Wikipedia:Kabijakan jo padoman
(Dialiahkan dari Wikipedia:Kabijakan jo Padoman)
Iko adolah kabijakan jo padoman nan balaku di Wikipedia bahaso Minang.
Aturan-aturan dasa
[suntiang sumber]- Pantiang: Wikipedia:Tonggak nan limo
Sanak indak musti pulo do mambaco sadoalah kabijakan Wikipedia sabalun bakontribusi. Namun barikuik marupokan tonggak nan limo Wikipedia nan manjadi pokok-pokok aturan nan musti Sanak turuiki:
- Wikipedia adolah sabuah lubuak aka
- Lubuak aka (ensiklopedia) manjadi satu-satunyo tujuan lahianyo Wikipedia, dan bahan-bahan tulisan nan di lua tujuan ko musti bapindahan ka proyek Wikimedia lainnyo atau dihapuih kok indak bisa. (Caliak: Wikipedia bukanlah...)
- Suduik pandang Wikipedia basipaik indak mamihak
- Sadoalah artikel dalam Wikipedia mustilah mamuek labiah dari ciek suduik padang.
- Isi Wikipedia basipaik lapeh
- Satiok artikel buliah dibuek sarato disuntiang siapo sajo salamo indak malangga hak cipta atau mamakai karya urang jo indak baizin.
- Satiok urang perai untuak manyebalawehannyo.
- Pangguno Wikipedia handaknyo bataratik dalam manyuntiang
- Haragoilah sasamo pangguno sakalipun babeda pandapaik, tanamkan sipaik tabukak ka pangguno lain.
- Jan tababani dek aturan
- Jan ragu mambuek, manyuntiang, mamindahan, jo maubah artikel!
- Lai ado riwayaik suntiangan sabalunnyo, jadi jan cameh kok Sanak indak singajo mangacau katiko mambuek artikel!
Baa aturan tabantuak
[suntiang sumber]Kabijakan jo padoman nan balaku di Wikipedia bahaso Minangkabu barasa dari :
- Jimmy Wales, parancang proyek ko khususnyo tantang hak cipta jo aturan-aturan legal.
- Aturan-aturan diadopsi dari Wikipedia bahaso Inggirih sabagai patokan utamo wikipedia sagalo bahaso.
- Aturan-aturan diadopsi juo dari Wikipedia bahaso Indonesia sabagai patokan utamo wikipedia di Indonesia.
- Konsensus nan dicapai dari sasamo komunitas Wikipedia bahaso Minangkabau ko.
- Proposal-proposal nan diajuan. (caliak Wikipedia:Pamohonan pandapaik).