Ambu-ambu

Wikipedia Minangkabau - Lubuak aka tapian ilimu

Ambu-ambu (Euthynnus affinis) adolah sajinih lauak lauik dari suku Scombridae. Tautamo manjalajah di parairan dangka dakek pasisia di kawasan Indo-Pasifik Barat, ambu-ambu marupakan salah satu janih lauak tangkopan nan pantiang bagi nalayan. Dalam padagangan internasional dikana sabagai kawakawa, little tuna, mackerel tuna, atau false albacore.

Panganalan[suntiang | suntiang sumber]

lauak nan baukuran sadang; panjang maksimum sakitar 100 cm FL (fork length), namun umumnyo hanyo sakitar 60 cm. Pungguang bawarna biru galok metalik, jo pola coret-coret miriang nan rumik mulai dari patangahan sirip pungguang patamo ka balakang; sisi badan dan paruik putiah keperakan, jo barcak-barcak khas bawarna galok di antaro sirip dado jo sirip paruik, nan indak salalu ado. Tanpo sisiak, kacuali di wilayah corselet dan gurek sisi.

Gigi-gigi ketek dan mengerucut, dalam satu baris. Sisir saring bajumlah 29-34 pado lengkung insang nan patamo. Sirip pungguang patamo dengan XI sampai XIV jari-jari keras (duri), terpisahkan dari sirip punggung kedua hanya oleh suatu celah sempit, nan labiah sempit daripada lebar mata. Duri-duri di awal sirip punggung patamo jauh labiah panjang daripada duri-duri di belakangnya, mambuek tepi ateh sirip depan iko melengkung dalam. Sirip dada pendek, ujungnya indak mancapai celah di antaro kaduo sirip punggung. Terdapat dua tonjolan (flaps) di antara kedua sirip perut. Sirip-sirip ketek (finlet) 8-10 buah di belakang sirip punggung kedua, dan 6-8 buah di belakang sirip dubur.

Agihan dan kabiasaan[suntiang | suntiang sumber]

Ambu-ambu como manyebar lueh di parairan hangek di kawasan Indo-Pasifik Barat, yoitu wilayah Samudera Hindia mulai dari pasisia timur Afrika Salatan, Somalia, Lauik Merah, Lauik Arab, taruih ka arah timur ka pasisia anak-banua India, pasisia jo lauik-lauik padalaman di Asia Tenggaro jo Nusantara, pantai barat Australia; hinggo manyabarang ka sisi barat Samudera Pasifik, ka utara sampai ka parairan Japang bagian selatan, ka selatan sampai ka pasisia timur Austraila, saro ka timur di kapulauan-kapulauan Pasifik hinggo Hawaii dan Kapulauan Marquesas.

Lauak iko basifek epipelagis jo neritik, manjalajahi parairan-parairan tabuka basuhu 18°-29 °C. Sabagaimano tuna nan lain, janih iko acok manggarombol dalam campuran babagai janih lauak jo ukuran tubuh nan samo. Misalnyo jo Thunnus albacares nan ketek, Katsuwonus pelamis, Auxis sp., dan juo Megalaspis cordyla, dalam kumpuan nan tadiri dari 100 hinggo labiah dari 5.000 ikua lauak.

Ambu-ambu como indak mamiliah-miliah mangso; makanannyo tadiri dari udang, dunsanak cumi-cumi jo sotong, sarto aneka janih lauak. Pado gilirannyo, ambu-ambu dimangso jo setuhuak jo cucuik.

Musim bapijah ambu-ambu bavariasi dari satu tampek ka tampek lain. Di pasisia Afrika timur balangsuang antaro bulan Januari hinggo Juli; di Filipina tacatat antaro Maret-Mei; di Indonesia antaro Agustus-Oktober, dan di Kapulauan Seychelles antaro Oktober-Mei.

Pranala lua[suntiang | suntiang sumber]