Urduja
Urduja (k. 1350–1400 M) adolah namo surang puteri rajo nan pandai baparang, anak dari rajo Tawalisi.[1] Namo putri ko tasabuik dalam kitab Ar-Rihlah karangan patualang bangsa Arab asa Maroko, Ibnu Batutah.[1]
Catatan Ar-Rihlah
[suntiang | suntiang sumber]Dalam kitab Ar-Rihlah tasabuik baso satalah ka Samudera Pasai jo Jawa,[2][3] kapa Ibnu Batutah jo rombongannyo singgah ka Tawalisi,[1][4] sabuah tampek nan dipakiroan barado di Lauik Cino Salatan.[2] Rajo Tawalisi punyo sabana banyak parau jung, nan dipakainyo untuak parang malawan sarangan dari rajo Cino, inggo tacapai padamaian antaro kaduonyo.[4] Banda palabuahan Tawalisi banamo Kaylukari, nan adolah salah satu kota gadang di karajaan ko.[1][4]
Banda palabuahan Kaylukari barado di bawah kakuasoan putri rajo Tawalisi, iyolah Urduja.[1][2][4] Putri ko pandai baparang, manunggang kudo,[3] sarato punyo pasukan jo panasihaik nan tadiri dari urang-urang padusi.[1][2][4] Sasuai jo adaik kabiasoan karajaan tu, inyo pun maundang Ibnu Batutah jo rombongannyo untuak turun dari kapa jo datang ka jamuan makan basamo.[1][2][4] Dalam patamuan nan tajadi, Urduja bacakap ka Ibnu Batutah mamakai bahaso Turki.[1][3][4] Putri banyak batanyo manganai kaadoan tampek-tampek nan lah dikunjuangi dek Ibnu Batutah sabalunnyo.[1][2][4]
Ibnu Batutah manulih baso nyo mandapek banyak adiah dari putri ko sabalun malanjuikan balayia ka Cino, nan antaro lain barupo jubah, bareh sabanyak duo pikua gajah, duo kabau, sapuluah kambiang, ampek paun sirup, sarato ampek guci gadang sipadeh, marica, limau, jo mangga nan kasadonyo lah diasinan.[1][4]
Pandangan kritis
[suntiang | suntiang sumber]Para ahli alun samo bapandapek di ma bana lataknyo Tawalisi to, sarato antah batua antah indak curito Ibnu Batutah tantang Urduja.[2] Manuruik Ibnu Batutah, antaro Tawalisi jo Cino kok ditampuah jo balayia ka mamakan wakatu salamo tujuah baleh ari.[1][4] Dek karano tu banyak pandapek manganai di ma tampek Tawalisi tu barado, ado nan manyangko di Pilipina, Malaysia Timua, di Kalimantan Utara, Sulawesi Utara, Indocino, atau Cino Salatan.[3][4][5][6] Salain itu ado pulo ahli nan bapandapek baso curito tu adolah legenda abaik patangahan sajo, sarupo curito Saribu Satu Malam.[2][3]
Pado akia abaik ka-19, Putri Urduja jo Tawalisi mulai dipandang jo dipromosikan dek sajarawan Pilipina (antaro lain dek Jose Rizal, A.B. Meyer, jo Austin Craig) sabagai pahlawan padusi nan baasa dari Pangasinan di Pulau Luzon, Pilipina Utara.[3][5] Kadiaman gubernur Pangasinan dinamoan Urduja House (rumah Urduja).[7]
Budaya moderen
[suntiang | suntiang sumber]Legenda putri ko alah babarapo kali diangkek sabagai tema pilem di Pilipina, antaro lain:
- Princess Urduja (Putri Urduja) adolah namo pilem petualangan nan dibuek taun 1942[8]
- Urduja adolah namo pilem animasi nan dibuek taun 2008[9]
Rujuakan
[suntiang | suntiang sumber]- ↑ a b c d e f g h i j k Ibn Batutta, Gibb, H.A.R. (2004). Travels in Asia and Africa: 1325-1354. London: Routledge. pp. 279-281. ISBN 9781134285631. https://books.google.co.id/books?id=HnC3AwAAQBAJ&pg=PA279&dq=Urduja+Ibn+Battuta&hl=en&sa=X&ved=0ahUKEwjl4vulsanXAhVJNpQKHSNaA3E4ChC7BQgnMAA#v=onepage&q=Urduja%20Ibn%20Battuta&f=false.
- ↑ a b c d e f g h Waines, David (2012). The Odyssey of Ibn Battuta: Uncommon Tales of a Medieval Adventurer. I.B.Tauris. ISBN 9780857730657. https://books.google.co.id/books?id=NqH3AgAAQBAJ&pg=PP179&dq=Urduja+Ibn+Battuta&hl=en&sa=X&ved=0ahUKEwirorStsKnXAhWEpZQKHeYcCY4QuwUIKzAA#v=onepage&q=Urduja%20Ibn%20Battuta&f=false.
- ↑ a b c d e f Potet, Jean-Paul G. (2013). Arabic and Persian Loanwords in Tagalog. Raleigh, NC: Lulu Press, Inc.. pp. 33-34, 371-376. ISBN 978-1-291-45726-1. https://books.google.co.id/books?id=1i-bBQAAQBAJ&pg=PA376&dq=Urduja+Ibn+Battuta&hl=en&sa=X&ved=0ahUKEwirorStsKnXAhWEpZQKHeYcCY4QuwUIMTAB#v=onepage&q=Urduja%20Ibn%20Battuta&f=false.
- ↑ a b c d e f g h i j k Yule, Henry (1866). Cathay and the way thither: being a collection of medieval notices of China, Volume 2. London: Hakluyt Society. pp. 473-477. https://books.google.co.id/books?id=ew1DAAAAcAAJ&pg=PA474&dq=Urduja&hl=en&sa=X&ved=0ahUKEwj2w4j_xqnXAhXBmZQKHd6yCqw4HhC7BQgsMAE#v=onepage&q=Urduja&f=false.
- ↑ a b Scott, William Henry (1968). A Critical Study of the Prehispanic Source Materials for the Study of Philippine History. University of Santo Tomas Press. pp. 82. https://books.google.co.id/books?id=QmgKAQAAIAAJ&q=urduja+celebes&dq=urduja+celebes&hl=en&sa=X&ved=0ahUKEwi4mNOv9anXAhWJEpQKHXSZBHMQ6AEIMzAD.
- ↑ University of Pangasinan, Dagupan Colleges (1970). The Researcher, Volume 2, Issue 2. Dagupan Colleges. pp. 146. https://books.google.co.id/books?id=5c3_QiLW50EC&q=urduja+borneo&dq=urduja+borneo&hl=en&sa=X&ved=0ahUKEwjU_8Dt9qnXAhUCsJQKHdH4BtkQ6AEINzAE.
- ↑ Visperas, Eva (23 Januari 2015). Revisiting the land of Urduja. Copyright © 2012. Philstar Global Corp. All Rights Reserved.
- ↑ "Princesa Urduja". IMDb. Diakses tanggal 2009-10-07.
- ↑ "Philippine Entertainment Portal | Movies | Regine Velasquez gives voice to Princess Urduja in first-ever Filipino animation film". Diarsipkan dari versi asli tanggal 2009-09-07. Diakses tanggal 2017-11-06.