Tuanku Nan Tuo
| Biografi | |
|---|---|
| Lahia | 1723  Ampek Angkek |
| Kamatian | 1830 (106/107 tahun (id) terjemahkan) |
| Kalompok etnis | Urang Minangkabau |
| Agamo | Islam |
| Kagiatan | |
| Karajo | Imam |
Murid dari (id)  | Tuanku Mansiangan Nan Tuo (id) jo Abdoel Aziz Toeankoe Nan Ketjil (id) |
| Kaluarga | |
| Anak | Jalaluddin Faqih Shaghir (id) |
Tuanku Nan Tuo adolah salah surang ulama Minangkabau nan takamuko. Baliau dikana sabagai ulama nan moderet, nan banyak malangsuangkan pambaharuan sarato pamurnian Islam di kawasan Agam, Sumatera Barat. Salain sabagai surang sufi, Tuanku Nan Tuo dikana sabagai tokoh nan cukuik bapangaruh dalam kelahiran kaum padri. Namun, baliau indak satuju jo pandangan radikal golongan Padri nan dikapaloi oleh Tuanku Nan Renceh, salah surang muriknyo.
Kahidupan
[suntiang | suntiang sumber]Tuanku Nan Tuo lahia di Koto Tuo, Ampek Angkek, Agam, Sumatera Barat, pado tahun 1723 dan maningga tahun 1830 (pado umua 107 tahun). Di maso mudonyo, baliau salah surang remaja nan basamangek dalam manimba ilmu-ilmu agamo. Hampia kasaluruhan cabang ilmu agamo baliau kuasai. Baliau balatih ilmu agamo dari Tuanku Mansiangan Nan Tuo di Paninjauan, Tanah Datar. Mandapek ilmu mantiq dan ma'ani dari Tuanku Nan Kaciak di Koto Gadang, Agam, mandalami ilmu sharaf dari Tuanku di Talang, ilmu nahwu dari Tuanku di Salayo sarato ilmu hadis tafsir dan faraidh dari Tuanku di Sumanik.[1]
Pado tahun 1784, Tuanku Nan Tuo manjadi pamimpin surau Tarekat Syattariyah di Koto Tuo, Ampek Angkek, Agam. Katiko manjadi pamimpin surau, baliau sukses manarik ribuan murid dari nagari-nagari di sakaliliangnyo. Salah ciek muridnyo nan cukuik cadiak iolah Haji Miskin, nan ikuik basamonyo dalam menyebarkan syariat Islam di kawasan Agam. Salain tu, babarapo muridnyo nan malangsuangkan usahonyo dalam mananamkan syariat Islam di Minangkabau iolah Jalaluddin gelar Fakih Shagir nan mandatangkan surau di Candung Koto Laweh, Agam. Kamudian, Tuanku Bandaro di Alahan Panjang, malangsuangkan pambaharuan di Bonjol basamo Tuanku Imam Bonjol, Tuanku Rao di Rao, mangambik alih pimpinan nagari dan berdakwah di tanah kalahirannyo, sarato Saidi Muning bergelar Tuanku Lintau berdakwah di Lintau, Tanah Datar.
Pandidikan lainyo di surau Tuanku Nan Tuo iolah ilmu bela diri pencak silat. Ilmu ko diberikan supayo satiok murid pandai dan mampu mamakai sanjato di area laga. Berkat usahonyo, manyongsong tahun 1790-an di daerah Ampek Angkek, Agam banyak ditamui kemajuan gadang dalam panataan urusan dagang. Sajak maso tu, baliau dikana sabagai "palinduang paro padagang".[2]
Katurunan
[suntiang | suntiang sumber]Tuanku Nan Tuo marupokan atuak dari Syeikh Muhammad Amrullah Tuanku Abdullah Saleh ( Ayah dari Abdul Karim Amrullah, dan atuak dari Hamka) nan dikana sabagai ulama takamuko.