Tantara Nasional Indonesia

Wikipedia Minangkabau - Lubuak aka tapian ilimu

Tantara Nasional Indonesia (disingkek TNI) adolah namo sabuah angkatan parang dari nagaro Indonesia. Pado awal dibantuak banamo Tantara Kaamanan Rakyaik (TKR) kamudian baganti namo manjadi Tantara Republik Indonesia (TRI) dan kamudian diubah lai namonyo manjadi Tantara Nasional Indonesia (TNI) hinggo saat kini.

Tantara Nasional Indonesia (TNI) tadiri dari tigo angkatan basanjata, iyolah TNI Angkatan Daraik, TNI Angkatan Lauik, dan TNI Angkatan Udaro. TNI dipimpin jo saurang Panglimo TNI, sadangkan masiang-masiang angkatan dipimpin jo saurang Kapalo Staf Angkatan. Panglima TNI saat kini adolah Marsekal TNI Hadi Tjahjanto.

Pado maso Demokrasi Terpimpin hinggo maso Orde Baru, TNI parnah digabuangkan jo POLRI. Penggabuangan iko disabuik jo ABRI (Angkatan Basanjata Republik Indonesia).

Sasuai Katatapan MPR nomor VI/MPR/2000 tantang pamisahan TNI jo POLRI sarto Katatapan MPR nomor VII/MPR/2000 tantang Paran TNI jo paran POLRI mako pado tanggal 30 September 2004 alah disahkan Rancangan Undang-Undang TNI jo Dewan Perwakilan Rakyat nan selanjuiknyo ditandotangani jo Presiden Megawati Soekarnoputri pado tanggal 19 Oktober 2004.

Sijarah[suntiang | suntiang sumber]

Sabalum Proklamasi Kemerdekaan Indonesia, otoriteh militer di Hindia Balando disalanggarokan jo (KNIL). Maskipun KNIL indak langsuang batangguang jawek ateh pambantuakan angkatan basanjata Indonesia pado maso bisuak, (sabaliaknyo baparan sabagai musuah salamo Revolusi Nasional Indonesia 1945-1949), KNIL juo alah maagiah andil barupa palatihan militer dan infrastruktur untuak babarapa pawira TNI pado maso bisuak. Ado pusek-pusek palatihan militer, sakolah militer dan akademi militer di Hindia Belando. Di sampiang marekrut ralawan Belando dan tantara bayian Eropa, KNIL jugo marekrut urang-urang pribumi Indonesia.

Pado taun 1940 saat Belando di bawah pandudukan Jerman, dan Jepang mulai mangancam akses pasokan minyak bumi ka Hindia Balando, Balando akhirnyo mambuka kasampatan panduduak pribumi di Pulau Jawa untuak masuak sabagai anggota KNIL.

Selama Perang Dunia Kedua dan pandudukan Japang di Indonesia perjuangan rakyaik Indonesia untuak memperoleh kemerdekaan mulai memuncak. Untuk mendapatkan dukungan dari rakyaik Indonesia dalam parang malawan pasukan sekutu, Japang mulai mendorong dan mendukung gerakan nasionalis Indonesia jo menyediakan palatiahan militer dan sanjato bagi pemuda Indonesia. Pado tanggal 3 Oktober 1943, militer Japang mambantuak tentara relawan Indonesia nan disabuik PETA (Pembela Tanah Air). Japang mambantuak PETA jo makasuik untuak mambantu pasukan mereka menentang kemungkinan invasi dek Sekutu ka wilayah Asia tenggara.

Palatihan militer Japang untuak pamuda Indonesia awalnyo dimaksuikkan untuak manggalang dukuangan lokal bagi Kakaisaran Japang, tatapi kamudian manjadi sumber dayo nan sangaik baarti untuak Republik Indonesia salamo Parang Kamardekaan Indonesia taun 1945-1949 dan jugo baperan dalam pambantuakan Tantara Kaamanan Rakyaik pado taun 1945.

Rujuakan[suntiang | suntiang sumber]


Pautan lua[suntiang | suntiang sumber]