Triarga TV
Triarga TV marupokan stasiun televisi swasta lokal nan ado di Bukiktinggi, Sumatra Barat. Di bawah pangalolaan PT Triarga Media Televisi, stasiun televisi ko tacatek pernah basi'a di kanal 56 (limo puluah anam) UHF (analog) dengan cakupan siaran manjangkau Bukiktinggi, Padang Panjang,[1] Limo Puluah Koto, Agam, Payakumbuah, Solok, Padang Pariaman, sabagian Padang dan sakitanyo bakakuatan pamanca 1 kW. Ditambah dengan rincano paluasan ka Sawahlunto, Dharmasraya jo Pasaman Barat, Triarga TV mangklaim sabagai televisi lokal nan mamiliki jangkauan siar talueh di Sumatra Barat.[2][3]
Sejarah[suntiang | suntiang sumber]
Namo "Triarga" ko diambiak dari namo tigo gunuang di daerah Sumatra Barat, yaitu Gunuang Marapi, Singgalang dan Tandikek. Katigo gunuang ko ditafsirkan marupokan simbol dari kahidupan masyarakaik Minangkabau di Ranah Minang. "Triarga" juo merefleksikan tungku tigo sajarangan, yaitu tigo golongan utamo di masyarakaik Minangkabau. Sadangkan logonyo surang juo diambiak dari warno tradisional Minang (kuniang, sirah jo hitam). Triarga TV lahia untuak mamanuhi kabutuhan masyarakaik Bukiktinggi dan sekitarnyo sacaro maksimal, tarutamo dalam mengangkek kahidupan lokal masyarakaik.[4] Stasiun televisi ko awalnyo marupokan perusahaan patungan antaro Sutan Zailil Asril jo Jawa Pos Group (lewat Riau Pos),[5] dan dimakasudkan sabagai jaringan stasiun televisi nan alah dimiliki Jawa Pos di kota Padang, yaitu Padang TV.[2] PT Triarga Media Televisi sabagai badan hukum Triarga TV didirikan pado 5 Maret 2009 dan disahkan lewat Akta Pandirian/Badan Hukum Departemen Hukum dan HAM RI No. AHU-06098 AH.01.01/2009, sadangkan siarannyo surang baru dimulai sajak Agustus 2009. Kantua puseknyo ado di Jl. Raya Kapeh Panji No. 54D, Bukiktinggi.[4][6]
Stasiun televisi swasta lokal kaduo di Bukiktinggi satalah BiTV,[7] manyajikan program-program nan baragam. Ado program dari Padang TV, ditambah program lokal[4] seperti barito lokal banamo Detak Triarga, gelar wicara, informasi, keagamaan,[8] dan lainnyo namun dengan panekanan informasi current affairs lokal.[3] Parkembangan Triarga TV kini kemudian diklaim alah rancak, alah mandapek respon positif baik dari masyarakaik maupun pemasang iklan lokal, dan berhasil manyiarkan acaronyo di internet secara live streaming.[2] Untuak mambantu pangambangannyo, Triarga TV juo manjalin karajosamo dengan pihak lain, saperti IAIN Bukiktinggi[9] dan malakukan acara off air, seperti sunatan massal.[10]
Sajak 18 Desember 2014, Triarga TV indak lai berjaringan jo Padang TV dan kini punyo Jawa Pos Group. Hal iko tajadi karano adonyo pacah kongsi antaro Sutan Zailil dan Jawa Pos, akibek pasengketaan antaro kaduonyo dalam hal pandanaan perusahaan. Maskipun Jawa Pos lewaik Padang TV alah mambari bantuan program jo teknis, namun salamo ko Sutan Zailil-lah nan salalu manombok kauangan Triarga TV. Katiko masalah ko akan dibicarokan, pihak Jawa Pos acok manghindar dari Rapek Umum Pemegang Saham (RUPS) lah bara-bara kali, sahinggo Sutan Zailil mangambiak langkah sapihak. Salain Triarga TV, media lain nan bapindah kapamilikannyo adolah tabloid Saga, event organizer Padang EO dan media daring padangtoday.com. Satelah paristiwa ko, kapamilikan saham di PT Triarga Media Televisi manjadi dimiliak Zaili Asril (55%), Hareman (25%) dan Desmayetti (20%).[5]
Triarga TV kini kamudian masih sampek baroperasi hinggo baberapo tahun kamudian.[11][8] Kantua puseknyo kamudian dipindahkan ke Jl. Bypass Atas, Aua Kuniang dan logonyo diubah pado Juli 2016, indak lai mirip jo Padang TV.[12][13] Namun sayangnyo, di tahun tasabuik juo, Triarga TV mulai mangalami kasulitan kauangan, jo gaji karyawannyo manunggak babulan-bulan atau dibayia indak sapanuahnyo ditambah babarapo ado nan dirumahkan. Akibek paristiwa tasabuik, babarapo karyawannyo sampek malaporkan stasiun televisi ko ka pamarintah satampek.[14] Satalah paristiwa tasabuik, Triarga TV pun mangilang kiro-kiro pado 2016-2017, sampai kini indak basiaran lai.
Slogan[suntiang | suntiang sumber]
Acara[suntiang | suntiang sumber]
- Detak Triarga
- Detak Terkini[3]
- Detak Siang[17]
- Detak Pagi
- Detak Nusantara
- Detak 9
- Detak Darek
- Mozaik
- Saluang
- Suduik Pasa
- Ku Ingin Tahu
- Lapau Ka Lapau
- Tajam
- Triarga Akhir Pekan
- Mejampuik Aspirasi
- Malala
- Info Loker
- Jalajah Raso
- Berita
- Apa Kabar Bukittinggi
- Indo Request[16]
- Sumarak Agamo[8]
- Salam Sahur[18]
- Kaba Siang
- Kaba Triarga
- Kaba Ranah Minang
- Kaba Rang Agam
- Kaba Pilihan
- Dialog Khusus
- Selamat Siang Triarga
- Liputan Khusus
- Bincang Siang
- Pendidikan X-Presi
- Teka 60 Menit
- Bumi Hijau
- Jungle Run
- Ragam Minangkabau
- Janang
- Carito Lapau
- Film Anak Muslim
- Salero
- Minang Badendang
- Mimbar Dakwah
- Pasamoan
- Mampadalam Kaji
- Pangajian Patang Kamih
- Galora
- 1 Jam Bersama Elta Record[15]
Rujukan[suntiang | suntiang sumber]
- ↑ "DAFTAR IZIN PENYELENGGARAAN PENYIARAN LEMBAGA PENYIARAN TELEVISI YANG SUDAH DITERBITKAN OLEH MENTERI KOMINFO SAMPAI DENGAN NOVEMBER 2017" (PDF). Diarsipkan dari versi asli (PDF) tanggal 2021-01-27. Diakses tanggal 2022-07-25.
- ↑ a b c Profil Triarga TV
- ↑ a b c COMPANY PROFILE
- ↑ a b c LAPORAN PRAKERIN di TRIARGA TV
- ↑ a b RUPS LB, Triarga TV, padangtoday.com,Padek EO dan Tabloid SAGA Keluar dari Jawa Pos
- ↑ AKSI TRIARGA-TV DI RANTIH DEWASA
- ↑ ANALISTS STRATEGI BAURAN KOMUNIKASI...
- ↑ a b c Wisata Dakwah BKMT, Ribuan Jamaah Padati Masjid Agung Nurul Falah
- ↑ FUAD Jalin MoU dengan Tri Arga TV : Gunakan Potensi TV Lokal untuk Pendidikan Featured[pranala nonaktif permanen]
- ↑ Kegiatan Sosial Sunatan Massal dan Donor Darah semarakkan 21 Tahun keberadaan Ibu kota Kabupaten Agam di Lubuk Basung
- ↑ Pelaku Humas Sharing Informasi di Triarga TV Bukittinggi
- ↑ DIBERITAHUKAN KEPADA SELURUH...
- ↑ a b Launching kantor baru Triarga TV di Jl.Raya By Pass Atas Kelurahan Aur Kuning Kecamatan ABTB..
- ↑ Karena tidak di gaji perusahaan, karyawan Tri Arga TV laporkan ke Dissosnaker.[pranala nonaktif permanen]
- ↑ a b Jika dibutuhkan company profile. Tri Arga TV.
- ↑ a b Apa program Berita TRIARGA TV kesukaan anda ?
- ↑ detak siang,,,
- ↑ Koleksi Foto Restoran Kubang Hayuda Bukittinggi