Urang Antambahoaka

Urang Antambahoaka
Antambahoaka

Total populasi
50.000 (2013)
Kawasan jo populasi nan signifikan
Madagaskar
Bahaso
Malagasi
Kalompok etnis takaik
Urang-urang Malagasi lainnyo, urang-urang Austronesia lainnyo

Urang Antambahoaka adolah kalompok etnik di Madagaskar dangan jumlah paling ketek, bajumlah sakiro 50.000 pado tahun 2013. Urang Antambahoaka bamukim di wilayah ketek di pasisi tinggaro Madagaskar dakek Mananjar jo sabagian baniniak moyang Arab bantuak Urang Antaimoro. Urang Antambahoaka bapacah dari Urang Antaimoro pado abaik ka-15 di bawah pamimpin suku banamo Ravalarivo. Asa usua nan dikatahui saalah pambantuakan kalompok baru iko sabana ketek. Urang Antambahoaka mangecek dialek dari Bahaso Malagasi, bahaso nan tamasuak ka dalam Kalompok Bahaso Barito, kalompok bahaso nan banyak tadapek di Kalimantan Salatan.

Asa usua

Urang Antambahoaka adolah kalompok etnik dangan jumlah paling ketek, sakironyo hanyo ado 50.000 urang pado tahun 2013. Bantuak Urang Antaimoro, Urang Antambahoaka adolah katurunan Arab dan punyo rupo fisik bantuak Urang Arab. Koto dangan pamukim Antambahoaka tabanyak adolah Mananjar (Mananjary), nan talatak di pasisi tinggaro.

Urang Antambahoaka dikana dek baralek Sambatra, baralek sunek nan balansuangan 7 tahun sakali. Baralek iko alah manjadi rujuakan dari duo filem pendek nan dibuek tahun 2008 jo 2010. Masyarakaik Antambahoaka sabana homogen dangan jumlah migrasi dari lua nan ketek dan punyo budayo nan kuek taraso. Patriarki dan kapacayoan kapado larangan (fady) adolah dasa daripado tatanan sosial Antambahoaka. Ado larangan dari maso lampau nan manolak adonyo urang kamba dan mambunuah salah satunyo saalah balahiaan atau dibiaan mati surang di hutan. Kalompok HAM dan pamarintah Madagaskar mambuek palinduangan untuak kaluago baanak kamba jo mangilangan adaik iko.