari.[1]

Meski baitu, buruang ko punyo suaro nan maledak-ledak. Inyo mangalua an nado gando dengan bunyi: "ku-wau". Mungkin, dek itulah salah satu penyebabnya baa kok spesies ko diagiah namo kuau rajo. Bunyi suaronyo akan tadanga balik satiok jeda 15-30 datiak atau bahkan labiah dari tu.[1]

Di Indonesia, kuau rajo hanyo ado di Sumatera jo Kalimantan. Di dunia, pasebaran buruang ko ado di Thailand, Myanmar, Malaysia, tu Brunei Darussalam. Habitat nan disukai buruang ko adolah hutan primer di daratan randah hinggo katinggian 1.500 meter di ateh pamukaan lauik.[1]

Ancaman kapunahan[suntiang | suntiang sumber]

Ancaman tabarek bagi kalangsungan hiduik buruang ko adolah rusaknyo hutan akibaik pambalakan lia, kabakaran hutan, jo aliah fungsi hutan. Salain tu, paburuan lia untuk diambiak dagiang dan bulunyo nan rancak juo manjadi ancaman lainnyo.[3]

Walau alun dikatahui bara jumlah pasti satwa ko, tapi buruang ko dilindungi dek Peraturan Pemerintah Nomor 7 Tahun 1999, yang mano kuau rajo tamasuk salah satu daftar fauna dan flora Indonesia nan dilindungi.[3]

Pado 2011, sabuah organisasi zoolog nan mandalami ilmu buruang (ornithologist) internasional banamo Internasional Ornitholosts Union alah mamasuk an juo buruang ko ka dalam daftar buruang nan harus dilindungi.[3]

Kamudian, pado 26 November 2013, lembaga konservasi dunia, International Union for Conservation of Nature (IUCN) ikuik pulo mangalua an red list nan mamasuk an buruang ko dalam Appendix II Cites dengan status mandakati hampia punah.[3][6]

Logo Hari Pers Nasional 2018[suntiang | suntiang sumber]

Kuau rajo ditetapkan jadi logo Hari Pers Nasional 2018 yang mano Sumatera Barat manjadi tuan rumah acara tu. Alasannyo, buruang tu dinilai bisa mawakili simbol pers malalui suaronyo nan lantang.[7]

Di logo tu, kuau rajo digambar an babulu kambang sadang macik pena. Iko artinyo dinamika pers Indonesia saliang basinergi dalam kaanekargaman budaya jo kaindahan pasona wisata Indonesia, tamasuak Sumatera Barat.[8]

Rujukan[suntiang | suntiang sumber]

  1. a b c d e f g h i j "Kuau Raja, Sang Raja dengan Seratus Mata". Mongabay.co.id (dalam bahasa Inggris). 2014-09-15. Diakses tanggal 2022-05-15. 
  2. a b "Ini Kuau Raja, Burung Raksasa Sumatera dengan '100 Mata' Tersembunyi". kumparan (dalam bahasa Indonesia). Diakses tanggal 2022-05-15. 
  3. a b c d e f "Cantiknya Kuau Raja, Burung 'Seribu Mata' Penghuni Pulau Sumatra". merdeka.com (dalam bahasa Inggris). 2021-12-02. Diakses tanggal 2022-05-15. 
  4. "Mengenal Kuau Raja, Burung Eksotis Asal Sumatera yang Dianggap Bisa Deteksi Gempa". merdeka.com (dalam bahasa Inggris). 2020-10-12. Diakses tanggal 2022-05-15. 
  5. Kamis; Juli 2020, 09 Juli 2020 18:00 WIB 09; Wib, 18:00 (2020-07-09). "Kuau Raja, Burung Raksasa dengan Ratusan 'Mata '". indozone.id (dalam bahasa Indonesia). Diakses tanggal 2022-05-15. 
  6. Kristina. "9 Burung di Indonesia Ini Hampir Punah, Ada yang Pernah Tersisa 6 Ekor". detikedu (dalam bahasa Indonesia). Diakses tanggal 2022-05-15. 
  7. Agency, ANTARA News. "Burung Kuau Jadi Maskot HPN 2018". Antara News Sumbar. Diakses tanggal 2022-05-15. 
  8. Agency, ANTARA News. "HPN 2018-Menyigi Burung Kuau, Sang Raja yang Jadi Maskot". Antara News Sumbar. Diakses tanggal 2022-05-15.