Urang Antandroi
| Total populasi | |
|---|---|
| 600.000 | |
| Kawasan jo populasi nan signifikan | |
| Madagaskar | |
| Bahaso | |
| Malagasi (dialek Antanroi) | |
| Agamo | |
| Agamo tradisional, Kristen (Lutheran) | |
| Kalompok etnis takaik | |
| Urang-urang Malagasi lainnyo, Urang-urang Austronesia lainnyo |
Urang Antanroi (Malagas: Antandroy, atau biaso pulo disabuik Tandroy) adolah kalompok etnik nomaden di Madagaskar nan bamukim di wilayah kariang di sabalah salatan Pulau Madagaskar nan disabuik Anroi. Urang Antanroi mampunyoi pitarah nan baasa dari Afrika Timur. Pado abaik ka-17, Antanroi dibantuak dari panggabungan kaduo kalompok basa nan diparintah Dinasti Zafimaniri sampai takanai bah nan mambuek pamarintahan runtuh pado tahun 1790. Tanah jo iklim Tandroi nan sulik mambuek Urang Antanroi takuruang dari urang-urang lain di Madagaskar, mambuek Urang Antanroi sulik dikuasoi Karajoan Imerina pado abaik ka-19. Sajak merdeka, hiduik Urang Antanroi nan sabana sulik mambuek urang-urang iko marantau dan bakawin jo kalompok etnik nan lain. Kalompok iko punyo paranan kuek dalam membuek protes nan mangakhiri pamarintahan Presiden Philibert Tsirananan, pado tahun 1972.
Namo Antanroi baarti "urang-urang samak baduri" nan marujuak ka tanaman samak baduri nan marupoan tanaman endemik di wilayah Barat Dayo Magaskar.[1] Urang Antanroi banyak bamukim di Anroi, nan talatak di antaro Amboasara jo Beloha dan antaro lauik jo Bekili; pamukiman Antandroi tapusek di Ambovombe. Rupo Urang Antandroi labiah mirip Urang Afrika Timur daripado Urang Austronesia.[1] Urang Antanroi adolah katurunan dari Urang Sakalava.[2]
Sakironyo, ado 600.000 Urang Antanroi pado tahun 2013.[3] Urang Antanroi adolah kalompok etnik paliang banyak kalimo di Madagaskar.[4]
Rujuakan[suntiang | suntiang sumber]
- ↑ a b Bradt & Austin 2007, hlm. 24.
- ↑ Olson 1996, hlm. 32.
- ↑ Diagram Group 2013.
- ↑ Fage, Crowder & Oliver 1984, hlm. 686.
| Panduduak asali |  | |
|---|---|---|
| Pandatang | ||
Caliak pulo: Vazimba | ||
