Tribhuwanaraja
Sri Maharaja Srimat Tribhuwanaraja Mauliwarmadewa adolah namo rajo Bhumi Malayu nan bakuaso di Dharmasraya, nan tatulih pado Batu basurek Padang Roco (1286).[1] Tasabuiklah dalam batu basurek tu, baso Rajo Tribhuwanaraja ko jo rakyaiknyo dari kalangan brahmana, ksatria, waisya, jo sudra, sadonyo maraso sanang bana dek manarimo adiah patuang Paduka Amoghapasa dari Rajo Kartanagara, iyolah rajo Singhasari dari Bhumi Jawa.[1]
Adonyo patuang jo batu basurek nan dibao dek para bangsawan jo pajabaik tinggi Singhasari dari Jawa, dapek dipandang sabagai panagasan baso Dharmasraya lah jadi nagara bawahan (vasal) dari Singhasari; atau saindaknyo tajadi ubuangan pasakutuan nan sabana arek di antaro kaduonyo.[2]
Sijarawan Coedes mampakiroan baso Rajo Tribhuwanaraja ko ado ubuangannyo jo ciek rajo tadaulu nan banamo ampia samo, iyolah Rajo Srimat Trailokyaraja Maulibhusana Warmadewa, nan namonyo lai tatulih pado Batu basurek Grahi (1183) di Thailand.[3]
Caliak pulo[suntiang | suntiang sumber]
Rujuakan[suntiang | suntiang sumber]
- ↑ a b Andaya, Leonard Y. (2008). Leaves of the Same Tree: Trade and Ethnicity in the Straits of Melaka. University of Hawaii Press. pp. 59. ISBN 9780824831899. https://books.google.co.id/books?id=w7AqZR1ZUZgC&pg=PA59&dq=Srimat+Tribhuwanaraja&hl=en&sa=X&ved=0ahUKEwjKjdTapePWAhWLQpQKHc3GDUgQuwUIOzAD#v=onepage&q=Srimat%20Tribhuwanaraja&f=false.
- ↑ de Josselin de Jong, P. E. (1980). Minangkabau and Negri Sembilan: Socio-Political Structure in Indonesia. Den Haag: Martinus Nijhoff. pp. 97. ISBN 9789400981980. https://books.google.co.id/books?id=5vb1CAAAQBAJ&pg=PA97&dq=Tribhuwanaraja&hl=en&sa=X&ved=0ahUKEwj2_oyftePWAhWHnJQKHStpA-MQuwUIYDAI#v=onepage&q=Tribhuwanaraja&f=false.
- ↑ Kozok, Uli (2015). A 14th Century Malay Code of Laws: The Nitisarasamuccaya. Singapore: Institute of Southeast Asian Studies. pp. 28. ISBN 9789814459747. https://books.google.co.id/books?id=35lqBgAAQBAJ&pg=PA28&dq=Srimat+Tribhuwanaraja&hl=en&sa=X&ved=0ahUKEwjKjdTapePWAhWLQpQKHc3GDUgQuwUINjAC#v=onepage&q=Srimat%20Tribhuwanaraja&f=false.
 |
Iko baru laman rancangan. Bantulah Wikipedia untuak mangambangannyo. |