Lompat ke isi

Tenggelamnya Kapal van der Wijck (film)

Wikipedia Minangkabau - Lubuak aka tapian ilimu
Tenggelamnya Kapal Van der Wijck
Poster bioskop
SutradaraSunil Soraya
ProduserRam Soraya
Sunil Soraya
SkenarioDonny Dhirgantoro
Imam Tantowi[1]
PamainHerjunot Ali [2]
Pevita Pearce
Reza Rahadian
Randy Nidji
Arzetti Bilbina
Kevin Andrean
Mikaila Patritz
Jajang C. Noer
Niniek L. Karim
Musra Dahrizal Katik Rajo Mangkutoi
Gesya Shandy
Musik dekAndi Ariel Harsya[3]
PanyuntiangSasta Sunu
Parusahaan
produksiy
DistributorSoraya Intercine Films
Tangga rilis
19 Desember 2013 (2013-12-19)


11 September 2014 (2014-09-11)

(versi panjang)
Durasi
164 minik[4]
195 minik (versi panjang)[5]
NagaraBendera Indonesia Indonesia
BahasoIndonesia, Minang, Makassar, Jawa

Tenggelamnya Kapal Van der Wijck adolah film drama romantis Indonesia taun 2013 nan disutradarai dek Sunil Soraya nan diproduseri dek Ram Soraya. Film ko diadaptasi dari novel bajudul samo karangan Buya Hamka. Tenggelamnya Kapal Van der Wijck mancaritokan tentang pabedaan latar balakang sosial nan manghalangi hubungan cinto sapasang kekasih sampai kamatian. Diproduksi dek Soraya Intercine Films, film ko antaro lain dibintangi dek Pevita Pearce, Herjunot Ali, Reza Rahadian, jo Randy Danistha.

Jo biaya produksi nan tinggi, Tenggelamnya Kapal Van der Wijck manjadi film tamaha nan panah diproduksi dek Soraya Intercine Films.[6] Proses produksinyo surang maabihan wakatu salamo limo taun, jo panulisan skenarionyo dilakuan salamo duo taun[7]. Film ko dirilis pado tangga 19 Desember 2013.

Sinopsis

[suntiang | suntiang sumber]

Balatar taun 1930-an, dari tanah kalahirannyo Makassar, Zainuddin (Herjunot Ali) balayia manuju kampuang halaman apaknyo di Batipuh, Padang Panjang. Di sinan, inyo batamu jo Hayati (Pevita Pearce), saurang gadih rancak jalito nan manjadi bungo di pasukuannyo. Kaduo mudo-mudi ko jatuah cinto. Namun, adaik jo istiadaik nan kuek maruntuhan cintonyo baduo. Zainuddin hanyo saurang malaraik nan indak basuku; karano amaknyo badarah Bugih jo apaknyo badarah Minang, statusnyo dalam masyarakaik Minang nan matrilineal indak diakui. Dek karano itu, inyo dianggap indak mampunyoi patalian darah jo kaluarganyo di Minangkabau. Sadangkan Hayati adolah padusi Minang santun katurunan bangsawan.

Pado akhirnyo, lamaran Zainuddin ditulak kaluarga Hayati. Hayati dipaso manikah jo Aziz (Reza Rahadian), jantan kayo tapandang nan labiah disukoi kaluarga Hayati daripado Zainuddin. Kacewa, Zainuddin pun mamutuihan untuak bajuang, pai dari tanah Minang jo marantau ka tanah Jawa untuak bangkik malawan katapurukan cintonyo. Zainudin bakarajo kareh mambuka lambaran baru hiduiknyo. Sampai akhirnyo inyo manjadi panulih takenal jo karya-karya masyhur nan ditarimo masyarakaik saluruh Nusantara.

Tapi sabuah paristiwa indak disangko datang manghampiri Zainuddin. Di tangah bagalimang harato jo kamansyhurannyo, dalam sabuah patunjuan opera, Zainuddin kambali batamu Hayati, kali ko basamo Aziz, suaminyo. Pado akhirnyo, kisah cinto Zainuddin jo Hayati manemui ujian tabareknyo; Hayati pulang ka kampuang halamannyo jo manaiki kapa Van der Wijck. Di tangah-tangah pajalanan, kapa nan dinaiki Hayati tanggalam. Sabalum kapa tanggalam, Zainuddin mangatahui bahwa Hayati sabananyo masih mancintainyo.

Pameran

[suntiang | suntiang sumber]

Produksi

[suntiang | suntiang sumber]

Tenggelamnya Kapal Van der Wijck diadaptasi dari novel mahakarya sastrawan sakaliguih budayawan Haji Abdul Malik Karim Amrullah, atau Hamka, nan manjadi film tamaha nan panah diproduksi dek Soraya Intercine Films. Sutradara film ko, Sunil Soraya, manegaskan bahwa hal ko disebabkan karano harus mambuek suasana carito film sarupo nan dikisahkan pado taun 1930-an sasuai jo era novel. Salain tu, juo banyak riset jo hal-hal lainnyo nan wajib dipanuhi untuak mandapekan gambar nan maksimal, nan juo mambuek ongkos produksi tinggi.[8]

Observasi, proses praproduksi, pamilihan pameran, sampai panulisan skenariopun dimulai sajak taun 2008, nan artinyo alah bajalan salamo limo taun. Sunil manyatokan bahwa inyo sempat ragu kalau film ko dapek disalasaikan karano cukuik panjang prosesnyo. Salah satu elemen tasulik adolah manamukan kapa nan manyarupoi kapal Van der Wijck pado taun 1930-an. Pado akhirnyo, replika kapa dibuek ulang jo mamasan kapa dari Balando, nan memang manjadi produsen asli kapal Van der Wijck.[9]

Untuak proses panyuntingan dilakukan salamo 4-5 bulan satalah proses syuting salamo 6 bulan jo 300 adegan. Hasilnyo, film ko barakhia jo durasi salamo 2 jam 49 minik. Saluruh kostum dalam film ko dibuek dek parancang busana Samuel Wattimena. Sadangkan untuak panulisan skenario mangalami proses revisi salamo babarapo kali karano sutradara nio manyampaikan samangek jo pasan novel Hamka, indak hanyo manyajikan kisah cinto biaso. Riset nan dilakuan untuak latar jo properti otentik sarupo oto, baju, jo barang-barang era 1930-an, juo mambutuhkan waktu nan indak singkek[10]. Proses pangambilan gambarnyo surang dilakuan di Medan, Padang, Surabaya, Lombok, jo Jakarta.[11]

Kasulitan lainnyo adolah sang sutradara juo harus mancari lauik nan indak mampunyoi ombak kancang, karano kapa Van der Wijck dicaritokan tanggalam indak karano ombak gadang. Samantaro tampek syuting lauiknyo kancang bana. Akhianyo tim produksi mandatangkan tanago ahli dari luaa untuak manampilkan efek tanggalam tanpa manggunokan animasi. Salah saurang panulih skenario, Donny Dhirgantoro manjalehkan skenario ditulih salamo duo taun jo riset nan mandalam. Basamo jo Imam Tantowi, kaduonyo manyusun skenario nan sasuai jo era tasabuk manganai kapa sampai adaik Minang untuak manjadi bahan bagi para pamain film.[7]

Jalua suaro

[suntiang | suntiang sumber]

Grup musik Nidji dipacayo sabagai pangisi jalua suaro untuak film ko jo mampasiapkan ampek buah lagu. Gitaris Nidji, Andi Ariel Harsya, baperan sabagai produser untuak album jalua suaro tasabuik. Proses rekaman lagu-lagu ko malibatkan sahabaik Nidji dari Inggrih, Jason O`Bryan. Singel patamo nan dipiliah bajudul Sumpah & Cinta Matiku. Nidji manyatokan mamasukan konsep pop Britania jo unsua musik gregorian untuak mambari kasan megah jo kolosal.[3]

Kontroversi

[suntiang | suntiang sumber]

Satalah poster film ko dirilis, sajumlah masyarakaik Minang nan tagabuang dalam sabuah grup di jajaring sosial Facebook memprotes poster film ko nan manuruiknyo indak sasuai jo adaik jo budayo Minang nan sangaik manjunjuang tinggi ajaran Islam. Inyo mangklaim bahwa poster ko marupokan bantuak "pamarkosaan tahadap karya Hamka, karano Hayati nan diperankan dek Pevita Pearce marupokan gadih Minang nan kuek adaik jo agamo, indak mamakai baju tabukak sarupo nan ado di poster."[12]

Tenggelamnya Kapal Van der Wijck Extended

[suntiang | suntiang sumber]

Tenggelamnya Kapal Van der Wijck barhasil mandatangkan penonton sabanyak 1.724.110 salamo maso panayangannyo pado taun 2013. Dek karano itu, film talaris taun 2013 ko kambali diputa di bioskop pado tangga11 September 2014. Film ko alah diputa versi panjangnyo (extended), nan durasinyo labiah panjang daripado versi nan diputa sabalumnyo, yakni 3,5 jam.[5]

Pangaragoan

[suntiang | suntiang sumber]
Taun Pangaragoan Nominasi Hasia Panarimo Rujuakan
2014 Indonesian Choice Awards 2014 Movie of The Year Nominasi Tenggelamnya Kapal Van der Wijck
Actor of The Year Nominasi Herjunot Ali
Actress of The Year Manang Pevita Pearce
Festival Film Bandung 2014 Film Terpuji Nominasi Tenggelamnya Kapal Van der Wijck
Pemeran Utama Pria Terpuji Manang Herjunot Ali (basamo Ikranagara dalam Sang Kiai)
Pemeran Utama Wanita Terpuji Manang Pevita Pearce
Festival Film Indonesia 2014 Pemeran Utama Pria Terbaik Nominasi Herjunot Ali
Pemeran Pendukung Pria Terbaik Nominasi Reza Rahardian
Penulis Skenario Adaptasi Terbaik Nominasi Imam Tantowi, Donny Dhirgantoro, Riheam Junianti & Sunil Soraya
Penata Visual Efek Terbaik Manang Eltra Studio & Adam Howarth
Penata Busana Terbaik Nominasi Samuel Watimenna
2015 Indonesian Choice Awards 2015 Movie of The Year Nominasi Tenggelamnya Kapal Van der Wijck Extended
Actor of The Year Nominasi Herjunot Ali
Actress of The Year Nominasi Pevita Pearce

Rujuakan

[suntiang | suntiang sumber]
  1. ↑ Tenggelamnya Kapal Van Der Wijck Tayang 19 Desember Archived 2013-11-27 di Wayback Machine. Gatra. Diakses 14 Desember 2013
  2. ↑ Junot Dalami Peran Paling Intens di TENGGELAMNYA KAPAL VAN DER WIJCK[pautan nonaktif salamonyo]
  3. ↑ a b "Lagu Megah Tenggelamnya Kapal van Der Wijck dari Nidji". Gatra. Diakses tanggal 14 Desember 2013. 
  4. ↑ "Durasi Film Tenggelamnya Kapal Van Der Wijk Hampir Tiga Jam". Yahoo News. Diakses tanggal 14 Desember 2013. 
  5. ↑ a b "TENGGELAMNYA KAPAL VAN DER WIJCK Versi Extended Tayang 3,5 Jam". Kapanlagi.com. Diakses tanggal 8 Juli 2014. 
  6. ↑ Tenggelamnya Kapal Van der Wijck Jadi Film Termahal Rumah Produksi Ini. Tribunnews. Diakses 14 Desember 2013
  7. ↑ a b Tenggelamnya Kapal Van der Wijck Archived 2016-03-11 di Wayback Machine. Diakses 14 Desember 2013
  8. ↑ Tenggelamnya Kapal Van der Wijck Jadi Film dengan Budget termahal Archived 2013-12-17 di Wayback Machine. Hai Magazine. Diakses 14 Desember 2013
  9. ↑ ‘Tenggelamnya Kapal Van Der Wijck’ Jadi Film Termahal Archived 2016-03-11 di Wayback Machine. Suara Pembaruan. Diakses 14 Desember 2013
  10. ↑ Tenggelamnya Kapal Van der Wijck tayang 19 November
  11. ↑ Reza Rahadian Tampil sebagai Bangsawan di Teaser 'Tenggelamnya Kapal Van Der Wijk'. Detikhot. Diakses 14 Desember 2013
  12. ↑ "Poster Film Kapal Van Der Wijck Tuai Protes Masyarakat Minang". Hidayatullah.com. Diarsipkan dari versi asli tanggal 2018-10-15. Diakses tanggal 14 Desember 2013. 
  13. ↑ a b c "NET TV Gelar Ajang Indonesian Choice Awards 2014". Diakses tanggal 27 Agustus 2014. 
  14. ↑ a b c "Deretan Nama Pemenang Festival Film Bandung 2014". Diakses tanggal 12 Oktober 2015. 
  15. ↑ a b c d e "Ini Daftar Lengkap Pemenang Piala Citra FFI 2014". Diakses tanggal 12 Oktober 2015. [pranala nonaktif permanen]
  16. ↑ a b c "Daftar Pemenang NET. Indonesian Choice Awards 2015". Diakses tanggal 12 Oktober 2015. 

Pranala lua

[suntiang | suntiang sumber]
Diambiak dari "https://min.wikipedia.org/w/index.php?title=Tenggelamnya_Kapal_van_der_Wijck_(film)&oldid=3158113"