Tuanku Nan Renceh

Dari Wikipedia baso Minang, ensiklopedia bebas
Loncat ke navigasi Loncat ke pencarian
Tuanku Nan Renceh
Makam Tuanku Nan Renceh.jpg
Makam Tuanku Nan Renceh di Kamang Mudik, Kamang Magek, Agam
Lahia Abdullah
1780
Bendera Karajaan Pagaruyuang Nagari Kamang, Minangkabau
Wafaik Bendera Karajaan Pagaruyuang Minangkabau
Kabangsaan Bendera Karajaan Pagaruyuang Minangkabau
Karajo Ulama
Dikana dek - Pajuang anti panjajahan
- Pamimpin kaum Pidari
Agamo Islam

Tuanku Nan Renceh adolah salah surang ulama, pamimpin sarato pajuang nan baparang malawan panjajahan Balando dalam paparangan nan dikana jo namo Parang Pidari dari taun 1803-1838. Indak banyak dikataui data manganai tokoh ko, salain surang figur karismatik, baliau dikana pulo kareh dalam managak-an syariat Islam. Sadangkan manuruik catatan Balando, tokoh ko adolah sosok antagonis, sarato dianggap batangguang jawab ateh adanyo tindakan kakarasan di Dataran Tinggi Padang.

Namo asli dari Tuanku Nan Renceh adolah Abdullah. Baliau laia di Nagari Kamang pado taun 1780 dan maningga dunia dalam parang Pidari. Baliau adolah murik dari Tuanku Nan Tuo.[1] Baliau kudian manjadi guru nan banyak malahiaan pajuang parang Pidari.

Kadatangan tigo urang haji dari Makkah taun 1803 mailhami Tuanku Nan Renceh, lalu kudian mulai mangumandangan jihad ateh sagalo bid'ah di Minangkabau.[1] Ide-ide pambaharuan nan ditarapan Tuanku Nan Renceh kapado parubahan kabiasaan masyarakaik tamasuak model sistem adaik matrilineal mandapek tantangan dari para panghulu pado babarapo nagari di Minangkabau sahinggo kudian malahiaan garakan Pidari malalui pandakatan konflik.[2]

Rujuakan[suntiang | suntiang sumber]

  1. a b Azra, A., (2004), The Origins of Islamic Reformism in Southeast Asia: Networks of Malay-Indonesian and Middle Eastern 'Ulamā' in the Seventeenth and Eighteenth Centuries, University of Hawaii Press, ISBN 0824828488.
  2. Susanto, B., Ge(mer)lap Nasionalitas Postkolonial, Kanisius, ISBN 9792119817.