Silek harimau

Silek Harimau

Silek harimau adolah seni bela diri budayo Minangkabau. Silek ko manyarupoi harimau bacakak. Silek ko digunukan katiko tadasak nan indak bisa mailak dari musuah. Silek harimau ko adolah silek turunan dari silek campo. Kini silek ko masih banyak basobok di nagari-nagari di Minangkabau.

Silek harimau ko bisa digunokan untuak mamatahkan tulang lawan bahkan bisa mambunuah lawan kok tadasak nan nyawa manjadi taruahannyo. Indak sumbarang urang sajo nan bisa manguasoi silek harimau, urang nan nak mampalajari silek ko haruslah urang nan arif dalam satiok keadaan, supayo indak sumbarang pagunoan sajo.

Sijarah

Pado awal sijarahnyo, silek harimau hanyo diajarkan katiko paparangan sajo sarato hanyo dipakai dek para pangawal karajaan. Silek harimau partamo sakali tacipta di daerah Pariangan, pado tahun 1119 dek Datuak Suri Dirajo. Katiko itu, Datuak Suri Diarjo malatiah para pasukan karajaan jo babagai gaya silek nan babeda-beda, karano pado zaman dahulu, para pasukan silek acok manghadapi partampuran ciek lawan ciek, ciek lawan tigo, atau ciek lawan ampek. Kunci utamo para pasilat untuak mamanangkan partampuran tu adolah jo caro mangalahkan langsuang musuah sacapek mungkin.

Tokoh

Edwel Yusri Datuak Rajo Gampo Alam, nan akrab dipanggia Datuak Edwel (lahia di Bukittinggi, Sumatra Barat, 6 Juli 1963; umua 61 taun) adolah koreografer garakan silek, palestari jo ahli Silek Harimau Minangkabau.

Garakan

silek adolah seni beladiri tradisional warisan budayo niniak moyang bangsa Indonesia. Manggunokan ilimu beladiri ikolah para pahlawan kito ,barani mambela diri mampatahankan negara ko dari panjajahan negara asiang nan ingin manguasoi negara kito, kini ko silek ko alah diakui dek dunia, yaitu UNESCO sabagai warisan dunia tak benda dari indonesia. Beladiri silek ko kini alah banyak dinikmati dek kalangan masarakaik bahkan masarakaik lua negri nan tibo datang ka Indonesia sarato nio mampalajarinyo

Silek Harimau, ciek dari banyak aliran silek kampuang di Minangkabau. Atraksi ko acok dipatunjuakkan di dalam ragam prosesi budayo.

Garakan silek harimau tagolong pado garakan harimau campo nan marupokan hasia papaduan jo pandatang asa Champa jo ciri khas gaya batampuanyo close combat, dimano katiko partampuran, urang-urang pasilek langsuang diposisi barisan muko. Gaya ikolah nan kamukonyo ka manjadi cikal bakal badirinyo Silek Harimau nan diajarkan dek Edwel Yusri Datuak Rajo Gampo Alam.

Teknik

Silat Harimau mamiliki teknik nan capek jo garakan nan ancak bana. Namun, dibaliak teknik jo garakan tu, ado babagai sarangan mamatikan nan diterapkan untuak malumpuahkan musuah sacaro capek.

Garakan iko takenal cukuik manyakikkan jo mambuek lawan indak bakutik jo hanyo bisa marabah di bawah jo tubuah nan indak bisa malawan baliak. Salain itu, Silek Harimau pulo manggunokan cakar sabagai sanjato untuak manyarang lawannyo. Cakaran mangarah ka lihia, muko jo bagian vital dari lawan. Teknik iko manjadi ciri khas nan indak ado pado silek lainnyo.

Teknik silek harimau manggunokan tangan

Ado babarapo teknik silek harimau:

• Tusukan ciek jari - target sarangannyo lobang pado daerah lihia.
• Tusukan duo jari - target sarangannyo mato.
• Cakiak - target sarangannyo lihia.
• Tepis - mambelokkan sarangan lawan jo tangan sahinggo indak manganai tubuah.
• Sikuan - teknik manggunokan siku.
• Rangguik - marangguik tangan, kaki, atau kapala lawan.
• Dorong - mandorong tubuah lawan.
• Sambutan - manyambuik sarangan lawan, diiringi jo mamatahkan anggota tubuah lawan.
• Sodokan - target sarangannyo ulu hati lawan.
• Daga - manyarang rahang lawan.
• Pilin - mamilin tangan, kaki, atau kapalo lawan.
• Patahan - teknik mamatahkan jari, tangan jo kaki lawan.
• Tamparan - manggunokan duo tangan untuak manampa.

Teknik silek harimau manggunokan kaki

Ado babarapo teknik silek harimau:

• Sepak - menyepak lawan.
• Hantam jo lutuik - digunokan untuak manghantam kapalo lawan atau paruiknyo.
• Injak - manginjak lawan.
• Tendangan balakang - tendangan babantuak huruf T.
• Sapuan - digunokan untuak manyapu kaki lawan.

Teknik silek harimau kombinasi atau manggunakan anggota tubuah lainnyo

Ado babarapo teknik harimau kombinasi:

• Kuncian - mangunci lawan jo tangan atau kaki.
• Mambantiang - mambantiang lawan jo manggunokan tangan jo kaki.
• Mambukak kuncian jo mangelak dari bantingan - malapehkan diri dari kuncian.

Falsafat jo Nilai Luhua

Dalam baraja silek, Palatiah mampakenalkan nilai-nilai agamo kapado muriknyo. Sarupo jo tradisi Minangkabau, silek itu lahia batujuan untuak mancari silaturahmi, sadangkan batin silek untuak mandakekan diri kapado Allah SWT, jo baniek barasiah.

Filosofi Minangkabau :

“

" Awas raso jaan hilang, balantai sabalum roboh, basiang manabeh sabalum tumbuah."

”

Ungkapan tu taimplementasi malalui garakan kudo-kudo nan badiri jo huruf alif nan bamakna pasilek badiri basarato Allah, badiri duo kali manyarupoi huruf lam jo badiri jo manyarupoi huruf hijaiyah Kha. Karakter kareh, indak basa-basi jo tegas manjadi ciri utamo ajaran silek harimau. Karano memang didesain untuak mamatikan lawan jo jurus-jurus babahayo sarato manyarang langsuang daerah vital musuah, baiak jo gaya lantiang atau terekam Harimau. Dek karano itu, silek Harimau kamudian tanamo jo silek baraliran kareh. Damikian kareh, hinggo potensi panyalahgunoan ilimu nan gadang bana.

Pakaian

Pakaian silek di Minangkabau

Pakaian nan digunokan untuak silek adolah pakaian bawarna hitam nan labiah takenal jo sabutan endong atau galembong. Hitam ko surang mamiliki makna tahan tapo jo tentu sajo pakaian hitam iko labiah baiak digunokan untuak silek dibandiangkan jo pakaian putiah nan taliek capek kumuah. Pakaian silek tradisional pisak-nyo sangaik randah sahinggo indak mamungkinkan palaku silek manyepak talalu tinggi, tinggi sepakan paliang sampai alat vital lawan sajo. Pakaian Silek dibuek longga dibagian paho untuak mamudahkan para pasilek untuak malakukan garakan-garakan untuak labiah laluaso jo lincah. Garakan bantuak maloncek jo ado babarapo garakan akrobatik. Ado pulo nan namonyo deta, sabutan untuak ikek kapalo nan dibantuak manyarupoi tanduak baragam corak tapasang kokoh di kapalo.

Sanjato

Sanjato Kerambit

Sanjato khas yaitu pisau ganggam ketek babantuak malangkuang takah cakar harimau. Dunia barat manyabuiknyo Karambit. Sanjata ko tamasuak babahayo karano dapek digunokan untuak manyaik maupun merobek anggota tubuah lawan sacaro capek sarato indak tadeteksi. Karambit sangajo dirancang labiah malangkuang takah kuku harimau, sasudah mancaliak harimau bataruang jo manggunokan cakarnyo, hal iko sajalan jo falsafah Minangkabau nan babunyi alam takambang jadi guru. Sanjato Karambit iko biaso digunokan dalam Silat Harimau karano malambangkan cakar sarato ada juo nan manggunokan pisau nan malambangkan tariang dari harimau.