Basi

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Basi adolah unsua kimia basimbol Fe jo banomor atom 26. Basi banyak dipakai pado kasaharian, mulai dari mineral dalam badan, alaik-alaik di rumah, industri, transportasi sampai ka parakoan bangunan. Isotop basi nan paliang banyak jo stabil adolah Basi-56, salain itu ado pulo isotop-isotop stabil lainnyo bantuak Basi-54, Basi-57, jo Basi-58.

Basi dalam Kasaharian[suntiang | suntiang sumber]

Alaik makan jo masak[suntiang | suntiang sumber]

Sanduak bouillon
Pisau

Sanduak, garapu, pisau, jo alaik-alaik dapua lainnyo banyak dibuek dek bahan dasa baja antikarek. Pambuekan alaik-alaik dapua dari basi iko bamulo dari zaman basi sakita 2300 tahun nan lalu.

Pandai Basi[suntiang | suntiang sumber]

Karajinan Pandai Basi di Sungai Pua, Agam

Proses pambuatan kerajian pandai basi dilakukan masyarakaik sacaro tradisional, nan partamo mamiliah bahan baku basi dan manantuan alaik nan akan dibuek. Salanjuiknyo mamanggang batu baro ditungku pambakaran, satalah batu baro dipanggang, salanjuiknyo manapo basi. Manapo ko adolah proses mambantuak basi manjadi barang yang diinginkan dengan manggunoan basi tapo atau martil. Manapo dikarajoan pado saat basi sadang angek-angeknyo bawarna merah tarang, siap manapo dikarajoan pengrajin manyapuah basi. Manyapuah adolah proses pamadekan atau pambarian efek kareh pado material basi, sahinggo pado saat panggunoanyo basi dapek tahan lamo dan indak mudah patah, manyapuah dikarajoan jo caro mamanggang ulang basi yang alah ditapo, salanjuiknyo basi nan alah angek tadi, dimasuakan ka dalam aia dingin/oli, pandinginan ikolah nan mambuek basi labiah kareh. Langkah proses salanjuiknyo manggarinda, manggarinda batujuan untuak mampaaluih bahagian-bahagian yang kasa pado basi yang alah dibantuak tadi, atau marapian bahagian yang kurang barasiah pado basi. Tahap panyalasaian iyolah maasah, maasah adolah proses panajaman.

Sanjato[suntiang | suntiang sumber]

Kurambiak basi

Kurambiak adolah salah satu sanjato nan babahan dasa basi. Biasonyo kurambiak dibuek dek pandai basi dari basi tuo nan dilabua lai, lalu batampoan sampai manajam jo malangkuang. Kurambiak babantuak pisau ketek malangkuang, panjang sakita 13–18 cm, dan pado pado gagangnyo ado lubang untuak talunjuak mangganggam.[3][4] Kurambiak dirancang malangkuang sarupo kuku arimau,[5] kok manganai lawan dapek mambuek luko sayatan fatal dek urek atau usuih ka putuih tacabiak.[3][5]

Caliak[suntiang | suntiang sumber]

  1. Demazeau, G.; Buffat, B.; Pouchard, M.; Hagenmuller, P. (1982). "Recent developments in the field of high oxidation states of transition elements in oxides stabilization of Six-coordinated Iron(V)". Zeitschrift für anorganische und allgemeine Chemie 491: 60. doi:10.1002/zaac.19824910109. 
  2. Ram, R. S. and Bernath, P. F. (2003). "Fourier transform emission spectroscopy of the g4Δ-a4Δ system of FeCl". Journal of Molecular Spectroscopy 221 (2): 261. doi:10.1016/S0022-2852(03)00225-X. Bibcode2003JMoSp.221..261R. http://bernath.uwaterloo.ca/media/266.pdf. 
  3. a b Kutipan rusak: Tag <ref> indak sah; indak ado teks untuak ref banamo Haluan
  4. Kutipan rusak: Tag <ref> indak sah; indak ado teks untuak ref banamo STDB
  5. a b Kutipan rusak: Tag <ref> indak sah; indak ado teks untuak ref banamo BeritaSumbar

Templat:Tabel periodik