Tari Indang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Tari Indang, nan kini labiah tanamo jo tari badindin.

Tari Indang atau nan labiah dikana urang jo tari dindin badindin marupokan salah satu tari tradisional nan barasa dari Sumatera Barat. Labiah tapeknyo di Pariaman. Indang bararti rabana ketek, tarian iko sarupo jo tari saman dari Aceh tapi gerakan tari indang labiah santai daripado tari saman. Tari indang marupokan pancampuran budayo Minang jo Islam. Tari iko diperkenalkan dek Syekh Burhanuddin pado abaik ka-13 atau abaik ka-14 dalam rangka manyiarkan agamo islam di Sumatera Barat.

Tarian iko diiriangi dek instrumen tapuak indang jo jantiak jari panari jo lantunan dikia. Tari iko dulu anyo buliah ditarikan dek laki-laki jo jumlah ganjia antaro 7-25 urang panari. Tari indang ditarikan katiko salasai mangaji di surau sambia malantunan syair-syair salawat sarato dikia jo duduak rapek sajaja dalam ciek shaf. Salain itu tari indang acok juo dimainkan dalam acaro Tabuik di Pariaman satiok tanggal 10 Muharram, iyolah ari paringatan maningganyo cucu Rasulullah.

Kini tari indang labiah tanamo jo tari badindin dek diiriangi lagu Minang nan bajudul Badindin nan dinyanyian dek Tiar Ramon jo Elly Kasim nan populer pado taun 1980-an. Tari indang nan dulu diiriangi dikia kini diiriangi nyanyian manyababkan tari iko kini ampia baraliah fungsi, mulonyo untuak badakwah tapi kini labiah acok dimainkan dimuko umum sabagai hiburan, sarupo manyambuik tamu, baralek, jo acara-acara gadang lainnyo. Salain itu, tari indang pado zaman kini labiah acok juo ditarikan dek padusi. Biapun baitu tari iko masih tatap lestari sampai kini dan masih katuju dek sadoalah kalangan untuak dipentasan.

Caliak pulo[suntiang | suntiang sumber]

Rujuakan[suntiang | suntiang sumber]