California

Wikipedia Minangkabau - Lubuak aka tapian ilimu
Bandera California

California adolah sabuah nagara bagian di Amerika Sarikat bagian barat. California babateh dangan Oregon di utaro, Nevada dan Arizona di timur, nagara bagian Baja California di Meksiko ka arah salatan; dan punyo garih pantai sapanjang Samudra Pasifik ka arah barat. Dangan jumlah panduduak lobiah dari 39,2 juta jiwa[1] dalam wilayah dangan total area sakitar 163.696 mil parsagi (423.970 km2), California marupokan nagara bagian Amerika Sarikat nan tapadak manuruik kapadatan panduduak dan tabosegh katigo badasarkan wilayah. California morupokan juo entitas subnasional tapadek di Amerika Utaro dan ka-34 tapadek di dunia. Wilayah Greater Los Angeles dan Wilayah Taluak San Francisco marupokan wilayah parkotaan tapadek kaduo dan kalimo di Amerika Sarikat, dangan Wilayah Greater Los Angeles punyo panduduak lobiah dari 18,7 juta jiwa dan Wilayah Teluk San Francisco punyo panduduak lobiah dari 9,6 juta jiwa.[2] Sacramento iyolah ibu kota California, sadangkan Los Angeles adolah kota tapadek di California dan kota tapadek kaduo di Amerika Sarikat (satalah New York City). Kabupaten Los Angeles adolah kabupaten tapadek di California, sadangkan Kabupaten San Bernardino adolah kabupaten tabosegh badasarkan wilayah di Amerika Sarikat (Alaska punyo babarapo subdivisi nan lobiah bosegh, bilo subdivisi tasabuik indak disabuik kabupaten (county), namun disabuik sektor (borough)). San Francisco, nan marupokan sabuah kota sakaligus kabupaten, adolah kota bosegh tapadek kaduo di Amerika Sarikat (satalah New York City) dan kabupaten tapadek kalimo di Amerika Sarikat, di bawah ampek dari limo borough New York City.

Rujuakan[suntiang | suntiang sumber]

  1. Accessed June 12, 2022
  2. "American FactFinder—Results". factfinder.census.gov. Biro Sensus Amerika serikat. Diarsipkan dari versi asli tanggal 9 Mei 2022. Diakses tanggal 9 Mei 2022.