Tuanku Lintau

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Tuanku Lintau (1740-1832) adolah saorang ulama gadang dari Lintau, namo asli beliau adolah Saidi Muning, anak dari panghulu nan bagala Datuk Sinaro Basa.[1]

Pandidikan[suntiang | suntiang sumber]

Tuangku Lintau pernah baraja di Koto Tuo, dan malanjuik an baraja ka Natal dan Pasaman. satalah salasai baraja di Natal, pado tahun 1813 baliau mandirikan surau di Pasaman, beliau mamimpin salah satu surau nan ado di Pasaman, sahinggonyo baliau dipangia Tuanku Pasaman.[1]

Misi[suntiang | suntiang sumber]

Tuanku Lintau pulang ka kampuang halaman untuyak manyalasaian misinyo, yaitu maubah parangai jo mampaelok moral masyarakaiak. dalam wakatu singkek tuanku Lintau bisa mangumpuan banyak hulubalang nan barsal dari murid-murid Tuanku Halaban. muningsyah, rajo Pagaruyuang, indak manantang gerakan Tuanku Lintau dalam manjalankan misinyo. Tapi masyarakaik kampuang-kampuang nan dakek jo Pagaruyuang, tak mau tau jo kahidupan, sampai-sampai manunjukan pamusuhan, sahinggonyo tumbul partantangan jo Masyarakaik.[1]

Tuanku Lintau dapek mampalaweh administrasi Padri, karano dukungan hulubalangnyo. Di daerah bukik sabalah timur Lintau, sistim padri ditarimo sacaro elok. Sahubungan jo itu, dasar-dasar ekonomi dan politik Karajaan Pagaruyuang hancua. kaluarga kerajaan bausaho untuak manyalamaik an diri jo caro kambali ka sakutu lamo, yaitu Belanda. Sadonyo nagari nan talatak pado jalur Koto Piliang, ka pantai barat, ikuik manandotangani pajanjian jo Balando pado tahun 1819. Mulai sajak itu Gerakan Pemabaharuan Padri berhadapan jo Belanda yang kamudian barubah manjadi Parang Padri.[1]

Rujuakan[suntiang | suntiang sumber]

  1. a b c d Nain, Sjafnir abou. "Tuanku Imam Bonjol, Sejarah Intelektual Islam di Minangkabau". 2008. padang : ESA Padang.