Java

Wikipedia Minangkabau - Lubuak aka tapian ilimu

Java adolah bahaso pamrograman nan dapek dijalankan di babagai komputer tamasuak talepon ganggam. Bahaso iko awalnyo dibuek dek James Gosling katiko masih bagabuang di Sun Microsystems nan kini marupokan bagian dari Oracle dan dirilih taun 1995. Bahaso iko banyak mangadopsi sintaksis nan tadapek pado C jo C++ namun jo sintaksis model objek nan labiah saderhana sarato dukuangan rutin-rutin aras bawah nan minimal. Aplikasi-aplikasi babasis java umumnyo dikompilasi ka dalam p-code (bytecode) dan dapek dijalankan pada babagai Masin Virtual Java (JVM). Java marupokan bahaso pamrograman nan basipek umum/non-spesifik (general purpose), dan sacaro khusus didisain untuak mamanfaatkan dependensi implementasi saminimal mungkin. Karano fungsionalitasnyo nan mamungkinkan aplikasi java mampu bajalan di banyak platform sistem operasi nan babedo, java dikanal pulo jo slogannyo, "Tulih sakali, jalankan di mano pun". Kini java marupokan bahaso pamrograman paliang populer digunokan, dan sacaro lueh dimanfaatkan dalam pangambangan babagai janih parangkek lunak aplikasi ataupun aplikasi